<p><span style="color: #000000;"><strong>(ក្រុងម៉ាកសី)៖</strong> ក្រុមម្ចាស់ផ្ទះមាន់គកបារាំង បានបន្ថែម៣ពិន្ទុទៀតឈរនៅកំពូលតារាងនៃពូល A ជាមួយនឹងការយកឈ្នះជម្រើសជាតិអាល់បានី ២-០ តែស្វីស និងរ៉ូម៉ានី បានម្នាក់១ពិន្ទុ ក្រោយស្មើ លទ្ធផល ១-១ ក្នុង Euro 2016 យប់មិញនេះ។</span></p>
<p><span style="color: #000000;">តាមរយៈសារព័ត៌មាន Sky Sports បានឲ្យដឹងថា ៣ពិន្ទុបន្ថែមនេះដែរ បានធ្វើឲ្យបារាំង សំលឹងឃើញកៅអីវគ្គ១៦ក្រុមកាន់តែច្បាស់ ដែលជាការធ្វើបានសម្រេចដោយកីឡាករ Antoine Griezmann នៅនាទីទី៩០ និងមិត្តរួមក្រុម Dimitri Payet នៅនាទីទី៩០+២ ក្នុងពហុកីឡដ្ឋាន Valdrome ស្ថិតក្នុងទីក្រុង Marseille ដែលមានអ្នកទស្សនាផ្ទាល់ចំនួន ៦៣៦៧០នាក់។</span></p>
<p><span style="color: #000000;">សូមបញ្ជាក់ផងដែរថា បារាំង ត្រូវជួបក្រុមជម្រើសជាតិស្វីស នៅរាត្រីម៉ោង ២រំលងអាធ្រាត្រថ្ងៃទី១៩ មិថុនា ក្នុងប្រកួតទី៣បញ្ចប់វគ្គសន្សំពិន្ទុក្នុងពូល A ក្រោយឆ្លងកាត់២ប្រកួតមិនដែលបរាជ័យ គឺឈ្នះក្រុមរ៉ូម៉ានី ២-១ និងឈ្នះអាល់បានី ២-០ យប់មិញទៀត ឈរកំពូលតារាង គ្រាដែលស្វីសតាមពីក្រោយ មាន៤ពិន្ទុ បន្ទាប់ទទួលបាន១ពិន្ទុ ពេលស្មើ ១-១ ជាមួយរ៉ូម៉ានីទៀត។</span></p>
<p><span style="color: #000000;">ក្នុងការប្រកួតសន្សំពិន្ទុនេះដែរ ក្រុមលេខ១ និងលេខ២ ដែលមានពិន្ទុខ្ពស់ជាងគេនៃពូលនីមួយៗឡើងទៅវគ្គ១៦ក្រុម គ្រាដែលក្រុមឈរនៅលេខ៣ ចំនួន៤ក្រុមមានពិន្ទុខ្ពស់ជាងគេ ក៏ត្រូវឡើងទៅដែរ ដោយទម្លាក់តែ៨ក្រុមចេញតែប៉ុណ្ណោះ ក្នុងចំណោម២៤ក្រុមដែលបានឡើងមកវគ្គចែកពូលក្នុងព្រឹត្តិការណ៍បាល់ទាត់ពានរង្វាន់ប្រចាំទ្វីបអឺរ៉ុប UEFA Euro 2016 លើកទី១៥ នៅប្រទេសបារាំងនេះ៕</span></p>
<p><span style="color: #000000;"><img src="http://cdn.images.express.co.uk/img/dynamic/162/590x/France-Albania-Euro-2016-680317.jpg" alt="" width="730" /></span></p>
<p><span style="color: #000000;"><img src="https://i.guim.co.uk/img/media/df8f84b5d9312cd842c4ee2ae6447ba50bdc69f8/0_0_3325_2219/master/3325.jpg?w=620&q=55&auto=format&usm=12&fit=max&s=f6ef2f4d02dd67481eb45979f914fe23" alt="" width="730" /></span></p>
<p><span style="color: #000000;"><img src="http://www.laacib.net/wp-content/uploads/2016/06/France-v-Albania-Euro-2016-Group-A-620x413.jpg" alt="" width="730" /></span></p>
<p><span style="color: #000000;"><img src="http://ww4.hdnux.com/photos/47/43/77/10371035/3/920x920.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/06/15/22/3553139400000578-3643550-image-a-60_1466024556316.jpg" alt="" width="730" /></span></p>
<p><span style="color: #000000;"><iframe src="https://www.youtube.com/embed/Tpi5GbexDCw" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>