<p><span style="color: #000000;">យោងតាមរបាយការណ៍អំពីការស្លាប់ភ្លាមៗ គេដឹងថា មនុស្សស្លាប់ដោយការវាយប្រហារពីត្រី</span><br /><span style="color: #000000;">ឆ្លាម គឺមានចំនួនតិចជាង បើធៀបនឹងការស្លាប់ដោយការថតរូបខ្លួនឯង(Selfie)។</span></p>
<p><span style="color: #000000;">ថ្មីៗនេះ អ្នកទេសចរណ៍ជនជាតិអាលឺម៉ង់ម្នាក់ ទើបតែបានស្លាប់ ខណៈកំពុងលោតថតរូបខ្លួនឯង</span><br /><span style="color: #000000;"> នៅតំបន់ប្រាសាទ Machu Picchu នៅ Peru កាលពីសប្ដាហ៍មុន។ ក្រុមមន្ដ្រីមានសមត្ថកិច្ច បាន</span><br /><span style="color: #000000;">រកឃើញសាកសពជនរងគ្រោះ នៅក្នុងចម្លោះថ្មភ្នំមួយកាលពីថ្ងៃទី ៣០ឧសភាកន្លងទៅ។ BBC</span><br /><span style="color: #000000;"> ចុះផ្សាយថា ជនរងគ្រោះម្នាក់នេះ មានឈ្មោះថា Oliver Park អាយុ ៥១ឆ្នាំ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/5/selfie-05-07-2016--09-29-29.jpg"><span style="color: #000000;"><img src="/FileManager/Articles/mce/2016/7/5/selfie-05-07-2016--09-29-29.jpg" alt="" /></span></a></span></p>
<p><span style="color: #000000;">បុគ្គលិកនៅតំបន់ទេសចរណ៍ Machu Picchu ឱ្យដឹងថា Park មិនបានយកចិត្តទុកដាក់ទៅលើ</span><br /><span style="color: #000000;">ស្លាកសញ្ញាព្រមានអំពីគ្រោះថ្នាក់នោះទេ។ Park បានធ្លាក់ពីលើចង្កេះភ្នំ ខណៈកំពុងលោតដើម្បី</span><br /><span style="color: #000000;">ថតរូបខ្លួនឯង។</span></p>
<p><span style="color: #000000;">យោងតាមការរកឃើញរបស់ The Metro គេបានដឹងថា ការស្លាប់ដោយសារ selfie កាន់តែមាន</span><br /><span style="color: #000000;">ច្រើន ពីមួយថ្ងៃទៅមួយថ្ងៃ។ ឆ្នាំ ២០១៥ មានអ្នកស្លាប់ដោយសារ selfie ឡើងដល់ ១២នាក់។</span></p>
<p><span style="color: #000000;">គេហទំព័រ Priceonomics រាយការណ៍ថា ចាប់តាំពីខែមករា ឆ្នាំ ២០១៤ ដល់ខែមករា ឆ្នាំ ២០១៦</span><br /><span style="color: #000000;"> មានមនុស្សស្លាប់ដោយសារ selfie មានចំនួន ៤៩នាក់។ ពួកគេភាគច្រើន មានអាយុជាមធ្យម</span><br /><span style="color: #000000;"> ២១ឆ្នាំ ហើយ ៧៥% គឺជាបុរស។</span></p>
<p><span style="color: #000000;">កាលពីខែមិនាកន្លងទៅ គ្រោះថ្នាក់មួយដូចគ្នានេះបានកើតឡើងនៅ Washington។ បុរសម្នាក់</span><br /><span style="color: #000000;">បានបាញ់ខ្លួនឯង ខណៈកំពុងថតរូប ជាមួយនឹងកាំភ្លើងដែលគាត់ស្មានថាគ្មានគ្រាប់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/5/selfie1-05-07-2016--09-29-49.jpg"><span style="color: #000000;"><img src="/FileManager/Articles/mce/2016/7/5/selfie1-05-07-2016--09-29-49.jpg" alt="" /></span></a></span></p>
<p style="text-align: center;"><span style="color: #000000;">ថ្វីបើកន្លែងខ្លះ មានការព្រមានអំពីគ្រោះថ្នាក់ដោយសារការថត selfie ប៉ុន្តែ មនុស្សភាគច្រើន</span><br /><span style="color: #000000;">មិនបានយកចិត្តទុកដាក់នោះទេ</span><br /><br /></p>
<p><span style="color: #000000;">កាលពីឆ្នាំ ២០១៥ នៅឥណ្ឌា មនុស្សមួយក្រុម មានគ្នា ៤នាក់ បានឡើងលើផ្លូវរទេះភ្លើង ដើម្បី</span><br /><span style="color: #000000;">ថតរូប ខណៈរថភ្លើងជិតនឹងមកដល់។ ដោយសាររថភ្លើងមានល្បឿនលឿន ពួកគេក៏លោតចុះ</span><br /><span style="color: #000000;">មិនទាន់ បណ្ដាលឱ្យមនុស្សបីនាក់បានស្លាប់ នេះបើតាមគេហទំព័រ Times of India។</span></p>
<p><span style="color: #000000;">ក្រសួងមហាផ្ទៃរុស្សី បានព្រមានអំពីគ្រោះថ្នាក់ដោយសារការថតរូបខ្លួនឯង ខណៈមានមនុស្ស</span><br /><span style="color: #000000;">ស្លាប់ជាច្រើននាក់ ក្នុងឆ្នាំ ២០១៥។</span></p>
<p style="text-align: right;"><span style="color: #000000;">ប្រែសម្រួល ៖ បុត្រា</span></p>