<p>បុរសម្នាក់បានបញ្ឆោតលួចយកម៉ូតូគូរដណ្តឹងឌុបស្រីស្នេហ៍ពីខេត្តបាត់ដំបងឆ្ពោះទៅខេត្តបន្ទាយ<br />មានជ័យត្រូវនគរបាលការិយាល័យព្រហ្មទ័ណ្ឌកំរិតធ្ងន់ខេត្តបាត់ដំបង ឃាត់ខ្លូនជនសង្ស័យកាល<br />ពីវេលាម៉ោង១២ថ្ងៃត្រង់ថ្ងៃទី២៥ ខែតុលា ឆ្នាំ២០១២ ខណៈដែលកំពុងហូបបាយជាមូយស្រីស្នេហ៍<br />នៅហាងសួនស្នេហ៍ជនបទ ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភណ័ ខេត្តបន្ទាយមាន<br />ជ័យ។</p>
<p><a class="thickbox" title="" href="/FileManager/Commons/2012/10/29/thief1-29-10-2012--10-52-04.JPG"><img style="display: block; margin-left: auto; margin-right: auto;" src="/FileManager/Articles/mce/2012/10/29/thief1-29-10-2012--10-52-04.JPG" alt="" width="380" height="285" /></a></p>
<p>លោក សេង លុច នាយរងនគរបាលការិយាល័យព្រហ្មទ័ណ្ឌកំរិតធ្ងន់ខេត្តបាត់ដំបងបានឲ្យ ដឹងថា <br />ជនសង្ស័យមានឈ្មោះ តាំង ស៊ូម៉ាត្រា ភេទប្រុស អាយុ២៥ឆ្នាំ មានទីលំនៅក្រុងភ្នំពេញ បច្ចុប្បន្ន<br />ស្នាក់នៅបណ្តោះអាសន្នជាមួយបងប្អូននៅភូមិវត្តរំដួល សង្កាត់ចំការសំរោង ក្រុងបាត់ដំបងខេត្ត<br />បាត់ដំបង។ វត្ថុតាងមានម៉ូតូម៉ាកអាយខន ពាក់ស្លាកលេខ បាត់ដំបង 1J-9257 ស៊េរី ២០១១ ពណ៌<br />ត្រួយចេកខ្ចី១គ្រឿង។ ចំណែកជនរងគ្រោះមានឈ្មោះសាលីហា ភេទស្រី អាយុ២០ឆ្នាំ ជនជាតិ<br />អ៊ិស្លាមត្រូវជាគូរដណ្តឹងជនសង្ស័យមានទីលំនៅភូមិវត្តដាំ ស្ពៃ សង្កាត់ស្លាកែត ក្រុងបាត់ដំបង <br />ខេត្តបាត់ដំបង។</p>
<p>ឈ្មោះ សាលីហា ជាជនរងគ្រោះនិងជាម្ចាស់ម៉ូតូបានប្រាប់សមត្ថកិច្ចថា ឈ្មោះតាំងស៊ូម៉ាត្រាចាប់<br />តាំងពីពេលស្តីដណ្តឹងនាងរួចមក គឺមានស្នេហាចាក់ទឹកមិនលេចទេ ដោយខិតខំធ្វើអំពើល្អជាច្រើន<br />ចំពោះនាងដូចជាជួយកិច្ចការងាររបស់ ស្ត្រីមេផ្ទះ មិនតែប៉ុណ្ណោះជួយទាំងជូតស្បែកជើងដល់ខ្ឡួន<br />ជាគូដណ្តឹងទៀតផង។</p>
