<p><span style="color: #000000;"><strong>ភ្នំពេញ៖</strong> កញ្ញា ហ៊ិន ច័ន្ទនីរ័ត្ន បច្ចុប្បន្នស្ថិតក្នុងចំណោម ពិធីការិនីល្បីៗ របស់ទូរទស្សន៍បាយ័ន ដែលមានដូច ជា សុខ សោម៉ាវត្តី, ស៊ឹម សូនីកា, ចន ច័ន្ទលក្ខិណា និង ហេង កែវនីតា ជាដើម។ ថ្មីៗនេះ មានប្រភពពីអ្នកសិល្បៈស្និទ្ធស្នាល លួចបង្ហើបប្រាប់ថា ពិធីការិនីតូចច្រឡឹង ហ៊ិន ច័ន្ទនីរ័ត្ន បានលួចភ្ជាប់ចំណងស្នេហា ជាមួយបុរសរូបសង្ហា វ័យប្រហែលគ្នាម្នាក់ អស់រយៈពេល ជិតពីរឆ្នាំមកហើយ។</span></p>
<p><span style="color: #000000;">ជាមួយរូបសម្ផស្ស ដ៏ស្រស់ផូរផង់គួរឲ្យគ្រឺតក្នាញ់ កញ្ញា ហ៊ិន ច័ន្ធនីរ័ត្ន កន្លងមកធ្លាប់លេចឮដំណឹងថា នាងជាបុប្ផាមួយទង មានកន្លង់គ្រប់ជាន់ថ្នាក់ តាមដាក់ពាក្យសុំធ្វើជាម្ចាស់បេះដូង មានទាំងមន្ត្រីធំ លោកឧកញ៉ា និងអ្នកជំនួញសម្បូរទ្រព្យទៀត តែត្រូវនាងបដិសេធ មិនព្រមទទួលយកនោះឡើយ។ ប៉ុន្តែថ្មីៗនេះ ទើបឮដំណឹងថា ហ៊ិន ច័ន្ធនីរ័ត្ន សម្ងំលួចលាក់ បង្កាត់ភ្លើងស្នេហ៍ ផ្អែមល្ហែមជាមួយបុរសវ័យប្រហែល គ្នាម្នាក់ដែល គេដឹងច្បាស់ថា ជាកូនមន្រ្តីធំ។</span></p>
<p><span style="color: #000000;">តាមប្រភពខាងលើ បាននិយាយថា ជាប្រចាំអ្នកទាំងពីរ តែងបានឆ្លើយឆ្លងភាសាស្នេហា តាមរយៈទូរស័ព្ទ និងបណ្តាញសង្គមហ្វេសប៊ុក ហើយថែមទាំងប្រើពាក្យអូន-បងស្តាប់ឮយ៉ាងពីរោះ តែនៅពេលអ្នកសិល្បៈដូចគ្នា សួរនាំនាង ហ៊ិន ច័ន្ធនីរ័ត្ន បែបជានិយាយ ជាបងប្អូនទៅវិញ។ ត្រង់ចំណុចនេះ អាចបញ្ជាក់ថា ហ៊ិន ច័ន្ធនីរ័ត្ន មានចេតនា ព្យាយាមលាក់បាំងការពិត ដើម្បីកុំឲ្យធ្លាក់ប្រជាប្រិយភាព និងការគាំទ្រ។</span></p>
<p><span style="color: #000000;">រហូតមកទល់ពេលនេះ ពុំទាន់មានការបំភ្លឺណាមួយ ឲ្យច្បាស់ពី កញ្ញា ហ៊ិន ច័ន្ធនីរ័ត្ន បាននៅឡើយទេ ខណៈគេហទំព័រ LookingTODAY នៅព្រឹកថ្ងៃទី១៨ ខែកញ្ញា ឆ្នាំ២០១៥នេះ មិនអាចភ្ជាប់ទំនាក់ទំនង តាមទូរស័ព្ទ ដើម្បីសួរនាំបន្ថែមនោះ។</span></p>
<p><span style="color: #000000;">ជាការកត់សម្គាល់ ចាប់តាំងពីតារាសម្តែង និងពិធីការិនីនាង ហ៊ិន ច័ន្ធនីរ័ត្ន បានល្បីឈ្មោះ នៅលើវិស័យសិល្បៈមកនោះជារឿយៗតែងលេចធ្លាយដំណឹង ស្នេហាបន្តបន្ទាប់ដោយក្នុងនោះ មានទាំងបុរសរស់ក្រៅស្រុក និងអ្នកមានអំណាចបុណ្យស័ក្តិខ្ពស់ខ្ពស់ រស់នៅក្នុងស្រុក។ ប៉ុន្តែទោះបីមានការទម្លាយ មកយ៉ាងដូច្នេះក៏ដោយ ក៏ពិធីការិនីទូរទស្សន៍បាយ័នរូបនេះ បានអះអាងថា ខ្លួនមិនជំពប់នឹងរឿងបែបនេះទេ។ ស្របពេលដែលបច្ចុប្បន្ន គេដឹងថា នាងមានសម្ព័ន្ធភាព ស្នេហ៍ជាមួយបុរសខាងលើ រយៈពេលជិត២ឆ្នាំមកហើយនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/18/50-18-09-2015--11-40-51.jpg"><img src="/FileManager/Articles/mce/2015/9/18/50-18-09-2015--11-40-51.jpg" alt="" /></a></span></p>
<p><a class="thickbox" title="" href="/FileManager/Commons/2015/9/18/51-18-09-2015--11-41-39.jpg"><img src="/FileManager/Articles/mce/2015/9/18/51-18-09-2015--11-41-39.jpg" alt="" /></a></p>
<p><a class="thickbox" title="" href="/FileManager/Commons/2015/9/18/52-18-09-2015--11-41-47.jpg"><img src="/FileManager/Articles/mce/2015/9/18/52-18-09-2015--11-41-47.jpg" alt="" /></a></p>
<p><a class="thickbox" title="" href="/FileManager/Commons/2015/9/18/53-18-09-2015--11-41-55.jpg"><img src="/FileManager/Articles/mce/2015/9/18/53-18-09-2015--11-41-55.jpg" alt="" /></a><a class="thickbox" title="" href="/FileManager/Commons/2015/9/18/52-18-09-2015--11-41-47.jpg"></a><a class="thickbox" title="" href="/FileManager/Commons/2015/9/18/51-18-09-2015--11-41-39.jpg"></a><span style="color: #000000;"><a class="thickbox" title="" href="/FileManager/Commons/2015/9/18/50-18-09-2015--11-40-51.jpg"></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/18/50-18-09-2015--11-40-51.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>