<div>
<p><span style="color: #000000;"><strong>(ភ្នំពេញ)៖</strong> តារាចម្រៀង លោក ម៉ៅ ហាជី បានក្លាយជាតួអង្គមួយ ពោរពេញទៅដោយសំឡេងរិះគន់យ៉ាងច្រើន ពីសំណាក់មហាជន គ្រប់ស្រទាប់វណ្ណៈ ជាពិសេសក្នុងបណ្ដាញសង្គម Facebook ជុំវិញរឿងរ៉ាវ ចូលទៅក្នុងផលិតកម្ម ថោន បន្ទាប់ពីកេរ្តិ៍ឈ្មោះ ក្នុងមជ្ឈដ្ឋានសិល្បៈ ត្រូវបានទស្សនិកជនស្គាល់ខ្លាំង តាមរយៈកម្មវិធី Cambodia Idol របស់ស្ថានីយទូរទស្សន៍ហង្សមាស ធ្វើឲ្យគេគ្រប់គ្នា គិតថា លោកនឹងចូលច្រៀង ក្នុងផលិតកម្ម ហង្សមាស ដោយស្វ័យប្រវត្តិ ។</span></p>
<p><span style="color: #000000;">ប៉ុន្តែអ្វីដែលនឹកស្មានមិនដល់នោះ គឺតារាចម្រៀង ម៉ៅ ហាជី ត្រូវបានគេរកឃើញថា លោកបានជាប់ពាក់ព័ន្ធ នឹងការចុះកិច្ចសន្យាច្រៀង ឲ្យផលិតកម្ម ថោន ទៅវិញ ជាហេតុធ្វើឲ្យលោក ត្រូវមានរឿងចម្រូងចម្រាស់ ជាមួយកម្មវិធី Cambodia Idol និងស្ថានីយទូរទស្សន៍ហង្សមាស ហើយរហូតមកដល់នឹងពេលនេះ គេមិនទាន់ដឹងច្បាស់ទេថា តើលោកបានចូលខ្លួន ដោះស្រាយបណ្ដឹងនេះ ចប់រួចរាល់ហើយឬនៅ នោះទេ ។</span></p>
<p><span style="color: #000000;">លោក ម៉ៅ ហាជី ធ្វើឲ្យទស្សនិកជនសាំចិត្តបំផុត គឺនៅត្រង់ថា លោកនិយាយត្រឡប់ចុះត្រឡប់ឡើង រហូតជាប់ឈ្មោះជាតារាចម្រៀង ក្រឡិចក្រឡុច ក្នុងរឿងកិច្ចសន្យា ជាមួយផលិតកម្ម ថោន និងរឿងដោះស្រាយជាមួយហង្សមាស ។ ប៉ុន្តែអ្វីៗ ហាក់ត្រូវបានប្រភពបញ្ជាក់ថា លោក ម៉ៅ ហាជី មិនអាចទៅណាឆ្ងាយ ពីផលិតកម្មថោនបានឡើយ បើទោះបីជាកន្លងមក លោកធ្លាប់ប្រាប់ថា លោកមិនទាន់មានកិច្ចសន្យាជាមួយ ផលិតកម្ម ថោន ក្ដី ។ ការព្រលយព័ត៌មានថា លោកគ្មានកិច្ចសន្យាជាមួយ ផលិតកម្ម ថោន គ្រាន់តែជាដំណឹងមួយ ដែលអ្នកដឹងរឿងយល់ឃើញថា គ្រាន់តែជាការប្រឌិតឡើង ដើម្បីកុំឲ្យខ្លួន មានការរិះគន់ខ្លាំងពីមហាជន និងអាចចេញឆ្ងាយពីសម្ពាធរបស់ហង្សមាស តែប៉ុណ្ណោះ។</span></p>
<p><span style="color: #000000;">លោក ម៉ៅ ហាជី ត្រូវបានគេដឹងថា ផលិតកម្ម ថោន ហាក់ចង់បានលោកខ្លាំងណាស់ ដើម្បីក្លាយជាតារាចម្រៀងពេញសិទ្ធ និងបានខិតខំកៀរគ បញ្ចុះបញ្ចូល មិនឲ្យលោកទៅណាឆ្ងាយឡើយ រហូតដល់លោកសម្រេចចិត្ត ចុះកិច្ចសន្យាជាមួយ ទើបផ្ទុះរឿងធំឡើងតែម្ដង ។</span></p>
<p><span style="color: #000000;">ប្រភពស្និទ្ធនឹងតារាចម្រៀង ម៉ៅ ហាជី បានលួចបង្ហើបប្រាប់ Khmertalking ថា ថ្វីដ្បិតសំឡេងរិះគន់ នៅតែបន្តកើតមាន ជាហូរហែជាប់គ្នារដឹកក្ដី ប៉ុន្តែ ម៉ៅ ហាជី នៅតែមានប្រជាប្រិយភាព ក្នុងពិភពសិល្បៈចម្រៀង កាន់តែខ្លាំង ជាពិសេសការងារចេញច្រៀង តាមកម្មវិធីប្រគំតន្រ្តីនានា ដែលធ្វើឲ្យលោកសើមមាត់នឹងចំណូល ក្នុងមួយខែៗមិនតិចនោះទេ។ ប្រភពដដែលបានបន្តថា ម៉ៅ ហាជី ហាក់កំពុងតែពិបាកចិត្តយ៉ាងខ្លាំង នឹងសំឡេងរិះគន់បាញ់ស្រោចមកលើរូបលោក ព្រោះទស្សនិកជនមួយចំនួន មិនអាសូប្រណីឡើយ តែងតែវាយប្រហារមិនសំចៃ ពោលស្ទើរតែគ្មានព័ត៌មានល្អសោះសម្រាប់លោក ។</span></p>
