<p><strong>ប៉ូឡូញ ៖</strong> មកទល់នឹងពេលនេះ កម្មកររ៉ែ ១៩ នាក់ហើយត្រូវបានជួយសង្គ្រោះ បន្ទាប់ពីបាន<br />ជាប់គាំងនៅក្រោមដី ជម្រៅប្រមាណជាង ៦០០ ម៉ែត្ រ នាកន្លែងរ៉ុករករ៉ែ Rudna ចម្ងាយជាង<br />៤០០ គីឡូម៉ែត្រ ភាគនិរតី ទីក្រុង Warsaw បន្ទាប់ពីបានជួបគ្រោះរញ្ជួយដីកាលពីពេលកន្លង<br />ទៅ នេះបើយោងតាមសេចក្តីរាយការណ៍ ដែលបានចេញផ្សាយដោយទំព័រសារព័ត៌មានបរ<br />ទេស ស្កាយ ដែលទើបតែបានចេញផ្សាយនាវេលាប៉ុន្មានម៉ោងមុននេះ។</p>
<p><a class="thickbox" title="" href="/FileManager/Commons/2013/3/20/200313-poland-map-1-522x293-20-03-2013--13-33-54.jpg"><img src="/FileManager/Articles/mce/2013/3/20/200313-poland-map-1-522x293-20-03-2013--13-33-54.jpg" alt="" width="450" height="251" /></a></p>
<p>គួររំឭកផងដែរថា កម្មកររ៉ុករ៉ករ៉ែទាំងអស់ សំណាងល្អមិនបានប៉ះពាល់ដល់អាយុជីវិតអ្វីនោះ<br />ទេ គ្រាន់តែពួកគេមួយចំនួនធំបានទទួលរងរបួស បន្ទាប់ពីពួកគេបានដាច់ទំនាក់ទំនងអស់<br />ជាច្រើនម៉ោង ក្រោយពីការរញ្ជួយដីបានផ្តាច់នូវបណ្តាញទំនាក់ទំនង។</p>
<p>លើសពីនេះទៅទៀត ប្រភពសារព័ត៌មានដដែលបានបញ្ជាក់បន្ថែមថា ក្រុមហ៊ុនរ៉ុករ៉ែ KGHM<br />ដែលកម្មករខ្លួនកំពុងជួបនូវឧបទ្ទេវហេតុនេះ គឺជាក្រុមហ៊ុនរ៉ុករករ៉ែ ធំជាងគេទីពីរនៅអឺរ៉ុប៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>