<p>កាលពីពេលថ្មីៗនេះ លោក Stewart Fraser ជនជាតិញូវហ្សើលែន បានមានការភ្ញាក់ផ្អើលយ៉ាង ខ្លាំង នៅពេលគាត់នេសាទបានសត្វចម្លែកមួយក្បាល ដែលមានរូបរាងប្រហែលនឹង សត្វបង្គា។ ជាពិសេសនោះ សត្វមួយក្បាលនេះ មានខ្លួនរបស់វា ថ្លាឈ្វង់ មើលធ្លុះពីម្ខាងទៅម្ខាង ដូចជា ចាហួយដូច្នេះដែរ។</p>
<p>នៅក្នុងដំណើរនេសាទ នៅតំបន់សមុទ្រ ដែលមានចម្ងាយពីកោះ Karikari Peninsula ៤៣ ម៉ាយ ពីភាគខាងជើង លោក Stewart និងកូនប្រុសពីរនាក់ទៀតគឺ Conaugh និង Finn បានប្រទះឃើញ នូវ សត្វមានរូបរាងចម្លែកមួយ ផុសនៅលើផ្ទៃទឹកសមុទ្រ។ បើទោះបីជា មានអារម្មណ៍ថា រាងភ័យ ខ្លាចបន្តិច ប៉ុន្តែដោយសារតែភាពងឿងឆ្ងល់ លោក Stewart ក៏បានសម្រេចចិត្ត ដេញតាមប្រមាញ់ សត្វចម្លែក មួយក្បាលនេះ។</p>
<p style="text-align: center;"><a class="thickbox" title="" href="/FileManager/Commons/2014/1/22/je01-22-01-2014--14-19-18.jpg"><img src="/FileManager/Articles/mce/2014/1/22/je01-22-01-2014--14-19-18.jpg" alt="" /></a></p>
<p style="text-align: center;"><em><span style="color: #808080;">សត្វចម្លែកដែលមានរាង ដូចជាបង្គា បន្តិច ដូចខ្ញែសមុទ្រ និងត្រី បន្តិច</span></em></p>
<div>បើតាមរៀបរាប់របស់លោក Stewart សត្វចម្លែកនេះ មានស្រកា និងរូបរាងស្រដៀងនឹងបង្គា ប៉ុន្តែ មើលយូរៗទៅ ក៏ស្រដៀងនឹងប្រភេទ ខ្ញែសមុទ្រផងដែរ។ ដងខ្លួនរបស់វា មានភាពថ្លាមើលធ្លុះ ដល់ក្នុង ដែលអាចមើលឃើញនូវគ្រឿងក្នុងតូចមួយដុំ ពណ៌ទឹកក្រូច នៅខាងក្នុង។</div>
<div></div>
<div><a class="thickbox" title="" href="/FileManager/Commons/2014/1/22/je02-22-01-2014--14-34-30.jpg"><img src="/FileManager/Articles/mce/2014/1/22/je02-22-01-2014--14-34-30.jpg" alt="" /></a></div>
<div></div>
<div>ជាក់ស្តែង អ្នកស្រី Deborah Cracknell ប្រធានក្រុមស្រាវជ្រាវ នៃវិទ្យាស្ថានជាតិ សាគរសាស្រ្ត នៅ Plymouth បានឲ្យដឹងថា សត្វនោះអាចជាប្រភេទត្រីសមុទ្រមួយ ដែលមានឈ្មោះហៅថា Salpa maggiore។</div>
<div></div>
<div>គួរសបញ្ជាក់ផងដែរ ឯកសារដែលនិយាយពីប្រភេទត្រីសមុទ្រ Salpa maggiore មានតិចតួចខ្លាំង ណាស់។ ពួកវាច្រើនតែត្រូវបានរកឃើញ នៅតំបន់សមុទ្រត្រជាក់ ដែលភាគច្រើនគឺនៅតាម មហាសមុទ្រភាគខាងត្បូង៕ </div>
<div></div>
<div style="text-align: right;">ប្រែសម្រួល៖ សិលា<br />ប្រភព៖ kenh14</div>