<p>នារីរងគ្រោះថ្លែងថា ៖ “កាលពីវេលាម៉ោង១និង៣០នាទីថ្ងៃទី២៤ ខែតុលា ឆ្នាំ២០១២ ឈ្មោះតាំង<br />ស៊ូម៉ាត្រាបានទូរស័ព្ទសុំខ្ចីម៉ូតូជិះទៅជួប មិត្តភក្តិមួយភ្លែត ព្រោះគាត់ស៊ូម៉ាត្រាប្រញាប់ត្រឡប់ទៅ<br />ភ្នំពេញវិញពេលនោះនាងខ្ញុំ បានបដិសេធមិនឲ្យខ្ចីទេ។ លុះវេលាម៉ោង២និង៣០នាទីរសៀលថ្ងៃ<br />ដដែល ឈ្មោះតាំងស៊ូម៉ាត្រាបានទូរស័ព្ទឲ្យនាងខ្ញុំ(សាលីហា)ឲ្យទៅ ជួបគាត់នៅផ្ទះស្នាក់ជាមួយ<br />បងប្អូននៅភូមិវត្តរំដួលសង្កាត់ចំការ សំរោង ។ ពេលនាងខ្ញុំជិះម៉ូតូទៅជួប គាត់បាននិយាយសុំខ្ចី <br />ម៉ូតូជិះទៅជួបមិត្តភ័ក្តមួយភ្លែតដដែលហើយនាងខ្ញុំនៅតែប្រកែក មិនឲ្យខ្ចី"។</p>
<p>នារីរងគ្រោះបន្ដថា ៖ "បន្ទាប់មកស៊ូម៉ាត្រា បានប្រើវិធីសាស្ត្រថ្មីដោយបបួលខ្ញុំ ទៅញ៉ាំអីនៅភោជ្ជ<br />និយដ្ឋានម៉ារីយ៉ាន។ ពេលកំពុងអង្គុយញ៉ាំអីឈ្មោះស៊ូម៉ាត្រាបានសុំខ្ចីម៉ូតូជិះទៅ ជួបមិត្តភក្តិមួយ<br />ភ្លែតទៀតតែនាងខ្ញុំមិនព្រមឲ្យខ្ចី។ មួយសន្ទុះក្រោយមកនាងខ្ញុំ(សាលីហា)បានងើបដើរទៅបន្ទប់<br />ទឹកដោយទុក កូនសោរម៉ូតូនៅក្រោមពូកកន្លែងអង្គុយនោះ។ ពេលនាងខ្ញុំដើរត្រឡប់ចេញពីបន្ទប់<br />ទឹកមកតុបាយវិញ ស្រាប់តែបាត់ឈ្មោះតាំងស៊ូម៉ាត្រាមិនឃើញ។ ពេលនោះនាងខ្ញុំខំរកកូនសោរ<br />ម៉ូតូតែ មិនឃើញក៏ទូរស័ព្ទទៅឈ្មោះតាំងស៊ូម៉ាត្រាក៏មិនចូលហើយអង្គុយ រង់ចាំដល់ម៉ោង៣និង៣០<br />នាទីរសៀល ទើបទូរស័ព្ទទៅប្រាប់អ្នកផ្ទះថា ឈ្មោះតាំងស៊ូម៉ាត្រាបានយកម៉ូតូជិះទៅបាត់ហើយ"។</p>
<p><img id="imgspace" class="img" style="display: block; margin-left: auto; margin-right: auto;" src="http://www.nokorwatnews.com/files/01.jpeg" alt="" width="359" height="270" /></p>
<p>រីឯជនសង្ស័យមានឈ្មោះតាំងស៊ូម៉ាត្រាបានប្រាប់សមត្ថកិច្ចថា កាលពីវេលាម៉ោង២និង៣០នាទី<br />រសៀលថ្ងៃទី២៤ ខែតុលា ឆ្នាំ២០១២ ខ្លួនពិតជាបានទៅញ៉ាំអីជាមួយគូរដណ្តឹងឈ្មោះសាលីហានៅ<br />ភោជ្ជនិយដ្ឋានម៉ារីយ៉ាន ហើយបានឲ្យនាងចាំមួយភ្លែតដោយសុំខ្ចីម៉ូតូនាងជិះ ទៅខាងក្រៅមួយភ្លែត។ <br />ក្រោយពីបានម៉ូតូខ្លួនបានជិះឌុបស្រីស្នេហ៍ឆ្ពោះទៅ ខេត្តបន្ទាយមានជ័យរួចដេកនៅទីនោះអស់មួយ<br />យប់។ លុះវេលាម៉ោង១២ថ្ងៃត្រង់ថ្ងៃទី២៥ ខែតុលា ឆ្នាំ២០១២ ត្រូវនគរបាលឃាត់ខ្លួននៅក្នុងភូមិទឹកថ្លា<br /> សង្កាត់ទឹកថ្លា ក្រុងសិរីសោភណ័ ខេត្តបន្ទាយមានជ័យតែម្តង។៕</p>
<p> </p>
<p style="text-align: right;">ដោយ ៖ វិសាល<br />ប្រភព ៖ NW</p>
<p> </p>