<div class="entry-content clearfix single-post-content">
<p><span style="color: #000000;"><strong>(គូឡាឡាំពួរ)៖</strong> កូនប្រុសរបស់លោក គីម ជុងណាំ ដែលត្រូវបានឃាតករសម្លាប់កាលពីសប្ដាហ៍មុន នៅឯព្រលានយន្ដហោះ អន្តរជាតិ ទីក្រុងគូឡាឡាំពួរ ទំនងធ្វើដំណើរមកដល់រដ្ឋធានី នៃប្រទេសម៉ាឡេស៊ី នៅល្ងាចថ្ងៃចន្ទនេះ។ នេះបើតាមព័ត៌មានពីក្រុមហ៊ុនអាកាសចរណ៍ ចុះផ្សាយបន្តដោយសារព័ត៌មាន Channel News Asia នៅថ្ងៃចន្ទ ទី២០ ខែកុម្ភៈ ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/2/21/18-21-02-2017--10-29-51.jpg"><img src="/FileManager/Articles/mce/2017/2/21/18-21-02-2017--10-29-51.jpg" alt="" /></a><br /></span></p>
<p><span style="color: #000000;">ព័ត៌មានដដែលបានបញ្ជាក់ទៀតថា លោក គីម ហាន់សូល ទំនងបានធ្វើដំណើរមកដល់ទីក្រុងគូឡាឡាំពួរ តាមជើងហោះហើរ នៃក្រុមហ៊ុនអាកាសចរណ៍ AirAsia ពីទីក្រុងម៉ាកាវ ហើយការមកដល់នេះធ្វើឡើង បន្ទាប់ពីអាជ្ញាធរម៉ាឡេស៊ី ប្រកាសថានឹងប្រគល់សាកសពលោក គីម ជុងណាំ ត្រឡប់ទៅវិញ បើសិនជាក្រុមគ្រួសារ សាច់ញាតិរបស់លោកយល់ព្រមផ្ដល់គំរូ DNA។ កូរ៉េខាងជើងក៏បានស្នើសុំសាកសពលោក គីម ជុងណាំ ផងដែរ ក៏ប៉ុន្តែត្រូវបានបដិសេធ។</span></p>
<p><span style="color: #000000;">ការបដិសេធនេះត្រូវបានទីក្រុង ព្យុងយ៉ាង រិះគន់យ៉ាងខ្លាំងរហូតដល់អះអាងថា ការស៊ើបអង្កេតនៃប៉ូលិសម៉ាឡេស៊ី មិនអាចទុកចិត្តបាន ព្រមទំាងនិយាយថា សាកសពបុរសកូរ៉េខាងជើងម្នាក់នោះ មិនមែនជាលោក គីម ជុងណាំ ទៀតផង។</span></p>
<p><span style="color: #000000;">គួរបញ្ជាក់ថា អាជ្ញាធរម៉ាឡេស៊ី នឹងធ្វើការលាតត្រដាងឲ្យដឹងអំពីលទ្ធផលនៃការធ្វើកោសល្យវិច័យ ទៅលើសព លោក គីម ជុងណាំង នៅថ្ងៃពុធសប្តាហ៍នេះ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F692497920922002%2F&show_text=0&width=560" frameborder="0" width="480" height="410"></iframe></span></p>
<p style="text-align: right;"><span style="color: #000000;">ប្រភព ៖ CNA</span></p>
</div>