<p><span style="color: #000000;"><strong>(ភ្នំពេញ)៖</strong> បន្ទាប់ពីរៀបអាពាហ៍ពិពាហ៍ រស់នៅសាងសុភមង្គលគ្រួសារ រហូតបានចំណងដៃកូនប្រុស-ស្រីភ្លោះ ចំនួនពីរនាក់ រួចមក ភរិយា-ស្វាមីរបស់អតីតពិធីការិនី អ្នកនាង ឈិន សុធារី និងលោក សុវណ្ណ មករា កន្លងមកត្រូវបានទស្សនិកជន កត់សម្គាល់ថា សម្ព័ន្ធភាពស្នេហាជាប្តី-ប្រពន្ធរបស់អ្នកទាំងពីរ តែងបង្ហាញពីភាពល្អូកល្អឺន ស្អិតរល្មួត ប្រៀបដូចសត្វស្រមោច និងស្ករ រហូតមានការលើកសរសើរ មិនដាច់មាត់ពីមជ្ឈដ្ឋានមហាជនទូទៅ។</span></p>
<p><span style="color: #000000;">ដោយឡែក ផ្ទុយស្រឡះពីការលើកសរសើរនេះ ស្របពេលដែលភរិយា អ្នកនាង ឈិន សុធារី ទើបសម្រាលកូនខ្ចី បានរយៈពេលប្រហែលជិត២ខែប៉ុណ្ណោះ ថ្មីៗនេះ ស្រាប់តែមានរឿងដ៏គួរឲ្យភ្ញាក់ផ្អើល និងចាប់អារម្មណ៍ខ្លាំង លើជីវិតសុភមង្គលស្នេហារវាងប្តី-ប្រពន្ធរបស់ពួកគេ ព្រោះនៅសុខៗស្រាប់តែ អ្នកនាង ឈិត សុធារី បានបង្ហាញពីវិបត្តិផ្លូវចិត្ត ហាក់កំពុងកើតមានបញ្ហា នៅក្នុងរង្វង់គ្រួសារ ដោយការរស់នៅគ្មានភាពយល់ចិត្ត ចុះសម្រុងគ្នា រវាងនាងជាមួយស្វាមី លោក សុវណ្ណ មករា។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាស្រីអ្នកនាង ឈិន សុធារី ថ្មីៗនេះ បានសរសេរជាសាធារណៈថា «ចង់ប្រាប់ថា ហត់ខ្លាំងណាស់ហត់ទាំងចិត្ត និង កាយស៊ូរហត់តែកាយ តែកុំឲ្យហត់ចិត្ត។ បើនៅតែបែបនេះ តទៅទៀតប្រហែលជាមិនរស់ទេសង្ឃឹមថា ថ្ងៃណាមួយ ខ្ញុំនឹងបានជួបអ្នកដែលយល់ចិត្តខ្ញុំពិតប្រាកដ នៅក្នុងឆាកជីវិតមួយនេះ។ ហត់ណាស់...ទៅមុខលែងរួចហើយ..!»។</span></p>
<p><span style="color: #000000;">ជាមួយគ្នានេះ ឈិន ចាន់សុធារី នៅលើបណ្ដាញសង្គមរបស់នាងដដែលនេះ ត្រូវបានមិត្តភក្តិតែងតែប្រទះឃើញ បង្ហាញសារខូចចិត្ត ជាបន្តបន្ទាប់ ក្នុងមានសារខ្លះបញ្ជាក់ថា «ស្នេហាធ្វើឲ្យមនុស្សទោកទាប» និងមានសារខ្លះទៀត នាងសរសេរឡើង ចង់មានចេតនាឲ្យពេលវេលាត្រឡប់ក្រោយ ដើម្បីសាងជីវិតជាថ្មី កុំឲ្យដូចជាតិនេះជាដើម ។</span></p>
<p><span style="color: #000000;">ទោះបីជាមានការបង្ហោះសារ ហាក់មានវិបត្តិផ្លូវចិត្តពីសំណាក់តារាស្រី អ្នកនាងឈិនសុធារី យ៉ាងនេះក៏ដោយ ប៉ុន្តែរហូតមកទល់ពេលនេះ ពុំទាន់មានប្រភពណាមួយបញ្ជាក់ នៅឡើយទេថា តើអ្នកនាង ឈិន សុធារី មានបញ្ហាគ្រួសារអ្វីមួយ ដែលធ្វើឲ្យនាងដោះស្រាយ មិនចេញនោះទេ។ ដោយឡែកលេខទូរស័ព្ទ របស់នាង ឈិន សុធារី ក៏មិនអាចភ្ជាប់ការទាក់ទង ដើម្បីសួរនាំបន្ថែមពីរឿងនេះបានដែរ នៅរសៀលថ្ងៃទី០៥ ខែមេសា នេះ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfa1/v/t1.0-9/12705202_837248093069970_2894335190938630772_n.jpg?oh=1a722f81989b6015745bcb39bbcb4000&oe=5775F661&__gda__=1472196695_2036e20ad187b4dc9e889897d0c17d96" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/1897833_842142949247151_162028911873808499_n.jpg?oh=a26fbedcfef8f3a46847f94a7b64233f&oe=577DAB39" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/12745933_837248029736643_7487762671641689365_n.jpg?oh=4769dce40cdbf68252d81346fd38db90&oe=57867DA6&__gda__=1467259934_51f8fb1e0f27c30204d7fdf5b461b12b" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12219594_1678889179054877_3293473122449714362_n.jpg?oh=576959c154c7655dadbb177888dcec04&oe=577EF5BB" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12512468_842146055913507_1273320991002745705_n.jpg?oh=45bf2867fac788defc12013adeb3bbb6&oe=5789226E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/l/t1.0-9/12832351_851171631677616_6740732126943077067_n.jpg?oh=37c30a456f0788781804ffd1b7090b96&oe=5785B5A7" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>