<p><span style="color: #000000;"><strong>ភ្នំពេញ៖</strong> តារាចម្រៀងជ្រកក្រោមផលិត M កញ្ញា ជិន ស្រីនុត ថ្មីៗនេះ បានបែកធ្លាយដំណឹងថា នាងបានលួចលាក់សាងសម្ព័ន្ធភាព ស្នេហាផ្អែមល្ហែមយ៉ាងជ្រាលជ្រៅ ជាមួយបុរសអាណិកជនក្រៅស្រុកម្នាក់ រហូតឈានដល់ដំណាក់កាលចុងក្រោយ នៃការព្រមព្រៀងរៀបចំពិធីភ្ជាប់ពាក្យ ជាមួយគ្នាទៀតផង ។</span></p>
<p><span style="color: #000000;">ប្រភពពីចង្កោមអ្នកសិល្បៈ បាននិយាយខ្សឹបខ្សៀវគ្នាថា បច្ចុប្បន្នតារាចម្រៀងស្រី ជិន ស្រីនុត មានគូកំណាន់ចិត្តស្នេហ៍ស្មោះ រួចទៅហើយ ខណៈដែលអ្នកទាំងពីរ បានស្គាល់ស្វែងយល់ចិត្តគ្នា អស់រយៈពេលមួយឆ្នាំកន្លះមកហើយ ។ ប៉ុន្តែចំណងស្នេហ៍ដែល កើតឡើងពីការផ្តើមចិត្ត រវាងពួកគេទាំងពីរ ពុំត្រូវបានបញ្ចេញដោយបើកចំហរឱ្យនរណាដឹងនោះឡើយ ដោយតារាស្រីរូបនេះ តែងព្យាយាមបិទបាំង ពីក្រសែភ្នែកគេឯងជានិច្ច ។</span></p>
<p><span style="color: #000000;">ប្រភពដដែលបាននិយាយទៀតថា ផ្តើមពីការស្រឡាញ់ និងយល់ចិត្តគ្នាទៅវិញទៅមក តាមរយៈការប្រើប្រាស់ពេលវេលា សិក្សាមើលចិត្តគ្នា អស់រយៈពេលជាងមួយឆ្នាំមកនោះ ទើបឥឡូវចំណងស្នេហ៍ ឆ្លងទ្វីបរវាងស្រីស្រស់ ជិន ស្រីនុត និងបុរសអាណិកជនអាម៉េរិក ឈានដល់ដំណាក់កាល នៃការរៀបចំពិធីភ្ជាប់ពាក្យ បញ្ចប់មន្ទិល ព្រោះពិធីនេះ គឺធ្វើឡើងដោយ បើកចំហរ ។</span></p>
<p><span style="color: #000000;">ប្រាប់គេហទំព័រកម្សាន្ត LookingTODAY តាមសារអេឡិចត្រូនិច កាលពីរសៀលថ្ងៃទី២២ ខែមេសា ឆ្នាំ២០១៥ តារាចម្រៀង ជិន ស្រីនុត បាននិយាយបែបភ្ញាក់ផ្អើលថា «មានមកពីណាបង…អ្នកណាថាចេះតែថាទៅ ព្រោះអីខ្ញុំអត់ដឹងអីផងហ្នឹង» ។</span></p>
<p><span style="color: #000000;">កញ្ញា ជិន ស្រីនុត បានបន្តថា «គេនិយាយអីនិយាយទៅ ខ្ញុំអត់ដឹង តែបើសិនខ្ញុំភ្ជាប់ពាក្យ ឬរៀបការនោះ ខ្ញុំនឹងប្រាប់ខាងបងមុនគេ ។ ម្យ៉ាងទៀត ខ្ញុំក៏សូមធ្វើការបដិសេធទាំងស្រុង នូវព័ត៌មានដែលគេនិយាយថា ខ្ញុំត្រៀមគម្រោងភ្ជាប់ពាក្យ និងរឿងមានទំនាក់ទំនង ស្នេហាជាមួយប្រុសក្រៅស្រុកនោះ...» ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/24/50-24-04-2015--09-55-59.jpg"><img src="/FileManager/Articles/mce/2015/4/24/50-24-04-2015--09-55-59.jpg" alt="" /></a></span></p>
<p><a class="thickbox" title="" href="/FileManager/Commons/2015/4/24/51-24-04-2015--09-56-08.jpg"><img src="/FileManager/Articles/mce/2015/4/24/51-24-04-2015--09-56-08.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/24/50-24-04-2015--09-55-59.jpg"></a></span></p>
<p><a class="thickbox" title="" href="/FileManager/Commons/2015/4/24/852-24-04-2015--09-56-16.jpg"><img src="/FileManager/Articles/mce/2015/4/24/852-24-04-2015--09-56-16.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>