<p><span style="color: #000000;"><strong>(នីហ្សេរីយ៉ា)៖</strong> ក្មេងប្រុសវ័យជំទង់ អាយុ១៧ឆ្នាំម្នាក់ ឈ្មោះ Usman Abdu បានចងកធ្វើអត្តឃាត នៅលើដើមឈើមួយ បន្ទាប់ពីក្មេងស្រីអាយុ១២ឆ្នាំ ឈ្មោះ Hajara បដិសេធមិនព្រមរៀបការជាមួយ។</span></p>
<p><span style="color: #000000;">ប៉ូលិសនៅ Bauchi និយាយថា ក្មេងប្រុសរងគ្រោះ និងក្មេងស្រីដែលគេស្រឡាញ់ គឺជាបងប្អូនជីដូនមួយនឹងគ្នា ហើយនៅថ្ងៃកើតហេតុ មានអ្នកដំណើរប្រទះឃើញ ក្មេងប្រុសចងកនៅលើដើមឈើ រួចគេក៏ប្រញាប់ជួយសង្គ្រោះ ហើយបញ្ជូនក្មេងប្រុស ទៅមន្ទីរពេទ្យ Soro តែជាអកុសល គេបានដាច់ខ្យល់ស្លាប់ទៅហើយ។</span></p>
<p><span style="color: #000000;">តាមការស៊ើបអង្កេត របស់ប៉ូលីសឲ្យដឹងថា Abdu និងក្មេងស្រី Hajara រស់នៅក្នុងផ្ទះតែមួយ ច្រើនឆ្នាំមកហើយ ទើបគេដាក់ចិត្តស្រឡាញ់នាង ទោះបីជាវ័យនៅក្មេងក្តី ហើយក៏សុំក្មេងស្រីរៀបការជាមួយ ប៉ុន្តែត្រូវនាងបដិសេធ ទើបគេខូចចិត្តដល់ថ្នាក់ សម្លាប់ខ្លួនឯងបែបនេះ។ សាកសពក្មេងប្រុសរងគ្រោះ ត្រូវបានប៉ូលិសប្រគល់ ទៅឲ្យក្រុមគ្រួសារសព យកទៅធ្វើបុណ្យ បន្ទាប់ពីពួកគេធ្វើកោសល្យវិច័យរួច៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/19/08b-19-05-2016--15-29-14.jpg"><img src="/FileManager/Articles/mce/2016/5/19/08b-19-05-2016--15-29-14.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>