<p>នៅពេលក្រុមហ៊ុនបច្ចេកវិទ្យា Alibaba (ចិន) ចូលផ្សារហ៊ុន អ្នកដែលបានទទួលផលប្រយោជន៍<br />ច្រើនបំផុត មិនមែនជាស្ថាបនិក (Jack Ma) ឬថ្នាក់ដឹកនាំរបស់ក្រុមហ៊ុននោះទេ ប៉ុន្ដែ គឺជាមហា<br />សេដ្ឋីជប៉ុន Masayoshi Son ។</p>
<p style="text-align: center;"><a class="thickbox" title="" href="/FileManager/Commons/2014/5/30/japanson1-30-05-2014--17-15-39.jpg"><img src="/FileManager/Articles/mce/2014/5/30/japanson1-30-05-2014--17-15-39.jpg" alt="" /></a></p>
<p>កាលពី ១៤ឆ្នាំមុន ស្ថាបនិករបស់ SoftBank បានប្រថុយវិនិយោគ ២០លានដុល្លារ ទៅលើគេហ<br />ទំព័រមួយដែលមិនមានឈ្មោះល្បី ដែលតភ្ជាប់ក្រុមហ៊ុនចិន ជាមួយអតិថិជនបរទេស។ គេហទំព័<br />រនេះ ក្រោយមកក៏បានរីកចម្រើនទៅជាក្រុមហ៊ុនពាណិជ្ជកម្មអនឡាញ់ធំបំផុត នៅប្រទេសចិន <br />ហើយភាគហ៊ុនរបស់ SoftBank នៅទីនេះ ត្រូវបានគេកំណត់តម្លៃ ៥៨ពាន់លានដុល្លារអាមេរិក។</p>
<p>កាលពីប៉ុន្មានថ្ងៃមុន ក្រុមហ៊ុន Alibaba បានដាក់ពាក្យសុំ ចូលរួមក្នុងផ្សារហ៊ុន នៅអាមេរិក។<br /> ក្រុមអ្នកវិភាគឱ្យដឹងថា ក្រុមហ៊ុននេះ អាចមានតម្លៃចន្លោះពី ១៥០ ទៅ ២០០ពាន់លានដុល្លារ។ <br />ពួកគេយល់ថា Alibaba អាចប្រមូលប្រាក់បាន ជាង ១៦ពាន់លានដុល្លារ ពីការជួញដូរក្នុងផ្សារ<br />មូលបត្រនេះ ហើយនឹងក្លាយជាការជួញដូរធំបំផុត ក្នុងប្រវត្តិសាស្ដ្រនៃវិស័យបច្ចេកវិទ្យា។</p>
<p>IPO (ការជួញដូរក្នុងផ្សារហ៊ុន) របស់ Alibaba នឹងជួយឱ្យមហាសេដ្ឋីជប៉ុន Masayoshi Son កាន់<br />តែល្បីឈ្មោះ។ ទន្ទឹមនឹងនេះ Masayoshi Son ក៏នឹងមានទុនបន្ថែមទៀត សម្រាប់តម្រូវការទិញ<br />ដូរ និងក្រុមហ៊ុនផ្សេងៗ។</p>
<p style="text-align: center;"><a class="thickbox" title="" href="/FileManager/Commons/2014/5/30/japanson3-30-05-2014--17-14-09.jpg"><img src="/FileManager/Articles/mce/2014/5/30/japanson3-30-05-2014--17-14-09.jpg" alt="" /></a></p>
<p style="text-align: center;">Masayoshi Son (ឆ្វេង) និងស្ថាបនិករបស់ Alibaba លោក Jack Ma ក្នុងព្រឹត្តិការណ៍មួយ កាល<br />ពីឆ្នាំ ២០១០ (រូប ៖ Bloomberg)</p>
<p>ក្រោយពីចំណាយ ២២ពាន់លានដុល្លារ ដើម្បីទិញក្រុមហ៊ុនអ៊ិនធឺរណិត ធំលំដាប់លេខ ៣ នៅ<br />អាមេរិក Sprint Nextel កាលពីឆ្នាំទៅ Masayoshi Son ក៏បានវិនិយោគ ១ពាន់លានដុល្លារ ទៅ<br />លើក្រុមហ៊ុនចែកចាយទូរស័ព្ទ Brightstar ព្រមទាំងបង្ហាញចំណាប់អារម្មណ៍ទៅលើក្រុមហ៊ុនអ៊ិន<br />ធឺរណិត T- Mobile ។ ក្រុមអ្នកវិភាគឱ្យដឹងថា មហាសេដ្ឋី Masayoshi Son អាចនឹងស្វែងរកទិញ<br />ក្រុមហ៊ុនអ៊ិនធឺរណិត នៅអឺរ៉ុប ឬទិញយកបណ្ដាក្រុមហ៊ុនផលិតតន្ដ្រី។ Masayoshi Son ក៏ធ្លាប់<br />បានស្នើទិញ Universal Music Group ក្នុងតម្លៃ ៨,៥ពាន់លានដុល្លារ ប៉ុន្ដែ ត្រូវបដិសេធ។</p>
<p>ក្នុងអំឡុងពេល ៣ទសវត្សរ៍ Masayoshi Son បានប្រើប្រាស់ប្រាក់កម្ចី ដើម្បីប្រែក្លាយក្រុមហ៊ុន<br />ជួញដូរសបវ៉ែរ របស់ខ្លួន ឱ្យទៅជាក្រុមហ៊ុនទូរស័ព្ទ ដែលធ្វើសកម្មភាពនៅលើទ្វីបចំនួន ២។ <br />នៅជប៉ុន ក្រុមហ៊ុនរបស់ Masayoshi Son គឺជាគូប្រជែងគួរឱ្យខ្លាច របស់បណ្ដាក្រុមហ៊ុនធំៗ <br />ហើយក៏ជាក្រុមហ៊ុនដំបូង ដែលបាននាំយក iPhone មកចែកចាយក្នុងស្រុក។ ក្រោយមក<br /> Masayoshi Son បានទិញយក Sprint ដើម្បីបង្កើត “សង្គ្រាម” ជាមួយបណ្ដាក្រុមហ៊ុនអ៊ិនធឺរណិត<br />ធំបំផុត នៅអាមេរិក គឺ Verizon Communications និង AT&T ។</p>
<p style="text-align: center;"><a class="thickbox" title="" href="/FileManager/Commons/2014/5/30/japanson2-30-05-2014--17-16-08.jpg"><img src="/FileManager/Articles/mce/2014/5/30/japanson2-30-05-2014--17-16-08.jpg" alt="" /></a></p>
<p>មហាសេដ្ឋីវ័យ ៥៦ឆ្នាំនេះ បង្កើតបានអាណាចក្រមួយរបស់ខ្លួន ដោយគាត់បានវិនិយោគទៅ<br />លើក្រុមហ៊ុនបច្ចេកវិទ្យាចំនួន ១៣០០ ក្នុងនោះ មាន Yahoo ជប៉ុន , ក្រុមហ៊ុនផលិតហ្គេម Zynga,<br /> GungHo Online Entertainment ឬគេហទំព័រកំសាន្ដ Buzzfeed ។ល។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ bloomberg<br /><br /><br /></p>