<p>ស៊ុត គឺជាប្រភេទអាហារ សម្បូរទៅដោយសារធាតុចិញ្ចឹម និង វីតាមីន ជាច្រើន ប្រភេទ ដែល<br />មានអត្ថប្រយោជន៍យ៉ាងសំខាន់ សំរាប់សុខភាព និង ជារបបអាហារប្រចាំថ្ងៃ ដ៏ប្រសើរបំផុត<br />សំរាប់រាងកាយ។ ស៊ុតមិនត្រឹមតែជាអាហារដែលមានឱជារសឆ្ងាញ់ពិសាទេ ប៉ុន្តែស៊ុតក៏អាច<br />ជួយការពារ រាងកាយរបស់អ្នក ពីជំងឺផ្សេងៗ បានយ៉ាងមានប្រសិទ្ធិភាពខ្ពស់។</p>
<p><strong>ខាងក្រោមនេះ គឺជាអត្ថប្រយោជន៍សុខភាពសំខាន់ នៃស៊ុត ចំពោះរាងកាយ</strong></p>
<p><strong><a class="thickbox" title="" href="/FileManager/Commons/2013/10/31/eggs-31-10-2013--09-20-34.jpg"><img src="/FileManager/Articles/mce/2013/10/31/eggs-31-10-2013--09-20-34.jpg" alt="" /></a><br /></strong></p>
<p><strong>ការពារភ្នែក៖</strong> ស៊ុតគឺជាប្រភពនៃអាហារដ៏ល្អ នៃសាធាតុ lutein និង zeaxanthin ដែលមាន<br />តួនាទី យ៉ាងសំខាន់ក្នុងការការពារភ្នែកចុះអន់ខ្សោយ និង កាត់បន្ថយគ្រោះថ្នាក់ នៃជំងឺភ្នែក<br />ឡើងបាយ ឬ ដុះកន្ទុយថ្លែន។</p>
<p><strong>ជួយឱ្យមានអារម្មណ៍ល្អ៖</strong> ស៊ុត គឺសម្បូរទៅដោយវីតាមីន B12 អាចជួយឱ្យអ្នក មានអារម្ម<br />ណ៍ល្អ និង កាត់បន្ថយស្រ្តេស (អារម្មណ៍ធុញថប់)។ ស៊ុត ក៏មានផ្ទុកនូវប្រភេទវីតាមីន B ជា<br />ច្រើនផ្សេងទៀតដែរ ដូចជា៖ វីតាមីន B6 និង សារធាតុ folate ដែលជួយជំរុញឱ្យខួរក្បាល<br />និង អារម្មណ៍របស់អ្នក មានភាពធូរស្បើយល្អ។</p>
<p><strong>ជួយឱ្យសក់ និង ក្រចកដៃ មានសុខភាពល្អ៖ </strong>សក់ និងក្រចកដៃ ដុះលូតលាស់បានល្អ<br />ដោយសារធាតុប្រូតេអ៊ីន ដូច្នេះ សារធាតុប្រូតេអ៊ីនខ្ពស់ ដែលមានផ្ទុកនូវក្នុងស៊ុត អាចជួយ<br />ថែរក្សាសក់ និង ក្រចកដៃរបស់អ្នកឱ្យ មានសុខភាពល្អ រឹងមាំ។ ដើម្បីធ្វើឱ្យសក់របស់អ្នក<br />ដុះលូតលាស់បានឆាប់រហ័ស អ្នកអាចជួយស៊ុត លាបនៅលើសក់របស់អ្នក។</p>
<p><strong>ឧទារហណ៍៖ </strong>អ្នកអាចលាយ ប្រេងអូលីវ ១ស្លាបព្រាបាយ ជាមួយស៊ុតឆៅ ១គ្រាប់ លាប<br />នៅលើសក់ និង គ្របសក់របស់អ្នក ជាមួយនឹងថង់គ្របសក់ ទុករយៈពេល ៣០នាទី រួច<br />សំអាតទឹកចេញ ជាមួយនឹងសាប៊ូកក់សក់ អ្នកនឹងទទួលបាននូវសក់វែង ទន់ភ្លឺរលោង និង<br />មានសុខភាពល្អ។ សូមប្រើតាមវិធីនេះ ឱ្យបាន ពីរ ទៅ បីដង ក្នុងរយៈពេល ១ខែ៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ top10homeremedies</p>
<p> </p>
<p> </p>