<p><span style="color: #000000;">ភ្នំពេញ៖ ក្រសួងសុខាភិបាល ប្រកាសឲ្យបញ្ឈប់ការប្រើប្រាស់ និងប្រមូលត្រឡប់មកវិញនូវឱសថព្យាបាលជំងឺលើសឈាមចំនួន៤ប្រភេទ ក្នុងករណីមានការប្រើប្រាស់នៅកម្ពុជា ក្រោយពីអ្នកជំនាញប្រទេសសឹង្ហបុរី និងថៃ បានរកឃើញថាឱសថទាំងនោះមានផ្ទុកសារជាតិគីមី ដែលអាចបង្កឲ្យមានជំងឺមហារីក។</span></p>
<p><span style="color: #000000;">ឱសថដែលហាមឃាត់ប្រើប្រាស់ទាំងនោះរួមមាន HYPERTEN Tablet, Losagen Tablet, LOSARTAS Tablet និង LANZAAR Tablet។</span></p>
<p><span style="color: #000000;">អនុប្រធានការិយាល័យនិយ័តកម្មនៃនាយកដ្ឋានឱសថ ចំណីអាហារ បរិក្ខាពេទ្យ និងគ្រឿងសំអាងនៃក្រសួងសុខាភិបាល លោក ពិន យស់សុជីវី បានឲ្យដឹងថា យោងតាម Asean Post-Marketing Alert system ដែលរាយការណ៍ដោយ Health Sciences Authurity របស់សាធារណរដ្ឋសឹង្ហបុរី និងរាយការណ៍ដោយ Food and Drung Administration របស់ប្រទេសថៃ កាលពីអំឡុងខែមីនា បានតម្រូវឲ្យប្រមូលពីទីផ្សារមកវិញ នូវឱសថព្យាបាលជំងឺលើសសម្ពាធឈាមទាំង៤ប្រភេទនេះ ដោយសារមានផ្ទុកសារជាតិគីមី Nitrosamine Impurity លើសកម្រិតស្តង់ដារដែលច្បាប់អនុញ្ញាត និងអាចបង្កឲ្យមានជំងឺមហារីក។</span></p>
<p><span style="color: #000000;"><a class="thickbox" title="" href="/FileManager/Commons/2019/4/22/20-22-04-2019--10-45-23.PNG"><img src="/FileManager/Articles/mce/2019/4/22/20-22-04-2019--10-45-23.PNG" alt="" /></a><br /></span></p>
<p><span style="color: #000000;">លោកថា៖ «សម្រាប់នៅកម្ពុជាយើង មិនមានការប្រើប្រាស់ឱសថទាំងនេះទេ ប៉ុន្តែដោយសារយើងទទួលបានព័ត៌មានពីប្រទេសក្នុងតំបន់អាស៊ាន គឺសឹង្ហបុរី និងថៃ អីចឹងយើងក៏ប្រកាសប្រាប់ដល់ប្រជាពលរដ្ឋខ្មែរទាំងអស់ ឲ្យប្រុងប្រយ័ត្នជៀសវាងការប្រើប្រាស់ឱសថទាំងនោះ»។</span></p>
<p><span style="color: #000000;">បើតាមសេចក្តីជូនដំណឹងរបស់ក្រសួងសុខាភិបាល ឱសថទាំង៤ប្រភេទនេះ ពុំមានចុះបញ្ជិកា ឬការចរាចរណ៍លក់ដូរនៅលើទីផ្សារក្នុងប្រទេសកម្ពុជាឡើយ ប៉ុន្តែក្រសួងនឹងធ្វើការត្រួតពិនិត្យ និងបន្តតាមដានលើករណីបន្តទៀតនេះ។</span></p>
<p><span style="color: #000000;">កន្លងមក ក្រសួងសុខាភិបាល និងអគ្គនាយកដ្ឋានកាំកុងត្រូលនៃក្រសួងពាណិជ្ជកម្ម ធ្លាប់បានប្រកាសជាបន្តបន្ទាប់ ប្រមូលត្រឡប់មកវិញនូវឱសថ និងអាហារបំប៉នមួយចំនួនដែលមន្ត្រីជំនាញអន្តរជាតិបានរកឃើញថាមានផ្ទុកនូវបាតេរី ឬសារជាតិគីមីហួសកម្រិតស្តង់ដារ។ ជាមួយគ្នានោះដែរក្រសួង ក៏បានអំពាវនាវដល់សាធារណជនទាំងអស់ ក៏ត្រូវជៀសវាងការប្រើប្រាស់ឱសថ និងគ្រឿងសំអាងមួយចំនួន ដែលលក់តាមអនឡាញដែលគ្មានប្រភពច្បាស់លាស់ផងដែរ ព្រោះឱសថ និងផលិតផលទាំងនោះពុំបានឆ្លងកាត់ការត្រួតពិនិត្យពីគុណភាព និងពុំមានចុះបញ្ជិកា ដែលអាចនាំឲ្យមានផលប៉ះពាល់ដល់សុខភាពអ្នកប្រើប្រាស់ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/4/22/khmertime-22-04-2019--10-45-34.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmetimes</span></p>
<div id="khmer-732515335" class="khmer-content_3"><ins class="adsbygoogle" data-ad-client="ca-pub-7981514788931893" data-ad-slot="4059842397" data-ad-format="auto" data-full-width-responsive="true" data-adsbygoogle-status="done"><ins id="aswift_1_expand"></ins></ins></div>