<p><strong>ព័ត៌មានអន្តរជាតិ ៖</strong> បើយោងតាមសេចក្តីរាយការណ៍ ដែលបានចេញផ្សាយដោយទំព័រសារ<br />ព័ត៌មានបរទេស ដេលីម៉ែល កាលពីពេលកន្លងទៅនេះ បានបញ្ជាក់អោយដឹងថា ទន្តពេទ្យ<br />មួយរូប ត្រូវបានចាប់ឃាត់ខ្លួន ខណៈពេលដែលចាប់ដកធ្មេញអ្នកជម្ងឺរបស់ខ្លួនទាំងកម្រោល<br />ដោយសារតែមានការឈ្លោះប្រកែកទាក់ទិនទៅនឹង វិក័យប័ត្រគិតលុយ ។</p>
<p><a class="thickbox" title="" href="/FileManager/Commons/2013/3/13/article-0-0058f57b00000258-670634x418-13-03-2013--13-55-48.jpg"><img src="/FileManager/Articles/mce/2013/3/13/article-0-0058f57b00000258-670634x418-13-03-2013--13-55-48.jpg" alt="" width="449" height="295" /></a></p>
<p>គួរបញ្ជាក់ផងដែរថា ទន្តពេទ្យរូបនោះមានឈ្មោះកាត់ថា FJGS វ័យ ៣៩ ឆ្នាំ ជាទន្តពេទ្យមក<br />ពីក្រុង Zaragoza ប្រទេសអេស្ប៉ាញ។ លើសពីនេះទៅទៀត ប្រភពសារព័ត៌មានដដែលបាន<br />បញ្ជាក់បន្ថែមអោយដឹងផងដែរថា ករណីជម្លោះខាងលើនេះអាចកើតមានឡើង បន្ទាប់ពីស្រ្តី<br />សុំមិនបញ្ជេញអត្តសញ្ញាណម្នាក់ មានការងឿយឆ្ងល់ពីវិក័យប័ត្រគិតលុយ ហេតុអ្វីក៏ថ្លៃម្ល៉េះ<br />គ្រាន់តែធ្វើការព្យាបាល និង ដាក់ធ្មេញក្នុងរយៈពេលប៉ុន្មានខែចុងក្រោយនេះ ដោយធ្វើការ<br />ចោទសួរទៅទន្តពេទ្យ។</p>
<p>ភ្លាមៗនោះ ក៏មានការច្រឡោតខឹង និង ចាប់ដកធ្មេញដែលបានដាក់នាពេលកន្លងមកទាំង<br />កម្រោល រហូតដល់ធ្វើអោយនាងឈាមពេញមាត់។ រំពេចនោះ នាងក៏ប្តឹងដល់ភ្នាក់ងារមាន<br />សមត្តកិច្ចអោយចាប់ទន្តពេទ្យចិត្តសឿងរូបនេះ ខណៈពេលដែលការផ្តន្ទាទោសនឹងត្រូវបាន<br />ធ្វើឡើងទៅតាមផ្លូវច្បាប់របស់ប្រទេសនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ ដេលីម៉ែល</p>