<p><span style="color: #000000;"><strong>(ភ្នំពេញ)៖</strong> មានមហាជនជាច្រើន កំពុងតែសម្តែងក្តីអាណិតអាសូរខ្លាំង ដល់អតីតតារាសម្តែងបែបកំប្លុកកំប្លែង មាត់ដាច អ្នកនាង សំ ប៉ូលីដា ខណៈជីវិភាពរស់នៅរបស់នាង នាពេលបច្ចុប្បន្នកាន់តែធ្លាក់ដុនដាប់ ស្ទើរដល់ចំណុចសូន្យ រកតែជំរកគ្មាន។ មិនត្រឹមតែប៉ុណ្ណោះ កាលពីពេលថ្មីៗនេះ នាងបានជួបបញ្ហាគ្រោះថ្នាក់ចរាចរណ៍ ត្រូវគេបុកបាក់ជើង និងរងរបួសធ្ងន់ធ្ងរទៀតផង។</span></p>
<p><span style="color: #000000;">ថ្មីៗនេះ នៅលើបណ្តាញសង្គមហ្វេសប៊ុក របស់តារាសិល្បៈខ្មែរមួយចំនួន បានបង្ហោះ និងបន្ត Share ចែករំលែកភ្ជាប់ជាមួយរូបភាព ស្ថិតក្នុងស្ថានភាពក្រលំបាក និងខ្លួនមានជំងឺរបស់អតីតតារាសម្តែង អ្នកនាង សំ ប៉ូលីដា ព្រមជាមួយនឹងការសេរសេរថា «ម្សិលមិញ ខ្ញុំបានបង្ហោះវីដេអូមួយ ដើម្បីស្វែងរកជំនួយសម្រាប់បងស្រី សំ ប៉ូលីដា ដោយមិនទាន់បានរូបភាព របស់បងស្រីយកមកបង្ហាញ..។ ឥឡូវបានរូបភាពហើយ គាត់កំពុងផ្ញើជីវិតនៅក្នុងភោជនីយដ្ឋានមួយ ដែលប្តីជាសន្តិសុខរបស់គាត់ ធ្វើការនៅទីនោះ!»។</span></p>
<p><span style="color: #000000;">ប្រភពដដែលនេះ បានបន្តថា កន្លែងដែលគាត់ (សំ ប៉ូលីដា) កំពុងសម្រាករាល់ថ្ងៃ គឺនៅខាងក្រោយតុគិតលុយ...។ តារាស្រីម្នាក់ដែលធ្លាប់តែបង្ហាញខ្លួន គ្រប់កម្មវិធីរបស់អ្នកសិល្បៈមិនថាតូច ឬធំតាំពីខ្លួនល្បី រហូតមកដោយមិនធ្លាប់ប្រកាន់ឫក ក៏ចំកោងខ្លួន សព្វថ្ងៃកំពុងជួបប្រទះបញ្ហា ហិរញ្ញវត្ថុធ្ងន់ធ្ងរ គ្មានលទ្ធភាពចិញ្ចឹមកូនដល់ទៅ៤នាក់ ខណៈបងស្រីកំពុងធ្លាក់ខ្លួន មានជំងឺពុំមានលទ្ធភាពព្យាបាល បាក់ជើង គ្មានផ្ទះសំបែង កំពុងរសាត់តាមកម្មម្នាក់នេះ កំពុងត្រូវការជំនួយយ៉ាងខ្លាំង..»។</span></p>
<p><span style="color: #000000;">ប្រភពដដែលនេះបានបន្ថែមថា តើសប្បុរសដាច់ចិត្តឱបដៃមើល ភាពលំបាករបស់បងស្រីឬយ៉ាងណា? សប្បុរសជនដែលមានបំណង ឧបត្ថមដល់បងស្រី សំ ប៉ូលីដា សូមមេត្តាទំនាក់ទំនងមកលេខ ០៩៣ ៨២២ ២៦២ ឬ ០៩៦ ៥០០ ៣៤៥៦ បងប្រុស សាន ផានិត តារាចម្រៀង សូមអរគុណ។</span></p>
<p><span style="color: #000000;">សូមបញ្ជាក់ថា តារាកំប្លែង អ្នកនាង សំ ប៉ូលីដា តែងតែបង្ហាញវត្តមាននៅលើឆាកតន្រ្តី និងការសម្ដែងខ្សែភាពយន្ត ជាដើម ដើម្បីឲ្យបងប្អូនផ្ទុះសំណើច សើចក្អាកក្អាយ បាត់អស់ទុក្ខកង្វល់ ប៉ុន្តែរយៈកាលប៉ុន្មានឆ្នាំចុងក្រោយនេះ ទស្សនិកជនពុំសូវដែលបានឃើញតារាកំប្លែងមាត់ផុតរូបនេះ សម្ដែងទៀតឡើយ ទើបតែមានបញ្ហាគ្រោះថ្នាក់ចរាចរណ៍ ទើបដឹងថា នាងកំពុងតែរស់នៅក្នុងស្ថានភាពក្រលំបាកខ្លាំង រហូតដល់ថ្នាក់ផ្ទះខ្លួនឯង ក៏គ្មានស្នាក់នៅនោះដែរ។ ដូច្នេះមានតែអំពាវនាវដល់មិត្តសិល្បៈដូចគ្នា ក៏ដូចជាសប្បុរសជនទាំងក្នុង និងក្រៅប្រទេស មេត្តាជួយដល់នាង ក្នុងនាមជាខ្មែរដូចគ្នា ក្នុងគ្រាមានទុក្ខលំបាក ខណៈដែលមហាជនស្ទើរតែមិនជឿសោះថា ជីវិតរបស់តារាកំប្លែងមានឈ្មោះល្បីរាប់ឆ្នាំ លំដាប់ប្រទេសម្នាក់នេះ ធ្លាក់ខ្លួនដល់ថ្នាក់នេះទាល់តែសោះ៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpf1/v/t1.0-9/13895128_1521389731220665_235492521877513374_n.jpg?oh=09729cd9013a806f617a2e4abdc9df45&oe=585D5724&__gda__=1482023502_3f360c38be2cf4d0888d424e3a7a29c1" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfp1/v/t1.0-9/13912708_1521386624554309_5052064281886666436_n.jpg?oh=0f43df4b4fa7b1c06d0bcf2e63709d41&oe=58515B4C&__gda__=1481843740_79d9b9708ee98a05e0554fd3b4fe5ae6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13912328_1521386621220976_4453903464803201061_n.jpg?oh=fa8b7b99758187c93d2a587364d9caaf&oe=581A77F4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13932849_1521386617887643_8999995200286697357_n.jpg?oh=1da1bf95c6b0c2d2c7cfbbe4456dbde4&oe=58120B74" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtl1/v/t1.0-9/13932804_1521386661220972_4445819465915202354_n.jpg?oh=5c64ae4523fc2f382839cc57119580f9&oe=5850A8D6&__gda__=1481944549_3385f18baa2e726c585ddbeca8173dbc" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>