<p><span style="color: #000000;"><strong>(ឥណ្ឌា)៖</strong> នារីវ័យក្មេងអាយុ១៨ឆ្នាំម្នាក់ រស់នៅប្រទេសឥណ្ឌា បានរៀបផែនការចាប់រូបភាព ឪពុករំលោភនាងឲ្យបាន ដើម្បីឲ្យម្តាយបានឃើញ ព្រោះតែម្តាយនាងមិនជឿ អ្វីដែលនាងបានប្រាប់ថា ត្រូវឪពុកចាប់រំលោភឡើយ។</span></p>
<p><span style="color: #000000;">នារីរងគ្រោះដោយការរំលោភផ្លូវភេទ ពីឪពុកបង្កើតរូបនេះ បានលួចដាក់កាមេរ៉ាបង្កប់ ថតពីសកម្មភាពឪពុកដែលរំលោភនាង ជាញឹកញាប់ពេលដែលនៅតែម្នាក់ឯង ហើយឪពុកតិរច្ឆាននោះ រំលោភនាងបែបនេះអស់រយៈពេល ជាង៤ឆ្នាំមកហើយ ប៉ុន្តែពេល នាងប្រាប់ម្តាយនិងប្អូនស្រីគ្មាននរណាជឿឡើយ ទើបនាងសម្រេចចិត្តធ្វើបែបនេះ។</span></p>
<p><span style="color: #000000;">កំឡុងពេលដាក់កាមេរ៉ាបង្កប់ លួចថតសកម្មភាពឪពុកបានមួយសន្ទុះ ស្រាប់តែបុរសជាឪពុកនោះ លបចូលមករំលោភនាងទៀត ពិតមែនហើយ ពេល ដែលម្តាយមកដល់ផ្ទះ ទើបកូនស្រីយកវីដេអូមកបង្ហាញ ឲ្យឃើញតែម្តង ពេលនោះទើបស្ត្រីជាម្តាយជឿ និងបានទូរស័ព្ទប្តឹងប៉ូលិស ឲ្យមកចាប់ខ្លួនប្តីកំហូចភ្លាម ៗ។ ស្ត្រីជាម្តាយនិយាយថា នាងស្តាយក្រោយណាស់ ដែលមិនជឿកូនពីដំបូង ស្មានថាកូនប្រឌិតរឿង តែពេលដឹងការពិតមានអារម្មណ៍ខឹងណាស់ រីឯបុរសជាឪពុក ក៏ព្រមសារភាពពីកំហុស តែបែរជាបន្ទោសថា មកពីខ្លួនស្រវឹងស្រាទៅវិញ ប៉ុន្តែឪពុកតិរច្ឆាននេះ នៅតែត្រូវប៉ូលិសបញ្ជូន ទៅតុលាការដើម្បីកាត់ទោស៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/29/10b-29-03-2016--14-12-34.jpg"><img src="/FileManager/Articles/mce/2016/3/29/10b-29-03-2016--14-12-34.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>