<p>នៅពេលគេនិយាយដល់របបអាហារត្រឹមត្រូវ មនុស្សជាច្រើននឹងស្រមៃដល់ការសម្រកទម្ងន់។ <br />ប៉ុន្តែ អ្នកវិទ្យាសាស្ដ្រមួយក្រុម មកពីសកលវិទ្យាល័យ California ខាងត្បូង មិនយល់ឃើញដូច្នេះ<br />ទេ។ ពួកគេយល់ថា របបអាហារត្រឹមត្រូវ អាចនឹងជួយឱ្យមនុស្សមានអាយុវែងជាង បើធៀបនឹង<br />មនុស្សដែលមានរបបអាហារមិនត្រឹមត្រូវ។</p>
<p>ក្រុមអ្នកវិទ្យាសាស្ដ្រ បានរកឃើញថា ការហូបអាហារតិចជាងធម្មតា ក្នុងរយៈពេល ៥ថ្ងៃ ជារៀង<br />រាល់ខែ អ្នកអាចនឹងពន្យាពេលនៃការវិវឌ្ឍទៅរកភាពចាស់ ទន្ទឹមនឹងការរារាំងការកើតជម្ងឺបេះដូង<br /> ទឹកនោមផ្អែម និងមហារីក។ របបអាហារនេះមានឈ្មោះថា Fasting Mimicking Diet (FMD) (របប<br />តមអាហារក្លែងក្លាយ) ។</p>
<p style="text-align: center;"><a class="thickbox" title="" href="/FileManager/Commons/2016/7/2/food1-02-07-2016--09-06-29.jpg"><img src="/FileManager/Articles/mce/2016/7/2/food1-02-07-2016--09-06-29.jpg" alt="" /></a></p>
<p>Peter Bowes អ្នកដែលបានចូលរួមក្នុងការសិក្សាស្រាវជ្រាវ បានឱ្យដឹងថា វាមិនមែនជារបប<br />អាហារសាមញ្ញនោះទេ។ វាដូចទៅនឹង “ការវិនិយោគសម្រាប់អនាគត”។ ការហូបអាហារតិចជាង<br />ធម្មតា ក្នុងរយៈពេល ៥ថ្ងៃ រៀងរាល់ខែ គឺនាំឱ្យអ្នកមានអាយុ កាន់តែវែង។</p>
<p>រូបមន្តនៃ “របបតមអាហារក្លែងក្លាយ” គឺសាមញ្ញ ៖ រៀងរាល់ខែ អ្នកត្រូវតែចំណាយពេល ៥ថ្ងៃ<br /> ដើម្បីហូបអាហារតិចជាងធម្មតា។ គោលបំណងចុងក្រោយនោះគឺដើម្បីកាត់បន្ថយចំនួនកាឡូរី<br />ដែលនឹងបញ្ចូលទៅក្នុងរាងកាយ។</p>
<p>ការតមអាហារត្រូវបានធ្វើជាពីរជំហាន ៖ ថ្ងៃដំបូង អ្នកនឹងត្រូវអនុញ្ញាតឱ្យហូបត្រឹមតែ ១.០៩០<br />កាឡូរី។ ក្នុងនោះ គេយកកាឡូរី ១០% ពីប្រូតេអ៊ីន, ៥៦% ពីខ្លាញ់ និង ៣៤% ពីកាបូហាយប្រេត។</p>
<p>ចាប់ពីថ្ងៃទីពីរឡើងទៅ អ្នកនឹងត្រូវទទួលទានអាហារត្រឹមតែ ៧២៥កាឡូរី។ក្នុងនោះ កាឡូរី ៩%<br /> បានមកពីប្រូតេអ៊ិន, ៤៤% បានមកពីខ្លាញ់ និង ៤៧% បានមកពីកាបូហាយត្រេត (កាបូហាយ<br />ត្រេត មានប្រភពពីបន្លែ)។</p>
<p>ស្ដាប់ទៅដូចជាងាយស្រួលខ្លាំងណាស់ ប៉ុន្តែ Bowes ឱ្យដឹងថា ការអនុវត្តរយៈពេល ៥ថ្ងៃនេះ គឺ<br />ពិតជាមានការលំបាក សម្រាប់មនុស្សភាគច្រើន។ មនុស្សមួយចំនួនដែលបានចូលរួមក្នុងការ<br />សិក្សាស្រាវជ្រាវ ត្រូវទ្រាំនឹងស្ថានភាពបាត់បង់ជាតិទឹក និងអាការឈឺក្បាល ហើយពួកគេមាន<br />អារម្មណ៍ថា អស់កម្លាំង ទន់ដៃទន់ជើង ស្មារតីចុះខ្សោយ។</p>
<p>ប៉ុន្តែ បន្ទាប់ពីបានឆ្លងកាត់ការតមអាហារ ៥ថ្ងៃ អ្នកអាចវិលត្រឡប់មកហូបអាហារតាមធម្មតា។</p>
<p>សាស្ដ្រាចារ្យ Valter Longo មកពីសកលវិទ្យាល័យ California ខាងត្បូង នៃសហរដ្ឋអាមេរិក បាន<br />ធ្វើការសិក្សាស្រាវជ្រាវមួយដែលមានរយៈពេល ៣ខែ ទៅលើមនុស្សដែលបានធ្វើការ “តម<br />អាហារក្លែងក្លាយ”។ លទ្ធផលបានបង្ហាញថា ពួកគេបានឆ្លងកាត់នូវដំណាក់កាលដែលអ័រម៉ូនរីក<br />ចម្រើនមួយប្រភេទត្រូវធ្លាក់ចុះ បណ្ដាលឱ្យអ៊ីនសួលីនធ្វើការល្អជាងមុន ជាកត្តាមួយជួយឱ្យរាង<br />កាយគ្រប់គ្រងជាតិស្ករបានល្អជាងធម្មតា។</p>
<p>ផលប្រយោជន៍ផ្នែកសុខភាពនេះត្រូវបានរក្សារហូតដល់ចប់ការសិក្សាស្រាវជ្រាវ ហើយអ្នកដែល<br />បានចូលរួមក៏បានសម្រកទម្ងន់។ ដូច្នេះសាស្ដ្រាចារ្យ Longo រួមនឹងក្រុមការងារជឿថា អ្នករាល់គ្នា<br />ទទួលបានផលប្រយោជន៍ពី “របបតមអាហារក្លែងក្លាយ” ពី ៣ ទៅ ៤លើក ក្នុងមួយឆ្នាំ។</p>
<p>ទោះជាយ៉ាងនេះក្ដី ដើម្បីបង្កើតជារបបអាហារដ៏ត្រឹមត្រូវដើម្បីជួយពន្យាអាយុរបស់មនុស្ស ក្រុម<br />អ្នកវិទ្យាសាស្ដ្រ ត្រូវការការសិក្សាស្រាវជ្រាវ និងការពិសោធឱ្យបានល្អិនល្អន់ជាងនេះ។ សង្ឃឹម<br />ថា ថ្ងៃអនគត អ្នកវិទ្យាសាស្ដ្រនឹងរកឃើញរបបអាហារមួយ ជួយឱ្យសុខភាពល្អ និងពន្យាបាន<br />នូវការវិវឌ្ឍទៅរកភាពចាស់របស់មនុស្ស។</p>
<p style="text-align: right;">ប្រែសម្រួល ៖ បុត្រា</p>