<p><span style="color: #000000;"><strong>(ឥណ្ឌា):៖</strong> បុរសវ័យក្មេងអាយុ១៨ឆ្នាំម្នាក់ ឈ្មោះ Narendra Kumar រស់នៅទីក្រុង Uttar Pradesh ប្រទេសឥណ្ឌា មានការភ្ញាក់ផ្អើលជាខ្លាំង នៅពេលដែលគ្រូពេទ្យពិនិត្យឃើញថា ខ្លួនមានកូនភ្លោះ នៅក្នុងផ្ទៃអស់រយៈពេល១៨ឆ្នាំមកហើយ បន្ទាប់ពីរងការឈឺចាប់ ក្នុងពោះជាច្រើនខែមកនេះ។</span></p>
<p><span style="color: #000000;">Kumar ត្រូវបានក្រុមគ្រួសារបញ្ជូន ទៅកាន់មន្ទីរពេទ្យ បន្ទាប់ពីគាត់មានអាការៈក្អួតចង្អោរធ្ងន់ធ្ងរ ហើយកំឡុងពេលពិនិត្យនោះ គ្រូពេទ្យរកឃើញមានសរីរាង្គមនុស្ស ចាប់កំណើតដែលមានគ្រប់អវយវៈទម្ងន់៥ផោន។ គ្រូពេទ្យនៅមន្ទីរពេទ្យ Swaroop Narayan ឲ្យដឹងថានេះជាអាការៈដ៏កម្រ ដែលធ្វើឲ្យបុរសជាអ្នកជំងឺ មានការវិវត្តន៍ដូចជាស្ត្រីមានគភ៌ ព្រោះក្នុងពោះរបស់គេ មានទារកភ្លោះ ដែលមិនកកើតឡើយ ហើយគ្រូពេទ្យបានធ្វើការវះកាត់យកវាចេញ ដោយចំណាយពេលដល់ទៅ៣ម៉ោង ទើបបានជោគជ័យ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/15/09e-15-01-2016--10-26-38.jpg"><img src="/FileManager/Articles/mce/2016/1/15/09e-15-01-2016--10-26-38.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>