<p><span style="color: #000000;">ព័ត៌មានអន្តរជាតិ ៖ មន្រ្តីផ្លូវការ ប្រទេស អូទ្រីស បញ្ជាក់អោយដឹងថា តួលេខផ្លូវការ ចុងក្រោយ នៃការរកឃើញជនអន្តោប្រវេសន៍ ស្លាប់នៅគ្នុងរថយន្ត ដឹកទំនិញតូចមួយ នៅតាមបណ្តោយផ្លូវ ហាយវេនោះ គឺមានចំនួនសរុបលើសពី ៧០ នាក់ទៅទៀត ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/28/42-28-08-2015--14-14-54.jpg"><img src="/FileManager/Articles/mce/2015/8/28/42-28-08-2015--14-14-54.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ដើមឡើយមានសេចក្តីរាយការណ៍ បញ្ជាក់ថា ចំនួន ជនអន្តោប្រវេសន៍ស្លាប់ ដែល ត្រូវបានរកឃើញ នៅក្នុងរថយន្តចតជិតព្រំប្រទល់ដែន ប្រទេស ហុងគ្រីនោះ មានចំនួនចន្លោះពី ២០ ទៅ ៥០នាក់តែប៉ុណ្ណោះ ។ រថយន្តមួយគ្រឿងស្លាកលេខ ពី ប្រទេស ហុងគ្រី ត្រូវបានគេរក ឃើញថា បានសំចតទុកចោល នៅផ្លូវហាយវេ នាទីក្រុង Vienna ព្រឹកព្រលឹម ថ្ងៃព្រហស្បត្តិ៍ ក្នុង នោះមន្រ្តីប៉ូលីសបានរកឃើញ ជនអន្តោប្រវេសន៍ស្លាប់ច្រើននាក់ ពី រថយន្ត ដឹកទំនិញតូចមួយ នេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/28/41-28-08-2015--14-15-03.jpg"><img src="/FileManager/Articles/mce/2015/8/28/41-28-08-2015--14-15-03.jpg" alt="" /></a><br /></span></p>
<p><span style="color: #000000;">ក្រោយពីមានការស៊ើបអង្កេតជាស្តែង មន្រ្តីបញ្ជាក់អោយដឹងថា រាល់សាកសពជនរងគ្រោះស្លាប់ ទាំងអស់សុទ្ធសឹងតែជាជនអន្តោប្រវេសន៍ ។ គ្មានជនអន្តោប្រវេសន៍ ណាមួយ មានឱកាសរស់ រានមានជីវិត ពីក្នុងរថយន្តដឹកទំនិញតូចមួយនេះ នោះទេ។ ដោយឡែក ក្រោយរថយន្តត្រូវបាន គេរកឃើញថាបានចតទុកចោលនោះ អ្នកបើករថយន្ត ពុំទាន់ត្រូវបាន ក្រុមការងាររកឃើញនៅ ឡើយទេ ។ ព័ត៌មានលម្អិត ស្តីពី ជនភៀសខ្លួនទាំងនេះ មកពីណា និង មូលហេតុស្លាប់ ពុំទាន់ បានដឹងជាក់ច្បាស់នៅឡើយទេ ប៉ុន្តែ ជាជំហានដំបូងមានការលើកឡើងអោយដឹងថាជនភៀស ខ្លួនទាំងនេះ អាចមកពីប្រទេស ស៊ីរី និង អាហ្វហ្គានីស្ថាន ខណៈ មូល ហេតុស្លាប់ ទំនងជាមកពី កង្វះអុកស៊ីហ្សែន និងអាហារ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/28/40-28-08-2015--14-15-11.jpg"><img src="/FileManager/Articles/mce/2015/8/28/40-28-08-2015--14-15-11.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី និង ស៊ិនហួរ </span></p>