<p><span style="color: #000000;"><strong>ភ្នំពេញៈ</strong> បទចម្រៀងជាង៧០បទ របស់អធិរាជសម្លេងមាស លោក ស៊ិន ស៊ីសាមុត ត្រូវបាន ខាង គណៈកម្មាធិការជាតិគ្រប់គ្រងកម្មសិទ្ធិបញ្ញា ចេញសេចក្តីជូនដំណឹង ដោយទទួលយក សំណើរសុំសិទ្ធិគ្រប់គ្រងមរតកសាសន៍ បទចម្រៀងពី លោក ស៊ិន ច័ន្ទឆាយា ដែលជាកូន បង្កើតរបស់ លោក ស៊ិន ស៊ីសាមុត ដោយទុករយៈពេលប្រមាណ១ខែ សម្រាប់ការដាក់ពាក្យ ប្តឹងជំទាស់ផងដែរ ។</span></p>
<p><span style="color: #000000;">បើទោះជាអធិរាជសម្លេងមាស លោក ស៊ិន ស៊ីសាមុត បានទទួលមរណៈភាព ទៅជាច្រើនឆ្នាំ ហើយក៏ដោយតែទឹក ដមសំនៀងពិរោះ ក្រអួនក្រអៅរបស់លោក នៅតែដិតដាម ជាប់បេះដូង កូនខ្មែរ គ្រប់រូបមិនដែលសាបសូន្យឡើយ ហើយជានិច្ចកាលកូនខ្មែរ តែងតែមានអារម្មណ៍ ភ័យខ្លាចថាបទចម្រៀងចាស់ៗ ដែលលោកធ្លាប់បានច្រៀងនោះ និងរលាយបាត់បង់ទៅនៅថ្ងៃណា មួយ ប្រសិនបើនៅតែគ្មាន អ្នកអើពើការពារ និងអភិរក្សទេនោះ ។ ទន្ទឹមជាមួយគ្នានោះ អ្វីដែល ធ្វើឲ្យបងប្អូនប្រជាពលរដ្ឋខ្មែរ ទាំងអស់មាន ការសាទរ និងរំភើបចិត្តខ្លាំង គឺបន្ទាប់ពីខាង គណៈកម្មាធិការជាតិ គ្រប់គ្រងកម្មសិទ្ធិបញ្ញា បានចេញសេចក្តីជូនដំណឹង ជាសាធារណៈថា បទចម្រៀងរបស់ លោក ស៊ិន ស៊ីសាមុត ចំនួនជាង៧៣បទ គឺត្រូវបានថែរក្សានិងការពារ ។</span></p>
<p><span style="color: #000000;">យោងតាមសេចក្តីជូនដំណឹង ដែលចុះផ្សាយនៅថ្ងៃទី១១ ខែកញ្ញា ឆ្នាំ២០១៤ របស់ គណៈកម្មាធិការជាតិ គ្រប់គ្រងកម្មសិទ្ធិបញ្ញា បានចេញសេចក្តី ជូនដំណឹងថា ជាលទ្ធផលយើង បានរកឃើញថា មានបទចម្រៀងចំនួន៧៣បទ ដែលជាស្នាដៃនិពន្ធ ទំនុកច្រៀង និងបទភ្លេង ដោយ លោក ស៊ិន ស៊ីសាមុត ដូច្នេះរាល់ភាគីពាក់ព័ន្ធទាំងអស់ ដែលមានបំណងចង់ប្តឹងជំទាស់ ប្រឆាំងនិងការផ្ទេរសិទ្ធិ មរតកសាសន៍ លើបទចម្រៀងខាងលើ អាចដាក់ពាក្យប្តឹងបានក្នុង រយៈពេល១ខែ ចាប់ពីថ្ងៃផ្សាយ ដំណឹងនេះតទៅ ។</span></p>
<p><span style="color: #000000;">បទចម្រៀងទាំង៧៣បទ នោះមានដូច សូរិយាមាសបង, ហ៊ានស្លាប់ព្រោះបង, ចុតហ្អាយមច្ចុរាជ, ចិញ្ចៀនត្បូងប្រាំ, ផ្គរលាន់ឯត្បូង, ស្នេហាអដ្ឋិ សុវណ្ណច័ន្ទកេសរ, ទឹកភ្នែកនៅពេលបែកគ្នា, ស្រីតូចច្រឡឹង និងបទចម្រៀងពិរោះៗ ជាច្រើនបទទៀត ៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/id-140/hour-462.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/id-140/hour-463.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/September/id-140/hour-464.jpg" alt="" width="600" /></span></p>
<p style="text-align: right;"><a href="http://www.lookingtoday.com/index.php/entertainment-general-news/34320-2014-09-20-10-17-20.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>