<p>ក្នុងអត្ថបទនេះ យើងខ្ញុំសូមណែនាំមិត្តអ្នកអាននូវប្រភេទឱសថមួយមុខ ដែលងាយរក និងមាន<br />ប្រសិទ្ធភាពខ្ពស់ក្នុងការព្យាបាលជម្ងឺទឹកនោមផ្អែម នោះគឺស្លឹកស្វាយខ្ចី។</p>
<p>ទឹកនោមផ្អែមគឺជាជម្ងឺមួយដែលអាចបណ្ដាលឲ្យអ្នកជម្ងឺត្រូវប្រឈមនឹងការកាត់ដៃ កាត់ជើង <br />ដោយសារតែរបួសមិនជាសះស្បើយ។ ក្រៅពីថ្នាំបារាំង គេក៏អាចប្រើប្រាស់ថ្នាំបុរាណមួយចំនួន ក្នុង<br />នោះ ស្លឹកស្វាយខ្ចីគឺជាឱសថដ៏ប្រសើរសម្រាប់ការព្យាបាលជម្ងឺនេះ។</p>
<p>ការព្យាបាលជម្ងឺទឹកនោមផ្អែមដោយស្លឹកស្វាយ តែងតែមានសុវត្ថិភាព មិនប៉ះពាល់ដល់សុខ<br />ភាពរាងកាយ ម្យ៉ាងទៀត អ្នកអាចស្វែងរកឱសថប្រភេទនេះបានដោយងាយ។</p>
<p style="text-align: center;"><a class="thickbox" title="" href="/FileManager/Commons/2015/6/27/ស្វាយjkhgyug-27-06-2015--11-17-39.jpg"><img src="/FileManager/Articles/mce/2015/6/27/ស្វាយjkhgyug-27-06-2015--11-17-39.jpg" alt="" /></a></p>
<p>យោងតាមពេទ្យបុរាណ ស្លឹកស្វាយ ដែលមានប្រសិទ្ធភាពជួយឲ្យរាងកាយត្រជាក់ និងបញ្ចុះទឹក<br />នោមនេះ ក៏ត្រូវបានគេប្រើជាថ្នាំព្យាបាលផ្លូវដង្ហើមផ្នែកខាងលើ ដូចជាក្អក រលាកទងសួត។ល។</p>
<p>ជាងនេះ នៅក្នុងស្លឹកស្វាយ ក៏មានផ្ទុកសារជាតិ Anthxyanhdin មានប្រយោជន៍ក្នុងការកាត់បន្ថយ<br />ជាតិស្ករក្នុងឈាមទប់ស្កាត់ការវិវដ្តទៅរកភាពអាក្រក់នៅលើភ្នែក និងសរសៃឈាម ដែលអាច<br />កើតឡើងដោយសារជម្ងឺទឹកនោមផ្អែម។</p>
<p>ការពិសោធស្រាវជ្រាវរបស់សកលវិទ្យាល័យអូស្ដ្រាលី បានបង្ហាញថា សារជាតិមួយចំនួននៅក្នុង<br />ស្លឹកស្វាយ មានប្រសិទ្ធភាពក្នុងការព្យាលបាលប្រហាក់ប្រហែលទៅនឹងថ្នាំពេទ្យ ដោយវាអាច<br />ព្យាបាលជម្ងឺទឹកនោមផ្អែម និងបញ្ចុះខ្លាញ់អាក្រក់ (កូលេស្តេរ៉ូល) ក្នុងឈាម។ ដូច្នេះហើយ គ្រូ<br />ពេទ្យអឺរ៉ុបមួយចំនួន បានប្រើប្រាស់ស្លឹកស្វាយជាជំនួយក្នុងការព្យាបាលជម្ងឺទឹកនោមផ្អែម ហើយ<br />លទ្ធផលបានបង្ហាញថា វាពិតជាមានប្រសិទ្ធភាព។</p>
<p><strong>វិធីប្រើប្រាស់ស្លឹកស្វាយដើម្បីព្យាបាលជម្ងឺទឹកនោមផ្អែម ៖</strong></p>
<p>ចូរយកស្លឹកស្វាយខ្ចី ៥ស្លឹក ហាន់ជាសរសៃ ដាក់ក្នុងកែវ រួចចាក់ទឹកក្ដៅចូលឱ្យពេញកែវ ហើយ<br />គ្របទុកមួយយប់។ ព្រឹកឡើង ស្រង់កាកចោលផឹកទឹកស្លឹកស្វាយនោះឱ្យអស់។ មួយថ្ងៃ ហូប<br />ត្រឹមតែមួយកែវប៉ុណ្ណោះ ។</p>
<p>នៅទីក្រុង ឬតំបន់ដែលមិនសម្បូរស្វាយ អ្នកអាចយកស្លឹកស្វាយទៅហាលក្នុងម្លប់ រហូតដល់<br />ស្ងួត។ យកស្លឹកស្វាយទាំងនោះ កិនឱ្យទៅជាម្សៅ ទុកសម្រាប់ប្រើប្រាស់។ ចូរលាយម្សៅស្លឹក<br />ស្វាយកន្លះស្លាបព្រាកាហ្វេ ជាមួយទឹកមួយកែវ ហូបមួយកែវពេលព្រឹក និងមួយកែវពេលល្ងាច។</p>
<p><strong>សូមប្រយ័ត្ន ៖</strong></p>
<p>-ដោយសារតែថ្នាំនេះ ជួយកាត់បន្ថយជាតិស្ករក្នុងឈាមយ៉ាងមានប្រសិទ្ធភាព ដូច្នេះអ្នកមិន<br />ត្រូវប្រើប្រាស់ឱ្យលើសពីអ្វីដែលបានរៀបរាប់ខាងលើនោះទេ ព្រោះវាអាចធ្វើឱ្យជាតិស្ករក្នុង<br />ឈាមធ្លាក់ចុះខ្លាំង បង្កគ្រោះថ្នាក់ដល់សុខភាព។</p>
<p>-អ្នកក៏មិនត្រូវផឹកទឹកស្វាយនេះ ជាមួយនឹងថ្នាំពេទ្យនោះដែរ ល្អបំផុតគឺត្រូវផឹកមុន ឬក្រោយថ្នាំ<br />ពេទ្យ រយៈពេលពី ២ទៅ៣ម៉ោង ដើម្បីមិនប៉ះពាល់ដល់ប្រសិទ្ធភាពថ្នាំ៕<br /><br /></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Soha<br /><br /></p>