<p>នារដូវក្ដៅឆ្នាំ ២០១៥នេះ សណ្ឋាគារ Henn-na (សណ្ឋាគារចម្លែក) នឹងត្រូវបានគេបើកឱ្យដំណើរ<br />ការនៅឧទ្យានកម្សាន្ត Huis Ten Bosch ក្នុងតំបន់ Nagasaki ប្រទេសជប៉ុន។</p>
<p style="text-align: center;"><a class="thickbox" title="" href="/FileManager/Commons/2015/2/9/japan759jpgeef-09-02-2015--10-43-42.jpg"><img src="/FileManager/Articles/mce/2015/2/9/japan759jpgeef-09-02-2015--10-43-42.jpg" alt="" /></a></p>
<p>សណ្ឋាគារនេះ នឹងមានចំនួន ៧២បន្ទប់។ ចំណែកបន្ទាប់របស់សណ្ឋាការនេះ នឹងមានតម្លៃចាប់<br />ពី ៦០ដុល្លារក្នុងមួយឆ្នាំ និងមានបុគ្គលិកចំនួន ១០នាក់ ដែលសុទ្ធតែជាមនុស្សយន្ត មានរូបរាង <br />និងមុខមាត់យ៉ាងស្រស់ស្អាត។</p>
<p>មនុស្សយន្តទាំងនេះ ចេះធ្មេចភ្នែក ដកដង្ហើម និងចេះធ្វើការទំនាក់ទំនងដោយប្រើភ្នែក ប្រើកាយ<br />វិការ ចេះនិយាយភាសាមួយចំនួនយ៉ាងស្ទាត់ ដូចជាភាសាជប៉ុន ចិន កូរ៉េ និងអង់គ្លេស នេះបើ<br />តាមទំព័រ Washington Post ។ លើសពីនេះ មនុស្សយន្តខាងលើ ក៏ចេះត្រួតពិនិត្យម៉ោងដែល<br />ភ្ញៀវត្រូវចេញ-ចូល ចេះយួរវ៉ាលីសឱ្យភ្ញៀវ ចេះធ្វើកាហ្វេ សម្អាតបន្ទប់ រួមនឹងការប្រមូលយក<br />សម្ភារៈទៅឱ្យផ្នែកបោកគក់ និងទទួលត្រឡប់មកវិញ។</p>
<p style="text-align: center;"><a class="thickbox" title="" href="/FileManager/Commons/2015/2/9/japan759jpgdd-09-02-2015--10-44-36.jpg"><img src="/FileManager/Articles/mce/2015/2/9/japan759jpgdd-09-02-2015--10-44-36.jpg" alt="" /></a></p>
<p style="text-align: center;">អនាគត សណ្ឋាគារ Henn-na នឹងមានបុគ្គលិកជាមនុស្សយន្ត ច្រើនជាង ៩០%<br /><br /></p>
<p>បុគ្គលិកមនុស្សយន្តទាំងនោះ ក៏នឹងធ្វើការជាមួយបុគ្គលិកជាមនុស្សធម្មតា សម្រាប់ដំណាក់<br />កាលដំបូង។ នៅក្នុងសន្និសីទកាសែតមួយ នៅជប៉ុន អគ្គនាយក Hideo Sawada របស់ Huis Ten<br /> Bosch ថ្លែងថា “ក្នុងអនាគត សណ្ឋាគារខាងលើ នឹងមានបុគ្គលិកជាមនុស្សយន្ត ច្រើនជាង ៩០%<br /> សម្រាប់បម្រើសេវាកម្មទាំងឡាយរបស់សណ្ឋាគារ”។</p>
<p>សណ្ឋាគារខាងលើនេះ ក្នុងអនគតដ៏ខ្លីខាងមុខ មិនមែនមានត្រឹមតែបណ្ដាមនុស្សយន្តដែលមាន<br />រូបរាងដូចមនុស្សបេះបិទនេះ តែក៏មានបំពាក់បច្ចេកវិទ្យាទំនើបផ្សេង ដូចជា ប្រព័ន្ធសោបន្ទប់<br />ដែលអាចស្កេនផ្ទៃមុខរបស់ភ្ញៀវ រួមនឹងប្រព័ន្ធតាមដានកំដៅរាងកាយរបស់ភ្ញៀវ ដើម្បីសម្រួល<br />សីតុណ្ហភាពរបស់បន្ទប់។</p>
<p style="text-align: center;"><a class="thickbox" title="" href="/FileManager/Commons/2015/2/9/japan759-09-02-2015--10-45-39.jpg"><img src="/FileManager/Articles/mce/2015/2/9/japan759-09-02-2015--10-45-39.jpg" alt="" /></a></p>
<p style="text-align: center;">បច្ចុប្បន្ន ជប៉ុន កំពុងតែនាំមុខគេ ក្នុងវិស័យមនុស្សយន្ត<br /><br /></p>
<p>ទាំងនេះ មិនមែនជាសុបិននោះឡើយ ព្រោះថា តាមគម្រោង សណ្ឋាគារ Henn-na នឹងត្រូវបាន<br />បើកដំណើរការចាប់ពីថ្ងៃទី ១៧កក្កដាឆ្នាំ ២០១៥ខាងមុខ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ theverge<br /><br /></p>