<p><span style="color: #000000;"><strong>(ភ្នំពេញ)៖</strong> ម្ចាស់ Facebook Page មួយ ដែលមានឈ្មោះថា «អៀម ផន សេរីភាព នៃការតស៊ូ ខ្មែរការពារ» បានចេញមកសុំទោសជាសាធារណៈ ចំពោះកំហុសឆ្គងរបស់ខ្លួន ដែលបានយករូបភាពសិល្បករ សិល្បការនីខ្មែរ ចូលរួមដង្ហែសពព្រះបរមរតនកោដ នរោត្តម សីហនុ មកបង្ហោះថា ពួកគាត់ចូលរួមក្នុងពិធីដង្ហែសព លោក កែម ឡី ធ្វើឲ្យមានភាន់ច្រឡំ ដល់សាធារណជន។</span></p>
<p><span style="color: #000000;">ម្ចាស់ Facebook ខាងលើកបានបញ្ជាក់ថា ការដែលខ្លួនយករូបនេះបង្ហោះក៏ព្រោះតែ រូបគេឃើញ ម្ចាស់ Facebook មួយឈ្មោះថា «Best Friends Forever» យករូបភាពទាំងនោះមកបង្ហោះ ចំពេលដង្ហែសពរបស់លោក កែម ឡី ដូច្នេះទើបធ្វើឲ្យគេយល់ច្រឡំក៏ Save យកមកបង្ហោះបន្ត បង្កការភាន់ច្រឡំយ៉ាងដូច្នេះ។</span></p>
<p><span style="color: #000000;">ម្ចាស់ Facebook Page ឈ្មោះ អៀម ផន សេរីភាព នៃការតស៊ូ ខ្មែរការពារ បានសរសេរថា <strong>«ខ្ញុំដឹងថា ខ្ញុំពិតជាមានកំហុសមែន! ព្រោះតែការធ្វេសប្រហែស របស់ខ្ញុំមួយភ្លេត ព្រោះតែមិនបានពិនិត្យឲ្យបានច្បាស់ ក្រោយពេលដែលខ្ញុំបានដឹងមកខ្ញុំ ក៏បានលុបរូបនោះចេញវិញ ហើយដើម្បីកុំឲ្យមានការយល់ច្រឡំទៀត ដូច្នេះហើយទើបខ្ញុំ សុំទោសបងប្អូន ជាសាធារណៈ សង្ឃឹមថា បងប្អូននឹងមិនប្រកាន់ដល់រូបខ្ញុំ»</strong>។</span></p>
<p><span style="color: #000000;">សូមជំរាបថា បន្ទាប់ពីមានការបង្ហោះរូបភាពខាងលើនេះ សមាគមមិត្តសិល្បៈជួយសង្គម បានធ្វើការអំពាវនាវបញ្ឈប់ការយករូបភាពរបស់តារាចម្រៀង និងតារាសម្តែង ទៅបង្ហោះពាក់ព័ន្ធនឹងសកម្មភាពហែរសពលោក កែម ឡី ហើយឥឡូវនៅពេលនេះមានម្ចាស់ Facebook មួយចេញមុខសុំទោសជាសាធារណៈ ចំពោះការបង្ហោះរូបភាពសិល្បករខ្មែរនេះ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-12-28-56-1.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/13876626_1634290560218642_4502440726859960457_n.jpg?oh=bdd89007ff48207d47300a4d73dc4b81&oe=58303FCC&__gda__=1479935867_2fe56694c84bf3adea312ab1c8f5a1b4" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-27-12-28-56-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>