<p><span style="font-size: 12px; color: #000000;">ប្រទេសហ្វីលីពីនបានដកហូតអាជ្ញាបណ្ណ សម្រាប់គេហទំព័រព័ត៌មានភាសាអង់គ្លេស មួយឈ្មោះថា «Rappler» ធ្វើឲ្យមានការជជែកអំពី សេរីភាពសារព័ត៌មាននៅក្នុងប្រទេស។</span></p>
<p><span style="color: #000000;">ប្រព័ន្ធផ្សព្វផ្សាយរបស់ហ្វីលីពីន ត្រូវបានគេចាត់ទុកថា មានសេរីភាព និងភាពរស់រវើកបំផុតនៅអាស៊ី។</span></p>
<p><span style="color: #000000;">Rappler ធ្លាប់បានរិះគន់រដ្ឋាភិបាលរបស់លោក Rodrigo Duterte ដែលធ្វើឲ្យមានការខ្សឹបខ្សៀវថាការសម្រេចចិត្តដកហូតអាជ្ញាបណ្ណ គឺជាការបំបិទសិទ្ធសារព័ត៌មាន ទោះបីរដ្ឋាភិបាលជំទាស់ថា គេហទំព័រនេះបានរំលោភលើច្បាប់ក៏ដោយ។</span></p>
<p><span style="color: #000000;"><strong>តើ</strong><strong> Rappler ជាអ្វី? </strong></span></p>
<p><span style="color: #000000;">Rappler គឺជាគេហទំព័រព័ត៌មានមួយនៅក្នុងប្រទេសហ្វីលីពីន ដែលត្រូវបានបង្កើតឡើងដំបូងក្នុងឆ្នាំ ២០១២ ដោយអតីតអ្នកកាសែតរបស់ទូរទស្សន៍ CNN ម្នាក់ឈ្មោះ Maria Ressa ។</span></p>
<p><span style="color: #000000;">គេហទំព័រនេះបានល្បី ដោយសារតែព័ត៌មានបែបស៊ើបអង្កេត និងការផ្សាយអត្ថបទដែលមានការរិះគន់យ៉ាងខ្លាំងចំពោះលោកប្រធានាធិបតី Duterte ។</span></p>
<p><span style="color: #000000;"><strong>តើអ្វីបានជា</strong><strong>អាជ្ញាបណ្ណរបស់ </strong><strong>Rappler</strong><strong> ត្រូវបានដកហូត</strong><strong>?</strong><strong></strong></span></p>
<p><span style="color: #000000;">អាជ្ញាធរបាននិយាយថា គេហទំព័រនេះ ដែលមានវិនិយោគិនអាមេរិកពីរនាក់ បានរំលោភលើមាត្រាមួយនៅក្នុងរដ្ឋធម្មនុញ្ញ ដោយកំណត់ថា ម្ចាស់ប្រព័ន្ធផ្សព្វផ្សាយត្រូវតែជាពលរដ្ឋហ្វីលីពីន។</span></p>
<p><span style="color: #000000;">នៅសប្តាហ៍នេះ គណៈកម្មការមូលបត្រ (SEC) ដែលធ្វើនិយ័តកម្មផ្នែកហិរញ្ញវត្ថុនៅក្នុងប្រទេសហ្វីលីពីន បានសម្រេចថាប្រាក់វិនិយោគលើក្រុមហ៊ុន Rappler គឺគ្រប់គ្រងដោយជនបរទេស។</span></p>
<p><span style="color: #000000;">ប៉ុន្តែ Rappler អះអាង ថាវេបសាយនេះគឺពិតជា «ឯករាជ្យ»។</span></p>
<p><span style="color: #000000;">អ្នកស្រី Ressa បានប្រាប់ BBC ថា៖ «Rappler គឺ ជាកម្មសិទ្ធរបស់ជនជាតិហ្វីលីពីន 100% ។ ខ្ញុំហ៊ានអះអាងថា យើងកំពុងអនុវត្តតាមរដ្ឋធម្មនុញ្ញរបស់ហ្វីលីពីន» ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/18/1-18-01-2018--11-10-19.png"><img src="/FileManager/Articles/mce/2018/1/18/1-18-01-2018--11-10-19.png" alt="" /></a><br /></span></p>
<p><span style="color: #000000;">«យើងបានបង្កើត Rappler ក្នុងនាមជា សម្លេងឯករាជ្យ និងជាបណ្តាញ Omidyar ដែលឯករាជ្យ» ។</span></p>
<p><span style="color: #000000;"><strong>តើលោកប្រធានាធិបតី </strong><strong>Duterte </strong><strong>បាននិយាយអ្វីខ្លះអំពីគេហទំព័រនេះ</strong><strong>?</strong><strong></strong></span></p>
<p><span style="color: #000000;">«ព័ត៌មានមិនពិត» នេះគឺជាអ្វីដែលលោកប្រធានាធិបតី Duterte បានពិពណ៌នាអំពី Rappler។</span></p>
<p><span style="color: #000000;">ទោះបីជាយ៉ាងណាក៏ដោយ លោកបានបដិសេធថា ការដកហូតអាជ្ញាបណ្ឌមិនបានពាក់ព័ន្ធនិងនយោបាយឡើយ។</span></p>
<p><span style="color: #000000;">លោក Duterte បាននិយាយពី Rappler ជាលើកដំបូងក្នុងខែកក្កដា ឆ្នាំ ២០១៧ ថាជាគេហទំព័រគ្រប់គ្រងដោយពួកអាមេរិក។ លោកប្រធានាធិបតី ធ្លាប់បាននិយាយថា អ្នកកាសែតជាច្រើន ដែលត្រូវបានសម្លាប់ ពិតជាសិក្កសមនឹងស្លាប់មែន។</span></p>
<p><span style="color: #000000;"><a class="thickbox" title="" href="/FileManager/Commons/2018/1/18/2-18-01-2018--11-10-36.png"><img src="/FileManager/Articles/mce/2018/1/18/2-18-01-2018--11-10-36.png" alt="" /></a><br /></span></p>
<p><span style="color: #000000;">តាំងពីឆ្នាំ ១៩៨៦ អ្នកកាសែត ១៧៦នាក់ ត្រូវបានសម្លាប់ក្នុងប្រទេស ហ្វីលីពីន ដែលជាប្រទេសមួយពោរពេញដោយគ្រោះថ្នាក់សម្រាប់អ្នកកាសែត។</span></p>
<p><span style="color: #000000;"><strong>តើប្រជាជនមានប្រតិកម្មយ៉ាងណាចំពោះការសម្រេចចិត្តនេះ</strong><strong>?</strong></span></p>
<p><span style="color: #000000;">ប្រជាជនហ្វីលីពីន បានធ្វើយុទ្ធនាការក្នុងប្រព័ន្ធផ្សព្វផ្សាយ ដើម្បីបង្ហាញពីការគាំទ្រដល់ Rappler ដោយការប្រើ #DefendPressFreedom និង #IStandWithRappler ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/1/18/mkn-18-01-2018--10-57-03.png" alt="" /></a><br /></span></p>
<p style="text-align: right;"><span style="color: #000000;">ប្រភព៖ ប៊ីប៊ីសុី</span></p>