<p><span style="color: #000000;"><strong>(កាលីហ្វ័រញ៉ា)៖</strong> ក្មេងប្រុសដ៏តូចម្នាក់ បានបាត់បង់ជីវិត ដោយស្មានមិនដល់ បន្ទាប់ពីត្រូវទូទឹកកកសង្កត់លើ នៅពេលកម្មករលើកវាចេញពីរថយន្ត ដើម្បីដាក់ក្នុងផ្ទះ ហើយក៏ជ្រុលដៃធ្លាក់ ទៅលើក្មេងប្រុសរងគ្រោះតែម្តង។</span></p>
<p><span style="color: #000000;">ហេតុការណ៍ដ៏តក់ស្លុតនេះ កើតឡើងនៅទីក្រុង San Diego រដ្ឋកាលីហ្វ័រញ៉ា ប៉ូលិសនិយាយថា ក្មេងប្រុសរងគ្រោះមានអាយុ៦ឆ្នាំ មិនត្រូវបានគេស្គាល់អត្តសញ្ញាណទេ ហើយនៅថ្ងៃកើតហេតុ ក្មេងប្រុសកំពុងឈរមើលគេ លើកទូទឹកកកដែលឪពុកម្តាយកម្ម៉ង់ទិញ ដាក់ក្នុងផ្ទះ ស្រាប់តែអកុសល ទូទឹកកកនោះ ក៏រអិលធ្លាក់សង្កត់មកលើគេ ទោះបីឪពុកម្តាយខំស្រែក ឲ្យគេជួយក៏មិនទាន់។</span></p>
<p><span style="color: #000000;">ក្មេងប្រុសត្រូវបានបញ្ជូន ទៅកាន់មន្ទីរពេទ្យ ក្រោយពីក្រុមសង្គ្រោះជួយ ធ្វើចលនាដង្ហើមរួច តែនៅមិនអាចស្រោចស្រង់ជីវិតបានឡើយ។ គ្មាននរណាម្នាក់ត្រូវបានចាប់ខ្លួន ពីរឿងនេះទេ ព្រោះប៉ូលិសជឿថា នេះជាឧបទ្ទវហេតុកើតឡើង ដោយចៃដន្យ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/28/10a-28-06-2016--09-54-47.jpg"><img src="/FileManager/Articles/mce/2016/6/28/10a-28-06-2016--09-54-47.jpg" alt="" /></a><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>