<p><span style="color: #000000;">ភ្នំពេញ ៖ ទោះបីជាមានឧបសគ្គនៅក្នុងការប្រលងថ្នាក់ជាតិក្នុងរយៈពេលពីរថ្ងៃកន្លងមកនេះក៏ដោយ ក៏រដ្ឋមន្រ្តីក្រសួងអប់រំបានមានប្រសាសន៍ថា ការប្រលងត្រូវបានដំណើរការយ៉ាងរលូននិងមានភាពប្រសើរជាងឆ្នាំមុន ។</span></p>
<p><span style="color: #000000;">រដ្ឋមន្រ្តីក្រសួងអប់រំ លោក ហង្សជួន ណារុន បានបន្ថែមថា ការប្រលងថ្នាក់ជាតិបានធ្វើកំណែទម្រង់ក្នុងរយៈពេលប៉ុន្មានឆ្នាំចុងក្រោយនេះ ។ លោកបានមានប្រសាសន៍ទៀតថា ការប្រលងនឹងកាន់តែប្រសើរឡើងទៀតនៅឆ្នាំក្រោយៗ ។ </span></p>
<p><a class="thickbox" title="" href="/FileManager/Commons/2018/8/22/10-22-08-2018--13-43-52.png"><img src="/FileManager/Articles/mce/2018/8/22/10-22-08-2018--13-43-52.png" alt="" /></a></p>
<p><span style="color: #000000;">ដំណើរការឆ្នាំនេះមានភាពប្រសើរឡើង បើប្រៀបធៀបទៅនឹងឆ្នាំមុន ដោយសារការគាំទ្រផ្ទាល់ពីក្រសួង និងកិច្ចសហប្រតិបត្តិការរវាងមន្ត្រីថ្នាក់ជាតិ និងថ្នាក់មូលដ្ឋាន ព្រមទាំងអង្គភាពប្រឆាំងអំពើពុករលួយថែមទៀតផង ។</span></p>
<p><span style="color: #000000;">លោក ហង្សជួន ណារុន បានបន្ថែមថា "ខ្ញុំមិនដឹងថាតើតំណែងបន្ទាប់របស់ខ្ញុំនឹងក្លាយជាយ៉ាងណានោះទេ ប៉ុន្តែប្រសិនបើខ្ញុំបន្តធ្វើជារដ្ឋមន្រ្តីក្រសួងអប់រំនោះ ខ្ញុំនឹងបន្តធ្វើកំណែទម្រង់ប្រព័ន្ធនេះឲ្យកាន់តែល្អឡើង" ។</span></p>
<p><span style="color: #000000;">នៅក្នុងសេចក្តីថ្លែងការណ៍មួយកាលពីថ្ងៃម្សិលមិញ ក្រសួងបាននិយាយថា សិស្សជាច្រើននាក់ត្រូវបានរងផលប៉ះពាល់ដោយជំងឺ ប៉ុន្តែបានកត់សម្គាល់ថា ភាគច្រើនអាចអង្គុយធ្វើតេស្តបាន ។ </span></p>
<p><span style="color: #000000;">នៅពាក់កណ្តាលនៃការប្រលងនេះសិស្សមួយចំនួនមានអារម្មណ៍វិលមុខហើយសិស្សខ្លះក្អួត ដោយកត់សម្គាល់ថាសិស្ស ៦៤ នាក់មានបញ្ហាសុខភាព ។</span></p>
<p><span style="color: #000000;">លោក អ៊ុកឆាយវី ប្រធានសមាគមគ្រូបង្រៀនកម្ពុជាឯករាជ្យបានមានប្រសាសន៍កាលពីម្សិលមិញថា មិនមានបញ្ហាធំៗដែលប៉ះពាល់ដល់ដំណើរការប្រលងនោះទេ ។</span></p>
<p><span style="color: #000000;">ប្រភពដដែលបានបន្តទៀតថា នៅក្រៅមជ្ឈមណ្ឌលប្រលង យើងបានឃើញថា អ្វីៗគឺល្អ ហើយអនុរក្ស័ បានពិនិត្យសិស្សយ៉ាងប្រយ័ត្នប្រយែង មិនអាចមានសិស្សនាំយកក្រដាសទុកចម្លងឡើយ ។ អ្នកសង្កេតការណ៍ក៏បានរាយការណ៍ផងដែរថា ដំណើរការត្រួតពិនិត្យបានដំណើរការយ៉ាងរលូន ។</span></p>
<p><span style="color: #000000;">ក្រសួងបានបន្ថែមទៀតថា សិស្ស ១១៥.២៦៨ នាក់បានមានវត្តមាននៅមណ្ឌលប្រលង ខណៈពេលដែលមានសិស្សចំនួន ១.៨៩៩ នាក់ អវត្តមាន ៕</span></p>
<p><a class="c_tab" href="https://www.khmertimeskh.com/50525006/national-exam-ends-without-incident/" target="_blank"><img src="/FileManager/Articles/mce/2018/8/22/khmertime-22-08-2018--13-44-00.png" alt="" /></a></p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ khmertimes</span></p>