<p><span style="color: #000000;"><strong>(បាងកក)៖</strong> ប្រជាជាតិថៃទាំងមូល បានប្រារព្ធពិធីខួបគំរប់ ៧០ឆ្នាំនៃការឡើងសោយរាជ្យសម្បត្តិ របស់ស្តេចថៃព្រះបាទ Bhumibol Adulyadej ប្រកបដោយភាពអធិកអធម ប៉ុន្តែក្តីព្រួយបារម្ភរបស់ ប្រជាជននៅតែលេចឡើងយ៉ាងខ្លាំង ចំពោះព្រះរាជ្យសុខភាពរបស់ព្រះអង្គដែលហាក់មិនបង្ហាញ សញ្ញាល្អថានឹងធូរស្បើយនោះឡើយ។ នេះបើតាមការចេញផ្សាយមុននេះបន្តិច ដោយ Channel News Asia នាព្រឹកថ្ងៃព្រហស្បតិ៍ ទី០៩ ខែមិថុនា ឆ្នាំ២០១៦។</span></p>
<p><span style="color: #000000;">គួរបញ្ជាក់ថាសេ្តចដែលគ្រងរាជ្យបាន ៧ទសវត្សរ៍មកហើយនេះ ត្រូវបានប្រជាជនថៃទូទាំងប្រទេស ចាត់ទុកជាអាទិទេពដែលជួយឲ្យថៃមានសុខសន្តិភាព ការអភិវឌ្ឍ និងរួបរួមគ្នា នៅទូទាំងប្រទេស។ បច្ចុប្បន្នរាជបុត្រ ដែលនឹងស្នងរាជ្យបន្តពីព្រះអង្គ ក៏មានវ័យ ៦៣វស្សាទៅហើយដែរ។</span></p>
<p><span style="color: #000000;">ងាកមកមើលការប្រារព្ធពិធីជារួម គឺមានការនិមន្តព្រះសង្ឃ ៧៧០អង្គ ធ្វើការសូត្រមន្តចំរើនពរជ័យ សិរីមហាប្រសើរជូនដល់ព្រះបាទ Bhumibol Adulyadej៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/9/2-09-06-2016--10-25-54.png"><img src="/FileManager/Articles/mce/2016/6/9/2-09-06-2016--10-25-54.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>