<p><span style="color: #000000;"><strong>(វ៉ាស៊ីនតោន)៖</strong> ក្រុមអ្នកបរិស្ថានជនជាតិអាមេរិក និយាយថា ត្រីពណ៌ទឹកក្រូចដ៏ស្រស់ស្អាត ដែលត្រូវបានគេយកទៅ ធ្វើជាតួអង្គនៅក្នុងរឿងគំនូរជីវចល ដែលមានចំណងជើងថា «Nemo» កំពុងស្ថិតនៅក្នុងគ្រោះថ្នាក់ នៃការជិតផុតពូជ និងត្រូវការការពារជាបន្ទាន់។ នេះបើយោងតាមប្រភពព័ត៌មាន Science Daily ចេញផ្សាយនៅថ្ងៃព្រហស្បតិ៍ ទី២៧ ខែតុលា ឆ្នាំ ២០១៦។</span></p>
<p><span style="color: #000000;">មជ្ឈមណ្ឌលនានា ភាពនៃជីវសាស្រ្តនៅក្នុងរដ្ឋ អារីហ្សូណាសហរដ្ឋអាមេរិក បានស្នើសុំសហព័ន្ធរដ្ឋាភិបាល កាលពីថ្ងៃច័ន្ទកន្លងទៅថ្មីៗនេះ ឲ្យធ្វើការពិចារណា ដើម្បីចុះឈ្មោះប្រភេទត្រីពណ៌ទឹកក្រូច និង ត្រីចំនួន ៧ប្រភេទទៀត ដែលអាស្រ័យលើផ្កាថ្ម ដើម្បីរស់នៅក្នុងបញ្ជីប្រភេទសត្វ ដែលជិតផុតពូជ។</span></p>
<p><span style="color: #000000;">ជាមួយគ្នានេះដែរ នាយកខាងផ្នែកវិទ្យាសាស្រ្ត អាកាសធាតុនៃមជ្ឈមណ្ឌលនានា ភាពនៃជីវសាស្រ្ត លោក Shaye Wolf បានប្រាប់កាសែត McClatchy ថា «ក្នុងខណៈនេះដែរ ពួកយើងនៅតែបន្ត បញ្ចេញឧស្ម័នពុលពីផ្ទះកញ្ចក់ ពួកយើងឃើញថា មានប្រភេទសត្វ និងរុក្ខជាតិនៅក្នុងសហរដ្ឋអាមេរិក ក៏ដូចជានៅជុំវិញពិភពលោក ស្ថិតនៅក្នុងគ្រោះថ្នាក់ នៃការជិតផុតពូជកាន់តែច្រើនឡើងៗ ដោយសារតែបំរែបំរួល របស់អាកាសធាតុរបស់ភពផែនដី!»។</span></p>
<p><span style="color: #000000;">ម្យ៉ាងវិញទៀតករណីនេះ ពិតជាសំខាន់ខ្លាំងណាស់ ពីព្រោះថា មានមនុស្សភាគតិចណាស់ដែលអាច ដឹងថាមហាសមុទ្រកំពុងតែត្រូវបានបំផ្លាញ ដោយឧស្ម័នពុលកាបូនខ្លាំង កំរិតណា។ </span></p>
<p><span style="color: #000000;">គួរបញ្ជាក់ដែរថា ត្រីពណ៌ទឹកក្រូចដ៏ឆើតឆាយនេះ ត្រូវបានរកឃើញ នៅក្នុងមហាសមុទ្រប៉ាស៊ីហ្វិក ជិតប្រទេសអូស្រ្តាលី ក្នុងខណៈដែល វត្តមានរបស់ពួកវា មួយចំនួនទៀត រស់នៅក្នុងទឹកដីរបស់សហរដ្ឋ អាមេរិក៕</span></p>
<p><span style="color: #000000;"><img src="http://cdnph.upi.com/sv/b/i/UPI-39531347756149/2012/1/13478020441099/Environmental-group-says-Nemo-endangered.jpg" alt="" width="730" /></span></p>
<p><span style="color: #000000;"><img src="http://www.mcclatchydc.com/latest-news/rt85js/picture23435025/ALTERNATES/FREE_640/1g3gXE.So.91.jpg" alt="" width="730" /></span></p>
<p><span style="color: #000000;"><img src="http://cdn.phys.org/newman/gfx/news/hires/2016/savingnemobl.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>