<p><span style="color: #000000;"><strong>ភ្នំពេញៈ</strong> តារាសម្តែងដែលពូកែសម្រក់ទឹកភ្នែក កញ្ញា លី ច័ន្ទសីហា នៅថ្ងៃនេះបានជួបរឿង ទុក្ខសោក មហាក្រៀមក្រំមួយ ដោយសារតែប្អូនប្រុសរបស់នាង បានទទួលមរណៈភាពលាចាក លោក ទៅចោលនាងគ្មានថ្ងៃ នឹងវិលមកវិញនោះទេ ។</span></p>
<p><span style="color: #000000;">នៅក្នុងកិច្ចសម្ភាសន៍ ជាមួយគេហទំព័រ Looking TODAY នៅថ្ងៃទី៧ ខែតុលា ឆ្នាំ២០១៤នេះ តារាសម្តែងស្រី កញ្ញា លី ច័ន្ទសីហា បានប្រាប់ទាំងសំឡេងយំសោកថា បុរសវ័យក្មេងដែលគេ បានប្រទះឃើញសពអណ្តែតទឹក នៅស្រុកស្អាងនោះ គឺជាប្អូនប្រុសបង្កើតរបស់នាង “ខ្ញុំពិតជា មានអារម្មណ៍ថា រន្ធត់ខ្លាំងណាស់ បងពេលបានឮ និងឃើញរឿងបែបនេះ កើតឡើងខ្ញុំស្ទើរតែ មិនជឿទេ ថាវាជារឿងពិតសម្រាប់ជីវិតរបស់ខ្ញុំ ត្រឹមតែមួយប៉ប្រិចភ្នែកសោះ ខ្ញុំត្រូវបាត់បង់ប្អូន ប្រុសបណ្តូលចិត្តតែមួយ ”។</span></p>
<p><span style="color: #000000;">សីហាបានរៀបរាប់ទាំងអារម្មណ៍ក្តុកក្តួលទៀតថា នាងនិងគ្រួសារពិតជាមិនទាន់ដឹងទេថា ប្អូន ប្រុសនាងស្លាប់ដោយសារអ្វីជា ការធ្វើអត្តឃាតឫយ៉ាងណាទេ ព្រោះថាទើបតែរកសពឃើញ បើតាមនាងសន្និដ្ឋានប្អូននាង អាចស្លាប់តាំងពីថ្ងៃអាទិត្យ ព្រោះថានៅមុនពេលដែលប្អូននាង បាត់ខ្លួនពីផ្ទះគឺគេ (ប្អូនប្រុស) ត្រូវបានប៉ារបស់នាង លោក លី សុខជុន ស្តីបន្ទោសតិចតួច ហើយ ក្រោយមកក៏បាត់ខ្លួនគេ ទើបតែឃើញម្តងទៀត គឺជាសាកសពតែម្តង នាងពិតជាមិនបានដឹង ទេថា សម្រាប់អារម្មណ៍ប្អូនប្រុសរបស់នាង មានសម្ពាធអ្វីធ្ងន់ធ្ងរ រហូតធ្វើរឿងបែបនេះឡើយ ។</span></p>
<p><span style="color: #000000;">តារារូបនេះប្រាប់ទៀតថា ប្អូនប្រុសរបស់នាងមានឈ្មោះថា លី យុទ្ធតិកា អាយុ១៩ឆ្នាំ ហើយ ពេលនេះ សពបានតម្កល់ធ្វើបុណ្យ នៅវត្តឈូងលាប ស្ថិតនៅតាមផ្លូវទួលក្រសាំង ស្រុកស្អាង ខេត្តកណ្តាល ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/7/s0040-07-10-2014--14-32-42.jpg"><img src="/FileManager/Articles/mce/2014/10/7/s0040-07-10-2014--14-32-42.jpg" alt="" /></a></span></p>
<p><a class="thickbox" title="" href="/FileManager/Commons/2014/10/7/s0041-07-10-2014--14-32-52.jpg"><img src="/FileManager/Articles/mce/2014/10/7/s0041-07-10-2014--14-32-52.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/7/s0040-07-10-2014--14-32-42.jpg"></a></span></p>
<p><a class="thickbox" title="" href="/FileManager/Commons/2014/10/7/s0042-07-10-2014--14-33-00.jpg"><img src="/FileManager/Articles/mce/2014/10/7/s0042-07-10-2014--14-33-00.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>