<div>
<p><span style="color: #000000;"><strong>(ភ្នំពេញ)៖</strong> បច្ចុប្បន្ននេះ គេសង្កេតឃើញតន្ត្រី និងបទចម្រៀងផ្នែកសម័យរបស់កម្ពុជា កំពុងតែរីកលូតលាស់ ចេញផ្លែផ្កាគួរឲ្យចាប់អារម្មណ៍ ពិសេសបទចម្រៀងសម័យថ្មី បែបយុវវ័យ ដែលនិពន្ធថ្មីៗ មិនចំឡងពីគេរបស់អ្នកនិពន្ធ និងអ្នកចម្រៀង កាន់តែសម្បូរបែប គ្រប់រូបភាព គ្រប់បណ្ដាផលិតកម្មទាំងអស់។ ងាកមកតន្ត្រីផ្នែកបុរាណវិញ ត្រូវបានគេបំភ្លេចស្ទើរតែទាំង គ្មានអ្នកណាចាប់អារម្មណ៍ឡើយ សូម្បីតែក្នុងកម្មវិធីមង្គលនានា ក៏កាត់បន្ថយច្រើនដែរ។ ចំណែកអ្នកប្រកបមុខរបរ ជាមួយតន្ត្រីបុរាណ កាន់តែលំបាក ពិសេសអ្នករកស៊ីក្នុងរោងការតំលៃច្រៀង មិនសូវបានថ្លៃឡើយ ។</span></p>
<p><span style="color: #000000;">តារាចម្រៀងស្រីដ៏ល្បីល្បាញ នាង សុន ស្រីពេជ្រ បាននិយាយក្នុងបណ្ដាញសង្គមនាងថា នាងពិតជាឈឺចាប់ខ្លាំងណាស់ នៅពេលតន្ត្រីបុរាណ និងអ្នកចម្រៀងបុរាណ ត្រូវបានគេឲ្យតំលៃទាប មិនស្មើរតារាចម្រៀងសម័យម្នាក់ផង ។ តារាចម្រៀងសម័យម្នាក់ គេហ៊ានឲ្យតំលៃ១០០០ដុល្លារ គ្រាន់តែច្រៀងក្នុងរាជធានីភ្នំពេញ ។ រីឯក្រុមតន្ត្រីបុរាណចេញពីសាលាវិចិត្រមួយក្រុម ចេញច្រៀងតាមខេត្តក្នុងតម្លៃ១០០០ដុល្លារ ដូចគ្នា ម្ចាស់កម្មវិធី ស្រែកថាថ្លៃណាស់ ស្រែកចង់បែកក្រដាសត្រចៀក ។</span></p>
<p><span style="color: #000000;">«ក្រុមតន្ត្រីបុរាណមួយក្រុម មានសមាជិកមិនក្រោមដប់នាក់ យក១០០០ដុល្លារមកចែកគ្នា បានម្នាក់ប៉ុន្មាន? គាត់ចំណាយពេលប៉ុន្មាន ចាប់តាំងពីថ្ងៃចូលរោង រហូតចប់កម្មវិធីមង្គលការ សូមពិចារណាឡើងវិញ ? ហេតុអ្វីអ្នកមិនឲ្យតម្លៃដូច្នេះ ? នេះមិនមែនសម័យ ប៉ុល ពត ដែលរៀបការគ្មានភ្លេងខ្មែរនោះទេ ?»។ នេះជាការលើកឡើង បែបប្រតិកម្ម លើកដំបូងរបស់តារាចម្រៀង សុន ស្រីពេជ្រ ដែលបានប្រើពាក្យសម្ដីធ្ងន់ៗ បង្ហាញឲ្យមហាជនដឹងថា នាងមិនពេញចិត្ត នឹងការមិនសូវឲ្យតម្លៃ លើតន្ត្រីបុរាណខ្មែរ ដែលនាងប្រើជីវិតក្នុងរបបនេះ រាប់សិនឆ្នាំមកហើយ ពោលតាំងពីនាង ច្រៀងរាប់ផ្លែឈើ បានមួយថ្ងៃ៥០០០រៀលប៉ុណ្ណោះ ហូតដល់មួយថ្ងៃរាប់រយដុល្លារ ក៏នាងមិនចោលវាដែរ ព្រោះនាងស្រឡាញ់តន្ត្រីបុរាណខ្មែរ ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlt1/v/t1.0-9/12301632_944489312308124_2501400856355471352_n.jpg?oh=3e0cb1de09a5c03216a572805bd2e055&oe=57024612" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/10481610_863171477106575_560437561368853238_n.jpg?oh=029bf6ae5f13d6cb42c62bd514c5d7c2&oe=570405BE" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/1621832_605670052856720_1264417292_n.jpg?oh=9b8b35fbf4c32dcf3039242e5dbb3ba5&oe=5739EFF2&__gda__=1463521313_21f58fe2bcbccfc3b79334ff859a7e34" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/1509697_589607074463018_1753302031_n.jpg?oh=91736f5458653a2eb374667c60929a24&oe=572FC7E2" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/1781900_586949921395400_1638759935_n.jpg?oh=1bf386de509c726f10a79946102a6a60&oe=5730E3B3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xft1/v/t1.0-9/940881_961233297300392_844794725895686613_n.jpg?oh=d393e5f3039c0a61c125586fb5df26ee&oe=574829E5&__gda__=1463118691_301f80d74b311deb6e22924f9a7ea7a7" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/10996519_849115158512207_4171196838008494246_n.jpg?oh=8092b730dabffa7626c46c2cd7dbda64&oe=573CD5C7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>