<p><span style="color: #000000;"><strong>ភ្នំពេញ៖</strong> តារាសម្ដែងលំដាប់ហូលីវូដ នាង Angelina Jolie បានធ្វើដំណើរ មកប្រទេសកម្ពុជា ដោយបាននាំមកជាមួយនូវកូនប្រុសរបស់នាង ដែលនាងបានយក ពីប្រទេសកម្ពុជា យកទៅចិញ្ចឹម រហូតមានអាយុ១៤ ឆ្នាំ គឺ Maddox ដើម្បី ប្រមូលផ្ដុំឯកសារ និងផលិតកុនទាក់ទងនឹងខ្មែរ ក្រហម ។</span></p>
<p><span style="color: #000000;">ក្រៅពីចាប់អារម្មណ៍នឹងវត្តមានរបស់តារាហូលីវូដ អ្នកនាង Angelina Jolie ហើយនោះ បងប្អូនប្រជាពលរដ្ឋខ្មែរ ជាពិសេសអ្នកលេងបណ្ដាញសង្គម Facebook បានចាប់អារម្មណ៍ទៅនឹង ម៉ូដសក់របស់ Maddox ដែលត្រូវបានអ្នកដឹងពី ប្រវត្តិសាស្រ្តខ្មែរមួយចំនួន ធ្វើការវិភាគថា ម៉ូដសក់នេះដូចទៅនឹង ម៉ូតសក់ខ្មែរ ក្នុងអំឡុង ឆ្នាំ ១៨៦៥ ដល់ឆ្នាំ ១៩០០ ដែលមានក្សត្រ ព្រះបាទអង្គដួង ជាក្សត្រសោយរាជ ។</span></p>
<p><span style="color: #000000;">អ្នកដឹងពីប្រវត្តិសាស្រ្តម្នាក់ឈ្មោះ ហែន វិភាគ បានសរសេរបង្ហោះនៅក្នុង Facebook របស់ខ្លួនថា «ម៉ូតសក់ ម៉ាដុក ដូចសុទ្ធសាធ ជាមួយម៉ូតសក់ ខ្មែរ ឆ្នាំ ១៨៦៥ ដល់ឆ្នាំ ១៩០០ នាង ជូលី តារាភាពយន្ត ហូលីវូដម្នាក់ បានសម្រេច កាត់ម៉ូតសក់ កូនប្រុសច្បងនាង ដូចនិងម៉ូតសក់ ដ៏ពេញនិយមខ្មែរ នៅចុងសតវត្សទី១៩ »។</span></p>
<p><span style="color: #000000;">«នេះមិនមែនជាការចៃដន្យ ដែលនាងនិងកូនប្រុសសម្លាញ់ បានបង្ហាញម៉ូតសក់ ដែលមានទម្រង់ដូច ម៉ូតសក់ ( ព្រះកេសា ) មហាក្សត្រខ្មែរ អង្គដួង ម៉ូតសក់ពួក អភិជនខ្មែរ ក៏ដូចមនុស្សសមញ្ញខ្មែរដទៃទៀត កាលពីជាងមួយរយឆ្នាំ មកហើយ »។</span></p>
<p><span style="color: #000000;">ក្នុងឋានៈ ជាសិល្បករដ៏ល្បីឈ្មោះ កំរិតពិភពលោក នាង ជូលី មានការស្រាវជ្រាវច្បាស់ណាស់ ពីវប្បធម៌ខ្មែរគ្រប់សម័យកាល មុននឹងនាងសម្រេច ដឹកនាំ រឿងកុនមួយ រៀបរាប់ពីរបបខ្មែរក្រហម ។</span></p>
<p><span style="color: #000000;">«មានម៉ូតសក់ ស្ត្រីអប្សរា តាមជញ្ជាំងប្រាសាទអង្គរវត្តខ្លះ បានក្លាយជាម៉ូតសក់ដ៏ពេញនិយមរបស់ស្ត្រី ឆើតឆាយជាច្រើនក្នុងពិភពលោក ។ មនុស្សខ្មែរ ធ្លាប់ជាមនុស្សរសនិយម និងឆើតឆាយ តាំងពីអតីតកាលម្ល៉េះ ។ មានតែការស្រាវជ្រាវទេ ដែលធ្វើឲ្យយើងស្គាល់ខ្មែរ។ កាលបើអ្នកស្គាល់ខ្មែរ ទើបអ្នកដឹងថា នរណាមាន គំនិតអាក្រក់ឬ ល្អ ចំពោះខ្មែរ» ។ នេះជាការបញ្ជាក់បន្ថែម របស់លោក ហែន វិភាគ ដែលបានបង្ហោះជាសាធារណៈ ក្នុងបណ្ដាញសង្គមហ្វេសប៊ុក។</span></p>
