<div>
<p><span style="color: #000000;"><strong>(ភ្នំពេញ)៖</strong> តារាចម្រៀងល្បី ទើបតែសម្រេចចិត្តភ្ជាប់ពាក្យ ជាមួយនឹងមន្រ្តីនៅក្នុងក្រសួងមួយ កញ្ញា សុន ស្រីពេជ្រ ត្រូវបានគេមើលឃើញថា ចាប់តាំងពីនាងចូលប្រឡូក ក្នុងការងារសិល្បៈមក នាងពុំដែលជួបប្រទះនូរឿងរ៉ាវអាស្រូវស្នេហាម្ដងណាឡើយ ក្រៅតែពីគេលើកដាក់ ចំអែចំអន់ជាមួយនឹងតារាចម្រៀង រួមទ្រនំ គឺលោក រិន សាវ៉េត ។ ប៉ុន្តែព័ត៌មាននេះ បានសសាបរលាបទៅវិញ ដូចរលកស្ងប់ខ្យល់ បន្ទាប់ពីអ្នកទាំងពីរបានចេញមុខ បកស្រាយរៀងខ្លួន ហើយក៏គ្មានចំណងណាមួយ ពាក់ព័ន្ធនឹងស្នេហានោះដែរ ។</span></p>
<p><span style="color: #000000;">សុន ស្រីពេជ្រ បានក្លាយជាតារាចម្រៀងស្រីមួយរូប រកឃើញសុភមង្គលផ្ទាល់ខ្លួន ខណៈដែលម្ចាស់ចិត្តរបស់នាង ជាបុរសមានទ្រព្យស្ដុកស្ដម្ភ វីឡាស្កឹមស្កៃ ត្រៀមខ្លួនទទួលនាង ឲ្យទៅរស់នៅ ក្រោយរៀបអាពាហ៍ពិពាហ៍រួច ប៉ុន្តែនាងចង់រស់នៅជាមួយក្រុមគ្រួសារ ច្រើនជាង ព្រោះមានភាពកក់ក្ដៅ។ តារាចម្រៀងថ្ពាល់ខួចទាំងសង សំឡេងស្រួយ កញ្ញា សុន ស្រីពេជ្រ ជាមនុស្សងាយចុះចំណោម មិនដែលបង្កបញ្ហាដាក់អ្នកណាឡើយ សំខាន់តាំងពីនាង ចេះប្រឡូកសិល្បៈមក តារាស្រីរូបនេះ គ្មានរឿងអាស្រូវ ឬជម្លោះជាមួយអ្នកសិល្បៈណាម្នាក់ ទាល់តែសោះ ព្រោះនាងមិនសូវចូលចិត្តនិយាយច្រើន ឬលេងសើចច្រើនខុសរឿង ។ </span><br /> <br /><span style="color: #000000;"> អ្វីដែលសំខាន់ ថ្មីៗនេះ សុន ស្រីពេជ្រ បែរបាននិយាយថា «បណ្ដាញសង្គម Facebook ពេលខ្លះធ្វើឲ្យខ្ញុំដឹងថា អ្នកណាខ្លះជាមិត្ត អ្នកណាខ្លះជាសត្រូវរបស់ខ្ញុំ អ្នកខ្លះល្អតែនឹងមុខ ក្រោយខ្នងលួចចាក់សម្លាប់ខ្ញុំជាច្រើនដង ពេលខ្លះការទ្រាំ មិនអាចដោះស្រាយបានទេ ។ សិល្បៈមិនរីកចំរើន ព្រោះមនុស្សជំពូកនេះ គិតតែជាន់ពន្លិច...!»។</span><br /> <br /><span style="color: #000000;">តារាចម្រៀងស្រី សុន ស្រីពេជ្រ មិនបាននិយាយចំៗថា នរណាជាអ្នកចាំវាយប្រហារនាង ពីក្រោយខ្នងនោះទេ ព្រោះនាងជាមនុស្សគ្មានសត្រូវ តែមនុស្សម្នាក់ៗ តែងមានមនុស្សស្អប់ មនុស្សស្រលាញ់ដូចគ្នា។ ដូចនេះគេមិនដឹងថា អ្នកណាជាអ្នកចាំខាំតារាចម្រៀងស្រី ដ៏ស្រគត់ស្រគំនេះទេ ។ ទោះជាយ៉ាងណា សុន ស្រីពេជ្រ នៅតែប្រឹងប្រែងរកប្រាក់ ទោះគូដណ្ដឹង ជាអ្នកមានទ្រព្យស្ដុកស្ដម្ភក៏ដោយ នាងនៅតែប្រឹងប្រែងចេញច្រៀងកាត់សក់ បុកលក្ខណ៍ និង ច្រៀងក្នុងពិធីជប់លៀងពេលល្ងាច ដូចធម្មតា ព្រោះនាងត្រូវផ្គត់ផ្គង់គ្រួសារ ឲ្យប្រសើរជាងនេះ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlt1/v/t1.0-9/12301632_944489312308124_2501400856355471352_n.jpg?oh=3e0cb1de09a5c03216a572805bd2e055&oe=57024612" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12540557_1325909060768734_685020020550465311_n.png?oh=7dfc19b910643bf7c413609afb2cd30c&oe=5702B929" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/10481610_863171477106575_560437561368853238_n.jpg?oh=029bf6ae5f13d6cb42c62bd514c5d7c2&oe=570405BE" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/1621832_605670052856720_1264417292_n.jpg?oh=9b8b35fbf4c32dcf3039242e5dbb3ba5&oe=5739EFF2&__gda__=1463521313_21f58fe2bcbccfc3b79334ff859a7e34" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/1509697_589607074463018_1753302031_n.jpg?oh=91736f5458653a2eb374667c60929a24&oe=572FC7E2" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/1781900_586949921395400_1638759935_n.jpg?oh=1bf386de509c726f10a79946102a6a60&oe=5730E3B3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xft1/v/t1.0-9/940881_961233297300392_844794725895686613_n.jpg?oh=d393e5f3039c0a61c125586fb5df26ee&oe=574829E5&__gda__=1463118691_301f80d74b311deb6e22924f9a7ea7a7" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/10996519_849115158512207_4171196838008494246_n.jpg?oh=8092b730dabffa7626c46c2cd7dbda64&oe=573CD5C7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>