<p><span style="color: #000000;"><strong>(ភ្នំពេញ)៖</strong> លោក សុះ ម៉ាច ប្រធានសមាគមសិល្បករកម្ពុជា ថ្មីៗនេះ បានបង្ហាញពីអារម្មណ៍ មិនសប្បាយចិត្ត ចំពោះការប្រើពាក្យសម្តីរិះគន់ ពីសំណាក់បុគ្គលមួយចំនួន ដែលមិនបានប្រើគំនិត ប្រើការពិចារណា រកចំណុចល្អឬអាក្រក់ ពោលគឺឲ្យតែឃើញអ្វីប្លែកបន្តិចនោះ ចាប់ផ្តើមធ្វើការរិះគន់ ទាំងទទឹងទិសតែម្ដង។</span></p>
<p><span style="color: #000000;">នៅលើបណ្តាញទំនាក់ទំនង សង្គមហ្វេសប៊ុក របស់ប្រធានសមាគមសិល្បករកម្ពុជា លោក សុះ ម៉ាច បានបង្ហោះរូបភាព គ្រាចូលរួមក្នុងវេទិការការពារ និងអភិរក្សធនធានធម្មជាតិ នៅវិមានសន្តិភាព ភ្ជាប់ជាមួយការសរសេរថា «ឱ! ខ្មែរអើយខ្មែរ មនុស្សអើយមនុស្ស ហេតុអីក៏អ្នកមិនមើលឃើញ ពីគុណសម្បត្តិរបស់គេខ្លះផង ហេតុអីក៏មើលតែមួយជ្រុងដូច្នេះ?»។</span></p>
<p><span style="color: #000000;">«សូមសួរទៅវិញថា បើមានការអញ្ជើញឲ្យចូលរួម ជាមួយរដ្ឋាភិបាល ដើម្បីស្វែងយល់ពីសង្គមជាតិ ក្នុងនាមខ្ញុំបាទ ជាប្រធានសមាគមសិល្បករខ្មែរ និងជាសិល្បករ ដែលតែងតែប្រកាន់ខ្ជាប់ នូវជំហរអព្យាក្រឹត្យមួយរូប គ្មានទៅសិទ្ធិចូលរួមទេឬ? តើការចូលរួមរបស់ខ្ញុំនេះ ខ្ញុំបានទទួលផលអ្វីខ្លះ?លុយ? ឡាន? ផ្ទះ? តំណែង? ស្បថឲ្យស្លាប់តៃហោងទៅចុះ សូមឆ្លើយថាទេ គឺគ្មានសោះឡើយ ក្រៅពីការយល់ដឹងពីបញ្ហា ក្នុងសង្គមជាតិតែបុណ្ណោះ!»។ នេះជាសម្តីថ្លែងរបស់លោក សុះ ម៉ាច បានបញ្ជាក់បន្ថែម។</span></p>
<p><span style="color: #000000;">លោក សុះ ម៉ាច បានបន្តថា «ខ្ញុំរស់នៅសព្វថ្ងៃ ជាមួយនិងការងារដ៏សុចរឹត មិនលោភលន់មិនក្បត់ឧត្តមគតិរបស់ខ្ញុំឡើយ សូម្បីតែការបម្រើជាតិ ក្នុងគោរមងារជាឯកឧត្តមទីប្រឹក្សា នៅព្រឹទ្ធសភា និងជាប្រធានសមាគមសិល្បករខ្មែរ ពីរអាណត្តិ ក៏ពុំមានប្រាក់ខែមួយសេនឡើយដែរ ។ ខ្ញុំរៀនសូត្រ មិនបានជ្រៅជ្រះ និងគេទេ (សញ្ញាប័ត្របាក់ឌុប BacIIក្នុងឆ្នាំ១៩៨៩-៩០) តែប៉ុណ្ណោះ គឺមិនបានរៀនសូត្រ ដល់ថ្នាក់បណ្ឌិត ដូចគេនោះទេ ប៉ុន្តែខ្ញុំក៏តែងតែសិក្សារៀនសូត្រ និងស្វែងយល់ពីបណ្តា ប្រទេសធំៗ និងជឿនលឿននានា លើសកលលោក ដែលខ្ញុំធ្លាប់បានទៅដល់យ៉ាងហោចណាស់ ក៏ដប់ប្រទេសផងដែរ!»។</span></p>
<p><span style="color: #000000;">ប្រធានសមាគមសិល្បករកម្ពុជា លោក សុះ ម៉ាច បាននិយាយទៀតថា «ខ្ញុំមិនខឹងមិនតូចចិត្ត នឹងអ្នកនោះទេ តែអ្វីដែលខ្ញុំសោកស្តាយនោះ គឺអ្នកប្រមាថលើខ្ញុំនេះ ត្រូវចេះវិភាគពិចារណាពីគុណសម្បត្តិ និងគុណវិបត្តិរបស់អ្នកដទៃ ខ្លះផង។ ខ្ញុំរឹតតែមិនគិតថា លោកប្រកាន់និន្នាការនយោបាយ បក្សណានោះដែរ។ ខ្ញុំគិតថា បើខ្មែរនៅតែប្រកាន់នូវជំហរ គំនិតបែបនេះ ខ្មែរគ្មានថ្ងៃរួបរួមគ្នានោះទេ ប្រទេសជាតិក៏គ្មានសេចក្តីសុខនោះដែរ ធ្វើជាមុនស្សក្នុងសង្គម កុំបក្សនិយម និងជាតិនិយមជ្រុលពេក ត្រូវ ចេះថ្លឹងថ្លែងខ្លះផង នោះទើប្រសើរ ខ្ញុំក៏ស្រឡាញ់ជាតិដូចលោកដែរ!!»។</span></p>
<p><span style="color: #000000;">យ៉ាងណាមិញ លោក សុះ ម៉ាច ក៏បានផ្ដាំផ្ញើទៅដល់អ្នកដែលអង្គុយរិះទាំងនោះ ត្រូវចេះពិចារណារកត្រូវខុស ឲ្យបានល្អិតល្អន់ មុននឹងសម្រេចចិត្តរិះគន់ លើរឿងអ្វីមួយ ដើម្បីជៀសវាងពាក្យដែលគេ តែងតែនិយាយថា «រិះគន់ផ្កាប់មុខ» ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/v/t1.0-9/14079754_1537138299645808_2940214533530621381_n.jpg?oh=b37ba08227b233cbe3eed189a05a6d8c&oe=58457140&__gda__=1480945194_c6d2f89473b040f001f44e8ecd25c42c" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xal1/v/t1.0-9/14022287_1537138282979143_2541049557839471158_n.jpg?oh=522289b6e493c0da0932fa32328b4f02&oe=58435555&__gda__=1480461945_1622e4ae6df30e62db2f8b0fb2740c2d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14100473_1537138339645804_1217691479630581112_n.jpg?oh=2ca75f7a77816438d3554c220bb94474&oe=5858E81E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14034814_1537138356312469_3996554135592969003_n.png?oh=96531dfbe4042cd81b0b0ef4914648bd&oe=583DBF30" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>