<p><span style="color: #000000;">សូមបញ្ជាក់ថា កំពូលតារាសម្តែង ហូលីវូដល្បីឈ្មោះ ប្រចាំប្រទេសអាមេរិក អ្នកនាង Angelina Jolie បានធ្វើដំណើរមកដល់ ទឹកដីប្រទេសកម្ពុជា ជាមួយនឹងកូនប្រុសចិញ្ចឹម របស់ខ្លួន គឺ Maddox ដែលមានវ័យ១៤ឆ្នាំ កាលពីពេលថ្មីៗនេះ និងបានជួបជាមួយផលិតករ ជើងចាស់ លោក រិទ្ធី ប៉ាន់ ដើម្បីសិក្សាពីការថត និងប្រមូលផ្តុំឯកសារផលិតកុន ទាក់ទងទៅនឹងប្រវត្តិ នៃការឈឺចាប់ក្នុងរបប ខ្មែរក្រហម ។</span></p>
<p><span style="color: #000000;">នៅក្នុងដំណើរមកដល់ទឹកដីកម្ពុជា កាលពីពេលថ្មីៗនេះ តារាសម្តែង Angelina Jolie បានទៅទស្សនកិច្ច នៅមជ្ឈមណ្ឌល«បុប្ផាណា» ដែលជាកន្លែង ប្រមូលផ្ដុំឯកសារ និងផលិតកុនទាក់ទងនឹងខ្មែរ ក្រហមហើយ នៅក្នុងនោះអ្នកនាង ក៏បានប្រាប់ឲ្យដឹងថា ការដឹកនាំរឿងនេះ គឺផ្អែកតាមសៀវភៅ «First They Killed My Father: A Daughter of Cambodia Remembers» ដែលមានចំណងជើង ជាភាសាខ្មែរថា «ពីដំបូងខ្មែរក្រហម សម្លាប់ប៉ារបស់ខ្ញុំ» របស់ លឿង អ៊ឹង នារីខ្មែរមួយរូបរួចរស់ពីរបបខ្មែរក្រហម ហើយបានសរសេររៀបរាប់ ពីការចងចាំរបស់ខ្លួន ដែលចេញផ្សាយ កាលពីឆ្នាំ២០០០ ។</span></p>
<p><span style="color: #000000;">តារាហូលីវូដ ដែលនាំយកកូនកម្ពុជាទៅចិញ្ចឹម អ្នកនាង Angelina ថ្លែងឲ្យដឹងថា «ខ្ញុំមានកិត្តិយស និងមោទនភាពណាស់ ក្នុងការនាំយករឿងនេះ ខ្សែភាពយន្តនេះ ផ្អែកលើការចងចាំ ដ៏ក្ដុកក្ដួលរបស់អ្នកនិពន្ធ អ្នកនាង លឿង អ៊ឹង ដែលកាលនោះ គាត់មានអាយុ៥-៨ឆ្នាំ ។ ភាពយន្តនេះ នឹងថតចេញពីការចងចាំ របស់ក្មេងស្រីរូបនេះ វាគឺជាការ មើលឃើញ របស់កុមារម្នាក់ពីសង្គ្រាម ការយល់ និងទស្សនៈរបស់កុមារម្នាក់នោះ អំពីសង្គ្រាម»។</span></p>
<p><span style="color: #000000;">ក្រោយពីខ្សែភាពយន្តនេះ ថតបញ្ចប់ នឹងត្រូវបានចាក់ផ្សាយ តាមបណ្ដាញ អ៊ីនធឺណិត សំខាន់ៗនៅចុងឆ្នាំ២០១៦ ហើយនឹងត្រូវដាក់ បញ្ចាំងផងដែរ តាមមហោស្រពភាពយន្ត អន្តរជាតិធំៗ ជុំវិញពិភពលោក ទៀតផង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/31/60-31-07-2015--11-35-35.jpg"><img src="/FileManager/Articles/mce/2015/7/31/60-31-07-2015--11-35-35.jpg" alt="" /></a></span></p>
<p><a class="thickbox" title="" href="/FileManager/Commons/2015/7/31/61-31-07-2015--11-35-46.jpg"><img src="/FileManager/Articles/mce/2015/7/31/61-31-07-2015--11-35-46.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/31/60-31-07-2015--11-35-35.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>