<p><span style="color: #000000;"><strong>(ប៉ាគីស្ថាន)៖</strong> យោងតាមសារព័ត៌មានស៊ិនហួ ចេញផ្សាយនៅយប់ថ្ងៃទី៨ ខែមិថុនា ឆ្នាំ២០១៦ បានឲ្យដឹងថា យុវតីជនជាតិប៉ាគីស្ថានម្នាក់ ត្រូវបានដុតសម្លាប់ទាំងរស់ ដោយម្តាយរបស់នាង នៅថ្ងៃពុធម្សិលមិញ បន្ទាប់ពីរៀបការជាមួយបុរសម្នាក់ ដែលជ្រើសរើសដោយចិត្តខ្លួននាង ដោយនេះគឺជាហេតុការណ៍ សម្លាប់មនុស្សយ៉ាងឃោរឃៅ ចុងក្រោយបំផុតនៅក្នុងប្រទេស។</span></p>
<p><span style="color: #000000;">យុវតីរងគ្រោះ ឈ្មោះ Zeenat Bibi អាយុ១៦ឆ្នាំ ត្រូវបានដុតដោយម្តាយរបស់នាងឈ្មោះ Perveen Bibi នៅភាគខាងកើតទីក្រុង Lahore ក្រោយជាង១សប្តាហ៍ បន្ទាប់ពីរៀបការរួច។</span></p>
<p><span style="color: #000000;"><strong>«Perveen Bibi បានសម្លាប់កូនស្រីនាង ឈ្មោះ Zeenat Bibi ដោយដុតទាំងរស់ វេលាម៉ោងប្រមាណ៩ព្រឹកថ្ងៃពុធ បន្ទាប់ពីរៀបការជាមួយបុរសម្នាក់ឈ្មោះ Hasan នៅថ្ងៃទី២៩ ខែឧសភា»</strong> នេះបើតាមសម្តីលោក Haidar Ashraf មន្ត្រីប៉ូលិសជាន់ខ្ពស់ប៉ាគីស្ថាន បានឲ្យដឹងយ៉ាងដូច្នេះ។</span></p>
<p><span style="color: #000000;">វាគឺជាហេតុការណ៍ សម្លាប់មនុស្ស លើកទី៣ នារយៈពេលប៉ុន្មានខែនេះ។ គួរជម្រាបថា មានស្ត្រីរាប់រយនាក់ត្រូវបានសម្លាប់ ដោយសាច់ញាតិរបស់ពួកគេ នៅក្នុងប្រទេសប៉ាគីស្ថាន ជារៀងរាល់ឆ្នាំ លើហេតុផលដែលពួកគេថា ជាការការពារកិត្តិយសគ្រួសារ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/9/2-09-06-2016--10-57-33.png"><img src="/FileManager/Articles/mce/2016/6/9/2-09-06-2016--10-57-33.png" alt="" /></a><br /></span></p>
<p><span style="color: #000000;"><img src="http://img.deseretnews.com/images/article/mcontentimage/721687/721687.jpg" alt="" width="730" /></span></p>
<p><span style="color: #000000;">រូបភាពតំណាង</span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>