<p><span style="color: #000000;"><strong>(វ៉ាស៊ីនតោន)៖</strong> បើទោះជានៅលើមេឃយើងនេះ មានព្រះអាទិត្យតែមួយក៏ដោយ ក៏យើងអាចស្រមៃថា តើការមានព្រះអាទិត្យចំនួនពីរ រះនៅលើផ្ទៃមេឃនោះ អាចមើលទៅមានលក្ខណៈ បែបណាដែរ។ ហេតុដូច្នេះទើបអង្គការ NASA ពេលនេះបានបង្ហាញនូវ ភពថ្មីឈ្មោះថា Kepler-1647b ដែលទំហំធំអស្ចារ្យជាងភពមុនៗ ដែលធ្លាប់ត្រូវបានរកឃើញ ហើយវាកំពុងធ្វើគោចរ ជុំវិញព្រះអាទិត្យចំនួនពីរ របស់វាថែមទៀត។ នេះបើតាមការផ្សាយដោយ CNN នៅថ្ងៃទី១៥ ខែមិថុនា ឆ្នាំ២០១៦។</span></p>
<p><span style="color: #000000;">សម្រាប់ភពយក្ស Kepler-1647b ត្រូវបានក្រុមអ្នកវិទ្យាសាស្ត្រលើកឡើងថា អាចមានអាយុកាលប្រហាក់ប្រហែល នឹងផែនដីយើងដែរ គឺ ៤,៤ពាន់លានឆ្នាំ ហើយវាមានចម្ងាយ ៣,៧០០ ឆ្នាំពន្លឺ (មួយឆ្នាំពន្លឺស្មើនឹង ៩,៤៦១ ពាន់ពាន់លានគីឡូម៉ែត្រ) ពីប្រព័ន្ធព្រះអាទិត្យរបស់យើង។ វាទំនងជាអាចមានមុខកាត់ ទំហំ និង បរិយកាសស្រដៀងនឹងភពព្រហស្បតិ៍ របស់យើងដែរ ដែលអាចប្រហាក់ប្រហែល នឹងភពសៅរ៍។</span></p>
<p><span style="color: #000000;">បើតាមការតាមដាន ពីកែវយឺតអវកាស Kepler ភពដែលទើបរកឃើញថ្មីនេះ ត្រូវចំណាយពេល ១,១០៧ថ្ងៃរបស់ផែនដី ទើបអាចវិលជុំវិញព្រះអាទិត្យភ្លោះ របស់វាមួយជុំ ឬស្មើនឹងមួយឆ្នាំ។ អ្វីដែលគួរឲ្យភ្ញាក់ផ្អើលបន្ថែមទៀតនោះ ភព Kepler-1647b ស្ថិតនៅក្នុងគន្លងគោចរ ដ៏ល្អពីព្រះអាទិត្យ ដែលជាហេតុនាំឲ្យអ្នកវិទ្យាសាស្ត្រ អាចធ្វើការសន្និដ្ឋាន បានថា ភពនេះមានទឹកនៅលើផ្ទៃរបស់វា។ ដោយសារវាមានទំហំធំ ហេតុដូច្នេះព្រះច័ន្ទរបស់វា ក៏ទំនងជាមានទំហំធំ ដូចព្រះច័ន្ទនានារបស់ភពព្រហស្បតិ៍ដែរ ហើយប្រការនេះ នឹងនាំឲ្យយើងនឹកឃើញដល់ Pandora ក្នុងរឿង Avatar៕</span></p>
<p><br /><span style="color: #000000;"><a class="thickbox" title="" href="/FileManager/Commons/2016/6/15/1-15-06-2016--14-49-50.png"><span style="color: #000000;"><img src="/FileManager/Articles/mce/2016/6/15/1-15-06-2016--14-49-50.png" alt="" /></span></a></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>