<p><span style="color: #000000;"><strong>(ចិន)៖</strong> ពិតជាមិនគួរឲ្យជឿទេថា វិចិត្រករម្នាក់បានបន្លំខ្លួន ជាមនុស្សស្រី ដើម្បីធ្វើឲ្យបុរសម្នាក់លង់ជឿ ព្រមរៀបការជាមួយដោយកុហកថា ខ្លួនកំពុងមានផ្ទៃពោះ។ កូនកំលោះឈ្មោះ Wang រស់នៅខេត្ត Henan ប្រទេសចិន បាននិយាយថា គាត់ពិតជាសប្បាយចិត្តណាស់ ពេលដឹងថាមិត្តស្រីប្រាប់ថា នាងមានកូនហើយខ្លួន កំពុងនឹងក្លាយជាឪពុកគេម្នាក់ ទើបសម្រេចចិត្តសុំមិត្តស្រីរៀបការ ហើយនាងក៏ឆ្លើយយល់ព្រម។</span></p>
<p><span style="color: #000000;">គូស្នេហ៍ទាំងពីរស្គាល់គ្នា តាមរយៈអនឡាញហើយក៏ស្រឡាញ់គ្នារហូត ដល់សម្រេចចិត្តរៀបការ ប៉ុន្តែអ្វីដែលស្មានមិនដល់ គឺបីថ្ងៃក្រោយពីរៀបការ កូនក្រមុំក៏បាត់ខ្លួន ហើយនាងបានយកប្រាក់ និងវត្ថុមានតម្លៃជាច្រើន ទៅជាមួយផងដែរ។ កូនកំលោះថ្មោងថ្មី បានទូរស័ព្ទរាយការណ៍ ទៅប៉ូលិសពី រឿងនេះ ហើយបានរៀបរាប់គ្រប់សកម្មភាព ដែលគេបានស្គាល់មិត្តស្រី តាមអនឡាញរហូតដល់រៀបការនឹងគ្នា។</span></p>
<p><span style="color: #000000;">ចំណែកប៉ូលិស ក៏ធ្វើជាទាក់ទងនារីនោះ តាមអនឡាញដូចគ្នា ហើយល្បួងឲ្យមកកាន់កន្លែងមួយ តែនាងស្លៀកពាក់ជាប្រុស និងមានឈ្មោះថា Miao Songtao អាយុ២៧ឆ្នាំ ដែលសមត្ថកិច្ចនិយាយថា តាមពិតប្រពន្ធរបស់ Wang ជាប្រុសសោះ។ Miao សារភាពថា រយៈពេលជាងមួយឆ្នាំមកនេះ គេធ្លាប់ទាក់ទងជាមួយបុរស ១១ នាក់ ហើយក៏ទទួលបានលុយ ពីពួកគេច្រើនដែរ។</span></p>
<p><span style="color: #000000;">ចំណែក Wang ដែលដឹងថា ប្រពន្ធដែលទើបរៀបការថ្មោងថ្មី ប្រែក្លាយជាប្រុសមិនមែនជាមនុស្សស្រី មានផ្ទៃពោះបែបនេះ មានអារម្មណ៍តក់ស្លុតក្នុងចិត្ត មិនស្ទើរឡើយ។ រីឯ Miao ត្រូវចាប់ខ្លួនពីបទចោរ កម្ម បន្ទាប់ពីប៉ូលិសរកឃើញថា គេលួចប្រាក់និងវត្ថុមានតម្លៃយ៉ាងច្រើន ក្រោយពីបន្លំរៀបការ ជាមួយ Wang រួច៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/9/160a-09-06-2016--13-05-06.jpg"><img src="/FileManager/Articles/mce/2016/6/9/160a-09-06-2016--13-05-06.jpg" alt="" /></a><br /><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>