<p><strong>ព័ត៌មានអន្តរជាតិ ៖</strong> ស្រ្តីវ័យកណ្តាលម្នាក់ ពិតជាមានអារម្មណ៍រន្ធត់ជាខ្លាំង ខណៈពេលដែល<br />លោកស្រី ដឹកដៃកូនស្រីវ័យ ៣ ឆ្នាំរបស់ខ្លួន ស្រាប់តែបានជួបខ្លាកំណាច អង្គុយឆ្ងក់ នៅក្នុង<br />នោះ នេះបើយោងតាមសេចក្តីរាយការណ៍ របស់ទំព័រសារព័ត៌មានបរទេស ស្កាយ ដែលទើប<br />តែបានចេញផ្សាយមុននេះបន្តិច។</p>
<p><a class="thickbox" title="" href="/FileManager/Commons/2013/4/24/tiger1200a-24-04-2013--10-11-11.jpg"><img src="/FileManager/Articles/mce/2013/4/24/tiger1200a-24-04-2013--10-11-11.jpg" alt="" /></a></p>
<p>គួរបញ្ជាក់ផងដែរថា ស្រ្តីវ័យកណ្តាលរូបនោះ មានឈ្មោះថា Jenna Krehbiel ហើយបើនិយាយ<br />ពីឧបទ្ទេវហេតុដ៏គួរអោយរន្ធត់មួយនេះ បានកើតឡើងកាលពីថ្ងៃសៅរ៍ ទី ២០ ខែ មេសាកន្លង<br />ទៅ នៅក្នុងបន្ទប់ទឹក នាកន្លែងលេងសៀកIsis Shrine Circus រដ្ឋ Kansas ភាគខាងលិចសហ<br />រដ្ឋអាមេរិក។</p>
<p>ដោយឡែក បើនិយាយពីមូលហេតុ ដែលបានបណ្តាលអោយខ្លាកំណាចមួយក្បាលនោះ មាន<br />ទម្ងន់ជាង១១៣ គីឡូក្រាម លេចមុខក្នុងបន្ទប់ទឹកស្រីនោះ គឺបណ្តាលមកពីការធ្វេសប្រហែស<br />ដោយបណ្តោយអោយវារួចចេញពីទ្រុង បន្ទាប់ពីសម្តែងរួច នឹងសម្ងំលាក់ខ្លួននៅក្នុងបន្ទប់ទឹក<br />ស្រីទៅវិញ។</p>
<p><a class="thickbox" title="" href="/FileManager/Commons/2013/4/24/e1331article-2313177-196f4cb7000005dc-890634x367-24-04-2013--10-11-56.jpg"><img src="/FileManager/Articles/mce/2013/4/24/e1331article-2313177-196f4cb7000005dc-890634x367-24-04-2013--10-11-56.jpg" alt="" width="457" height="263" /></a></p>
<p>កាលដែលបានឃើញ ខ្លាកំណាចនៅពីមុខចម្ងាយ មិនដល់មួយម៉ែត្រផងនោះ លោកស្រីរួម<br />ទាំងកូនតូច ខំព្យាយាមដើរសន្សឹមៗថយក្រោយ និងរត់គេចខ្លួន ។ យ៉ាងណាមិញ បើយោង<br />តាមសម្តីលោក Chri s Bird ដែលជានាយកគ្រប់គ្រង កន្លែងលេងសៀកនេះផ្ទាល់ បានគូស<br />បញ្ជាក់ថា លោកពិតជាមានសេចក្តីសោមនស្ស ជាខ្លាំង ខណៈពេលដែលគ្មាននរណាបាន<br />ទទួលរងគ្រោះ ដោយសារតែការធ្វេសប្រហែលលើកនេះ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ ស្កាយ</p>