<p><span style="color: #000000;"><strong>(អារ៉ាប៊ីសាអូឌីត)៖</strong> បុរសជាស្វាមី ដែលមានចរឹតប្រច័ណ្ឌខ្លាំង បានបាញ់គ្រូពេទ្យប្រុសម្នាក់ទាំងកំហឹង ខណៈពេលដែលគ្រូពេទ្យនោះ ប៉ះពាល់ប្រពន្ធរបស់គេកំឡុង ពេលសម្រាលកូន។</span></p>
<p><span style="color: #000000;">ហេតុការណ៍នឹកស្មានមិនដល់នេះ កើតឡើងនៅឯមន្ទីរពេទ្យមួយ ក្នុងទឹកដីអារ៉ាប៊ីសាអូឌីត ដោយបុរសជាប្តីនិយាយថា ខ្លួនចង់ឲ្យគ្រូពេទ្យ ស្រីជាអ្នកជួយបង្កើតកូន មិនមែនគ្រូពេទ្យប្រុសឡើយ។ រីឯគ្រូពេទ្យរងគ្រោះ គឺដុកទ័រ Muhanna Al Zabn ដែលជាអ្នកជួយបង្កើតកូន ឲ្យនារីជាប្រពន្ធជនបង្កហេតុ ហើយគេក៏ទទួលបានកូនប្រុសម្នាក់។</span></p>
<p><span style="color: #000000;">នៅថ្ងៃកើតហេតុ បុរសដៃដល់ធ្វើជាហៅគ្រូពេទ្យមកក្រៅ ដើម្បីអរគុណដែលជួយបង្កើតកូន ប៉ុន្តែលុះពេលគ្រូពេទ្យមកដល់ ស្រាប់តែបុរសនោះទាញកាំភ្លើង ចេញមកបាញ់សំដៅគ្រូពេទ្យ Al Zabn តែម្តង បណ្តាលឲ្យរងរបួសធ្ងន់ធ្ងរ ហើយត្រូវបានបញ្ជូនទៅសង្គ្រោះបន្ទាន់ ចំណែកឯជនបង្កហេតុ ក៏ត្រូវបានប៉ូលីសចាប់ខ្លួនបានភ្លាមដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/28/6-28-05-2016--11-32-44.png"><img src="/FileManager/Articles/mce/2016/5/28/6-28-05-2016--11-32-44.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>