<p><span style="color: #000000;">ព័ត៌មានអន្តរជាតិ ៖ មេដឹកនាំវ័យក្មេង កូរ៉េខាងជើង ក្រោយកេណ្ឌទ័ពជួរមុខ ទៅតាមព្រំប្រទល់ដែន ខាងលិច ជាប់ ប្រទេសកូរ៉េខាងត្បូង ខ្លួនបានប្រកាសក្តែងៗអោយដឹងថា កូរ៉េខាងជើងត្រៀមខ្លួនជា ស្រេចក្នុងការបើកឆាកប្រយុទ្ធសង្គ្រាម ជាមួយនឹងកូរ៉េខាងត្បូង បន្ទាប់ ពី ឧបទ្វីបកូរ៉េ បានប៉ះទង្គិច គ្នា បាញ់បោះគ្រាប់ពិត កាំភ្លើងធំ គ្រាប់ផ្លោង នៅតាមបណ្តោយព្រំដែន រវាង កូរ៉េទាំង ២ អំឡុងថ្ងៃ ព្រហស្បត្តិ៍ ម្សិលមិញនេះ។</span></p>
<p><a class="thickbox" title="" href="/FileManager/Commons/2015/8/21/22-21-08-2015--10-03-09.jpg"><img src="/FileManager/Articles/mce/2015/8/21/22-21-08-2015--10-03-09.jpg" alt="" /></a></p>
<p><span style="color: #000000;">ភ្នាក់ងារសារព័ត៌មានរដ្ឋ KCNA ធ្វើសេចក្តីរាយការណ៍អោយដឹងថា មេដឹក នាំវ័យក្មេងប្រទេសកូរ៉េ ខាងជើង លោក គីម ជុងអ៊ុន បានបញ្ជាអោយមានការកេណ្ឌទ័ពជួរមុខទៅកាន់តំបន់តាមបណ្តោយ ព្រំប្រទល់ដែន និងចូរត្រៀមខ្លួនរួចជាស្រេច នៅ ក្នុងការ ប្រយុទ្ធ សង្គ្រាម ។ គួរបញ្ជាក់ថា សេចក្តី បង្កាប់ មានជាការបញ្ជាលើកនេះ គឺអាចធ្វើទៅបាន បន្ទាប់ពីមានកិច្ចប្រជុំុំអាសន្ន ជាមួយនឹងគណៈ កម្មការយោធាកណ្តាល រហូតឈានទៅសេចក្តីប្រកាស កេណ្ឌទ័ព ក្រោយពីមានការបាញ់បោះដាក់ គ្នាអំឡុងព្រឹកថ្ងៃព្រហស្បត្តិ៍ម្សិលមិញនេះ។</span></p>
<p><a class="thickbox" title="" href="/FileManager/Commons/2015/8/21/21-21-08-2015--10-03-18.jpg"><img src="/FileManager/Articles/mce/2015/8/21/21-21-08-2015--10-03-18.jpg" alt="" /></a></p>
<p><a class="thickbox" title="" href="/FileManager/Commons/2015/8/21/20-21-08-2015--10-03-37.jpg"><img src="/FileManager/Articles/mce/2015/8/21/20-21-08-2015--10-03-37.jpg" alt="" /></a><a class="thickbox" title="" href="/FileManager/Commons/2015/8/21/21-21-08-2015--10-03-18.jpg"></a></p>
<p><span style="color: #000000;">គួររំឮកថា កូរ៉េខាងត្បូងបានឆ្លើយតប បាញ់គ្រាប់កាំភ្លើងធំ ទំហំ ១១៥ មីលីម៉ែត្រនៅតាមបណ្តោយ ព្រំដែនម្សិលមិញនេះ ជាការឆ្លើយតបជាក់ស្តែងទៅកាន់ ប្រទេសកូរ៉េ ខាងជើង បន្ទាប់ពីផ្លោងគ្រាប់ កាំភ្លើងធំ ចូលទៅកាន់ភាគខាងត្បូងនៃព្រំប្រទល់ដែន របស់ប្រទេសកូរ៉េខាងត្បូង ។</span></p>
<p><a class="thickbox" title="" href="/FileManager/Commons/2015/8/21/23-21-08-2015--10-03-28.jpg"><img src="/FileManager/Articles/mce/2015/8/21/23-21-08-2015--10-03-28.jpg" alt="" /></a></p>
<p><span style="color: #000000;">ទីភ្នាក់ ងារព័ត៌មានកូរ៉េខាងត្បូងបានរាយការណ៍ថា គ្រាប់កាំភ្លើងធំនោះទំនងជា បាន ធ្លាក់នៅក្នុងតំបន់ភ្នំនៅជិត បន្ទាយយោធាកូរ៉េខាងត្បូងនៅក្នុងទីក្រុង Yeoncheon ដែល ស្ថិតនៅចម្ងាយ ៦០ គីឡូ ម៉ែត្រខាងជើងរដ្ឋធានីសេអ៊ូល។</span></p>
<p><span style="color: #000000;">រហូត មកទល់ពេលនេះ មិនមានសេចក្តីរាយការណ៍ ពី មនុស្សស្លាប់ និងរងរបួសទេ។ទំនាក់ទំនងរវាងកូរ៉េខាងជើង និងកូរ៉េខាងត្បូងមានភាពតានតឹង បន្ទាប់ ពីរដ្ឋាភិបាលទីក្រុងសេអ៊ូលបានចោទប្រកាន់រដ្ឋាភិបាលក្រុង ព្យុងយ៉ាងពីការបង្កប់គ្រាប់មីន ដែល បានផ្ទុះនៅខែនេះ ដែលបានធ្វើឲ្យ ទា ហាន កូរ៉េខាងត្បូង២នាក់រងរបួស ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ</span></p>