<p><span style="color: #000000;"><strong>(ភ្នំពេញ)៖</strong> មន្រ្តីនគរបាលខណ្ឌចំការមន បានចេញមកបកស្រាយភ្លាមៗថា ករណីស្រ្តីអ្នកបម្រើលួចយកក្មេងស្រី អាយុ៩ខែចេញពីផ្ទះ នៅសង្កាត់បឹងត្របែក កាលពីព្រឹកមិញនោះ ជារឿងប្តីប្រពន្ធឈ្លោះគ្នា ហើយប្រពន្ធបានយកកូនរបស់ខ្លួន ចេញពីផ្ទះ។</span></p>
<p><span style="color: #000000;">លោក ណេង សំអឿន នាយនគរបាលប៉ុស្តិ៍បឹងត្របែក បានបញ្ជាក់ដល់អង្គភាព ព័ត៌មាន ថា <strong>«មិនពិតទេជារឿងប្តី និងប្រពន្ធឈ្លោះគ្នា ហើយស្រាប់តែស្រ្តីជាប្រពន្ធ យកកូនចេញពីផ្ទះបាត់ទៅ មិនមែនស្រ្តី អ្នកបម្រើយកទៅនោះឡើយ»</strong>។</span></p>
<p><span style="color: #000000;">លោកមេប៉ុស្តិ៍បានស្តីបន្ទោសដល់ឪពុកមា ក្មេងស្រីនោះថា បានបំពុលបរិយាកាស ហើយស្រ្តីឈ្មោះ ជាតិ និមល អាយុ២៤ឆ្នាំនេះ គឺជាម្តាយរបស់ក្មេងតូចនោះ ដែលពួកគេរស់នៅផ្ទះលេខ៤ ផ្លូវលេខ៤៣២ សង្កាត់បឹងត្របែក ហើយបានយកកូនរបស់ខ្លួនចេញពីផ្ទះ នៅម៉ោងជាង៥ព្រឹកទាបភ្លឺ ថ្ងៃទី២២ ខែមករា ឆ្នាំ២០១៦នេះ។</span></p>
<p><span style="color: #000000;">សូមបញ្ជាក់ថា នាព្រឹកមិញលោក នូ ដារ៉ា អាយុ៣៨ឆ្នាំ ត្រូវជាពូរបស់ក្មេងស្រីតូច បានបំពុល និងបំប៉ោងរឿងថា ក្មួយស្រីរបស់ខ្លួន ត្រូវបានស្រ្តីអ្នកបម្រើលួចយកទៅ ប្រទេសថៃបាត់ហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/22/1-22-2016-12-58-19-pm-22-01-2016--13-06-18.png"><img src="/FileManager/Articles/mce/2016/1/22/1-22-2016-12-58-19-pm-22-01-2016--13-06-18.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ហ្វ្រេសញ៉ូវអាស៊ី</span><span style="color: #000000;"><br /></span></p>