<p><span style="color: #000000;">ថ្វីដ្បិតតែព័ត៌មាន និងសំឡេងរិះគន់ កើនឡើងដូចទឹកបាក់ទំនប់ក៏ តារាចម្រៀងមានកំណើត មកពីទឹកដីខេត្តបាត់ដំបងរូបនេះ មិនបានស្រកស្រុតប្រជាប្រិយភាព និងរឿងការងារឡើយ ដោយថ្ងៃខ្លះ លោករវល់ស្ទើរតែមិនបានសម្រាកសោះ ព្រោះត្រូវច្រៀងតាមបណ្ដាខេត្តផង និងក្នុងទីក្រុងភ្នំពេញផង ពោលឡើងចុះៗរហូត ខណៈមហាជន ជាពិសេសយុវវ័យ មួយចំនួនឲ្យតម្លៃលើលោក ស្រឡាញ់លោក ព្រោះជាមនុស្សម្នាក់ឱនលំទោន និងដាក់ខ្លួនបំផុត ។</span></p>
<p><span style="color: #000000;">ជាការកត់សម្គាល់តារាចម្រៀង ម៉ៅ ហាជី តែងតែញញឹមគ្រប់ពេល សូម្បីតែជិះរថយន្តតាមផ្លូវ ក៏លោកញញឹមរហូតដែរ ព្រោះខ្លាចមហាជនថា វាយឫក ។ ទោះបីជាលោកប្រុងប្រយ័ត្ននឹង ធ្វើខ្លួនឲ្យល្អយ៉ាងណា មហាជនមួយចំនួន នៅតែមិនមើលឃើញតម្លៃលោក នឹងមិនយល់ពីហេតុផល ដែលលោកត្រូវរកទ្រនំ ដ៏ល្អមួយសម្រាប់អនាគត អាជីពជាអ្នកចម្រៀង នាថ្ងៃខាងមុខទៅវិញ ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12670161_1556783194636046_1414336003056029867_n.jpg?oh=4ebc9ac32a3db620fe84476aac018bd7&oe=572E1216" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12688299_1556783187969380_2225692963927277343_n.jpg?oh=86ab625b86e72c00e6259352f77c398f&oe=576E5040" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/12744236_1556783191302713_7516659191981767982_n.jpg?oh=921c41be5c360f0ee5786897b99cd1c4&oe=5736A5C8" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/t31.0-8/12697002_1556783231302709_6099627125332812766_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12669672_1556783244636041_7714134073809384910_n.jpg?oh=b14f5f00b62f6440755bdc8dcef5be15&oe=572B1B51" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12669508_1556783281302704_106995854695438813_n.jpg?oh=3f124a7da6fe496c53084a9e0731aa84&oe=576694D9" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12687771_1556783294636036_8374158596128230801_n.jpg?oh=434852aad96245d0f869b45477f1367b&oe=5727E7E2" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>