<p>ប្រភពព័ត៌មានមួយ ពីប្រទេសចិន បានឱ្យដឹងថា iPhone 6 ទាំង ២កំណែ នឹងត្រូវបានដាក់លក់<br /> ចាប់ពីថ្ងៃទី ១៩ ខែកញ្ញា ឆ្នាំ ២០១៤ ក្នុងប្រទេសចិន ក្នុងនោះ ក៏បានបង្ហើបអំពីតម្លៃទាំង ២ <br />កំណែនេះផងដែរ។</p>
<p>ព័ត៌មានចចាមអារ៉ាមជាច្រើន និយាយថា “iPhone 6 នឹងត្រូវបានឧទ្ទេសនាមជាផ្លូវការ នៅដើម<br />ខែកញ្ញា ហើយក៏នឹងត្រូវដាក់លក់ បន្ទាប់ពីការឧទ្ទេសនាម ១សប្ដាហ៍” ដំណឹងនេះ ត្រូវបានទី<br />ភ្នាក់ងារសារព័ត៌មានមួយរបស់ចិន ទទួលស្គាល់ថា ជាការពិត។</p>
<p style="text-align: center;"><a class="thickbox" title="" href="/FileManager/Commons/2014/7/21/iphone-6-china-pricing-21-07-2014--10-20-55.jpg"><img src="/FileManager/Articles/mce/2014/7/21/iphone-6-china-pricing-21-07-2014--10-20-55.jpg" alt="" /></a></p>
<p style="text-align: center;">រូបភាព iPhone 6 ដែលត្រូវបានគេចុះផ្សាយ នៅប្រទេសចិន</p>
<p style="text-align: center;"> </p>
<p>ប្រភពព័ត៌មាន បានបង្ហើបឱ្យដឹងថា Apple នឹងដាក់លក់ iPhone ២ កំណែ ថ្មីបំផុតរបស់ខ្លួន <br />ក្នុងនោះ កំណែដែលមានអេក្រង់ 4,7 inch នឹងត្រូវបានលក់ក្នុងតម្លៃ ៥២៨៨យ័ន (ប្រហែល <br />៨៥៣ដុល្លារអាមេរិក) និងកំណែផ្សេងមួយទៀត មានអេក្រង់ 5,5 inch លក់ក្នុងតម្លៃ ៦២៨៨ <br />យ័ន (ប្រហែល ១០១៤ ដុល្លារអាមេរិក)។</p>
<p>ក្រុមអ្នកជំនាញមួយចំនួន យល់ថា ការប្ដូរផ្លាស់ទំហំអេក្រង់ បានបណ្ដាលឱ្យ iPhone របស់ <br />Apple ត្រូវបង្កើនតម្លៃច្រើន ធៀបនឹងរាល់ឆ្នាំ។ យោងទៅតាមអ្វីដែលបានកើតឡើងចំពោះ <br />iPhone 5s យើងក៏អាចជឿបានថា នៅថ្ងៃទី ១៩ កញ្ញាខាងមុខ iPhone 6 នឹងត្រូវបានដាក់លក់<br /> ទូទាំងពិភពលោក ហើយព័ត៌មានខាងលើ ក៏ជាអំណាសអំណាងមួយ អាចឱ្យអ្នកគាំទ្ររបស់ <br />Apple ដឹងថា នឹងមាន iPhone 6 ទាំង ២ កំណែ បង្ហាញខ្លួនលើទីផ្សារ នៅចុងឆ្នាំនេះ។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ gsminsider/phonearena<br /><br /></p>