<p><span style="color: #000000;">តុលាការក្រុងភ្នំពេញបានចោទប្រកាន់វេជ្ជបណ្ឌិតអាយុ ៤៣ ឆ្នាំម្នាក់ ពីបទរំលោភសេពសន្ថវៈស្ត្រី អាយុ ២១ ឆ្នាំនៅគ្លីនិករបស់ខ្លួន នៅក្នុងខណ្ឌព្រែកព្នៅ។</span></p>
<p><span style="color: #000000;">លោក នួន ពៅ មន្រ្តីនគរបាលព្រហ្មទណ្ឌសហការជាមួយនគរបាលខណ្ឌព្រែកពៅ បានកំណត់អត្តសញ្ញាណជនជាប់ចោទថា ឈ្មោះ ម៉េត សាមេន ដែលជាវេជ្ជបណ្ឌិត និងជាម្ចាស់គ្លីនិកផ្ទាល់ នៅក្នុងសង្កាត់គោករកា។</span></p>
<p><span style="color: #000000;">ជនរងគ្រោះត្រូវបានគេស្គាល់ថាជាស្ត្រីអាយុ ២១ ឆ្នាំ ម្នាក់ដែលធ្វើការក្នុងរោងចក្រកាត់ដេរ នៅក្នុងខណ្ឌព្រែកព្នៅ និងស្នាក់នៅក្នុងសង្កាត់គោករកានោះផងដែរ។</span></p>
<p><span style="color: #000000;"><a class="thickbox" title="" href="/FileManager/Commons/2019/5/9/1-09-05-2019--11-42-33.PNG"><img src="/FileManager/Articles/mce/2019/5/9/1-09-05-2019--11-42-33.PNG" alt="" /></a><br /></span></p>
<p><span style="color: #000000;">លោក នួន ពៅ បាននិយាយថាលោក សាមេន ត្រូវបានចោទប្រកាន់ពីបទរំលោភសេពសន្ថវៈ ហើយប្រឈមមុខនឹងការជាប់ពន្ធនាគារ ១០ ឆ្នាំប្រសិនបើត្រូវបានផ្តន្ទាទោស។ លោកបានបន្ថែមថា គាត់ត្រូវបានចាប់ខ្លួនកាលពីថ្ងៃអាទិត្យ ហើយបច្ចុប្បន្នកំពុងស្ថិតនៅក្នុងការឃុំខ្លួនបណ្តោះអាសន្ន នៅពន្ធនាគារព្រៃស។</span></p>
<p><span style="color: #000000;">យោងតាមការស៊ើបអង្កេតរបស់ប៉ូលីស ជនរងគ្រោះបានមកគ្លីនីកជាមួយម្តាយរបស់នាង នៅម៉ោង ៧ យប់ថ្ងៃអាទិត្យ។ លោកបានបន្ថែមថាលោក សាមេន បានណែនាំឲ្យជនរងគ្រោះស្នាក់នៅមួយយប់ ដើម្បីតាមដានស្ថានភាពជំងឺបន្ថែមទៀត ហើយបានប្រាប់ម្តាយរបស់ជនរងគ្រោះ ឲ្យត្រលប់ទៅផ្ទះសិន។</span></p>
<p><span style="color: #000000;">លោក នួន ពៅ បានកត់សម្គាល់ថា លោក សាមេន បានចូលទៅក្នុងបន្ទប់ជនរងគ្រោះនៅម៉ោងប្រហែល 9:30 នាទីយប់ នៅពេលនាងដេកលង់លក់។</span></p>
<p><span style="color: #000000;">លោក នួន ពៅ បាននិយាយថា ”គាត់ចាប់ផ្តើមស្ទាបនាងហើយបន្ទាប់មកក៏រំលោភនាង” ។ ពេលនោះម្តាយរបស់នាងបានចូលមកទាន់ឃើញពេទ្យកំពុងរំលោភកូនស្រី គាត់បានស្រែកឲ្យគេជួយ។ ហើយបានចាក់សោរពួកគេទាំងពីរនៅក្នុងបន្ទប់ ”។</span></p>
<p><span style="color: #000000;">បន្ទាប់ពីចាក់សោទ្វារម្តាយបានរាយការណ៍ប្រាប់សម្មត្ថកិច្ច។</span></p>
<p><span style="color: #000000;">លោក នួន ពៅ បាននិយាយថាសម្មត្ថកិច្ច បានចាប់ខ្លួន លោក សាមេន នៅម៉ោងប្រហែល ១០ យប់ ហើយរឹបអូសយកថ្នាំមួយចំនួនពីគ្លីនិក និងទូរស័ព្ទរបស់គាត់។ ក្រោយមកគាត់ត្រូវបានគេបញ្ជូនទៅស្នាក់ការនគរបាលខណ្ឌដើម្បីសាកសួរ។</span></p>
<p><span style="color: #000000;">លោកវរសេនីយ៍ត្រី ស៊ីន គឹមធី ស្នងការនគបាលខណ្ឌព្រែកព្នៅ បានមានប្រសាសន៍ថា លោក សាមេន បានសារភាពថា ពិតជាបានចាប់រំលោភជនរងគ្រោះ និងបាននិយាយថា គាត់រំលោភនាងដោយសារឃើញនាងមានសម្រស់ស្អាត ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/9/khmertime-09-05-2019--11-42-41.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes </span></p>