<p><span style="color: #000000;"><strong>(ភ្នំពេញ)៖</strong> បន្ទាប់ពីទទួលបានដំណឹង នៃការធ្លាក់ខ្លួនឈឺធ្ងន់ ចូលសម្រាកព្យាបាល នៅមន្ទីពេទ្យពីសំណាក់ព្រឹទ្ធាចារ្យល្ខោនបាសាក់ លោកតា អ៊ុំ សាមិត្ត ដែលមានវ័យ៨១ឆ្នាំ កាលពីពេលថ្មីៗមកនោះ នាព្រឹកថ្ងៃទី០៨ ខែវិច្ឆិកា ឆ្នាំ២០១៦នេះ ប្រធានសមាគមសិល្បករខ្មែរ លោក សុះ ម៉ាច បានដឹកនាំសិល្បករ-សិល្បការិនី ជាច្រើនរូប ចុះទៅសួរសុខទុក្ខ អាការៈជំងឺលោកតា អ៊ុំ សាមិត្ត ដោយផ្ទាល់ នៅមន្ទីពេទ្យកាល់ម៉ែត្រ។</span></p>
<p><span style="color: #000000;">លោក សុះ ម៉ាច បានថ្លែងប្រាប់ Khmertalking ឲ្យដឹងនារសៀល ថ្ងៃទី០៨ ខែវិច្ឆិកា នេះថា « កាលពីព្រឹកនេះ ខ្ញុំបាទក្នុងនាមជា ប្រធានសមាគមសិល្បករខ្មែរ ដែលនឹងត្រូវផុតអាណត្តិ នៅដំណាច់ឆ្នាំ២០១៦ ខាងមុខនេះ និង តំណាងឲ្យសមាជិករបស់សមាគម បានដឹកនាំក្រុមប្រឹក្សាទៅសួរសុខទុក្ខ លោកតា អ៊ុំ សាមិត្ត អាយុ៨១ឆ្នាំ ព្រឹទ្ធាចារ្យល្ខោនបាសាក់ ដែលកំពុងសម្រាកព្យាបាលជំងឺសួត និងបេះដូងនៅអគារ (ក៤) ក្នុងមន្ទីរពេទ្យកាល់ម៉ែត ក្នុងជីវភាពខ្វះខាតខ្លាំង បំផុត!»។</span></p>
<p><span style="color: #000000;">ប្រធានសមាគមសិល្បករខ្មែររូបនេះបានបន្តថា ក្នុងដំណើរទៅសួរសុខទុក្ខ ព្រឹទ្ធាចារ្យល្ខោនបាសាក់លោកតា អ៊ុំ សាមិត្ត នេះដែរ យើងក៏បានឧបត្ថម្ភថវិកា ចំនួន១៥០ដុល្លារ សម្រាប់ជួយចេញ ថ្លែព្យាបាលខ្លះៗ ដល់ក្រុមគ្រួសារគាត់ ដែលថវិកាទាំងនោះ បានមកពីសប្បុរសជនដូចជា លោកស្រី ថុង ស៊ីវទៀង ម្ចាស់ផលិតកម្ម «ចក្រវាឡពេជ្រភាពយន្ត» ៥០ដុល្លារ និងលោក យ៉ង ពៅ ជាតន្ត្រីករ បានជួយឧបត្ថម្ភចំនួន១០ម៉ឺនរៀល ផងដែរ។</span></p>
<p><span style="color: #000000;">បើតាមការឲ្យដឹង ពីសំណាក់លោក សុះ ម៉ាច ប្រធានសមាគមសិល្បករខ្មែរ បានបន្ថែមថា «គ្រានោះដែរ លោកតា អ៊ុំ សាមិត្ត និងក្រុមគ្រួសារក៏ដូចជារូបខ្ញុំបាទ សូមថ្លែងអំណរគុណដល់សប្បុរសជនទាំងអស់ ជាពិសេសបំផុតនោះ គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចជាកាល សម្តេចតែងតែផ្តល់នូវសេចក្តីមេត្តា ករុណា អាណិត អាសូរប្រោសប្រណី ដល់ប្រជាពលរដ្ឋខ្មែរ ក៏ដូចអ្នកសិល្បៈ ដែលជួបការលំបាកកន្លងមក ក៏ដូចជាពេលនេះ គួរឲ្យគោរព និងដឹងគុណបំផុត។</span></p>
<p><span style="color: #000000;">លោកតា ព្រមទាំងក្រុមគ្រួសារ ក៏សូមជូនពរដល់សមត្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ និងរួមទាំងសប្បុរសជនទាំងអស់ ទទួលបាននូវពុទ្ធិពរបួនប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។ ម្យ៉ាងទៀតបើសប្បុជន មានបំណងឧបត្ថម្ភដល់លោកតា សូមទំនាក់ទំនងមកក្រុមគ្រួសារ តាមរយៈទូរស័ព្ទលេខ ០១២ ៣៦៧ ១០២៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfp1/v/t1.0-9/14993435_1825277297749340_2517177905897685871_n.jpg?oh=d4692a82722246f1cf20e1aab5c57679&oe=58961B83&__gda__=1489353427_9578cefd7ed3d4687e382c226381d789" alt="" width="730" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xfa1/v/t1.0-9/14915335_1825277304416006_4840436094808590951_n.jpg?oh=ff3da5a8857f97d088b50a64f5ce5536&oe=58948A8E&__gda__=1490205458_ced21bec5339961edc1f4e5a14d79a2f" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14915617_1825277314416005_725690812867841195_n.jpg?oh=93703f95be45bb44d8d0cf8e969239fa&oe=58C43BDA" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>