<p><span style="color: #000000;"><strong>(ញូវយ៉ក)៖</strong> កីឡាការិនីជម្រើសជាតិអាមេរិក រាប់រយនាក់បានចេញមកអះអាងថា ពួកគេធ្លាប់ទទួលរងនូវការបំពារបំពានផ្លូវភេទ ដោយគ្រូបង្វឹករបស់ខ្លួននាពេលអំឡុងទៅចូលរួមប្រកួតកីឡាអូឡាំពិកពិភពលោកនៅបណ្តាប្រទេសនានានាពេលកន្លងមក។</span></p>
<p><span style="color: #000000;">តាមរយៈសារព័ត៌មាន BBC បានចេញផ្សាយនៅព្រឹកថ្ងៃសៅរ៍ ទី១៧ ខែធ្នូ ឆ្នាំ២០១៦ ដោយបានដកស្រង់សំដីអត្តពលិករងគ្រោះទាំងនោះថា ពួកគេធ្លាប់ទទួលរងនូវការរំលោភផ្លូវភេទ តាំងពីពួកគេមានអាយុជាង ២០ឆ្នាំប៉ុណ្ណោះដែលមានរហូតដល់ទៅកីឡាការិនី ៣៦៨នាក់ ដែលយ៉ាងហោចណាស់មានគ្រូបង្វឹក ១០០នាក់ បានប្រព្រឹត្តអំពើមិនគប្បីចំពោះកូនសិស្សរបស់ខ្លួន។</span></p>
<p><span style="color: #000000;">ជនរងគ្រោះទាំងនោះ សុទ្ធសឹងតែជាកីឡាការិនីប្រកួតក្នុងវិញ្ញាសាសំដែងយកពិន្ទុ ដែលភាគច្រើនមានរូបរាងស្អាតៗ និងស្រឡូនៗថែមទៀតផង។</span></p>
<p><span style="color: #000000;">តែយ៉ាងណាក៏ដោយ សហព័ន្ធកីឡាសំដែងអាមេរិក ក៏បានធ្វើការបដិសេធ និងច្រានចោលចំពោះព័ត៌មានដែលបែកធ្លាយនេះ ហើយបានលើកឡើងថា <strong>«គ្មានរឿងបែបនេះកើតឡើងនោះទេ ហើយកន្លងមក ក្រុមកីឡាការិនីអាមេរិក តែងតែទទួលបានជោគជ័យជានិច្ចនៅលើឆាកអន្តរជាតិ»</strong>។</span></p>
<p><span style="color: #000000;">ទន្ទឹមគ្នានោះ សហព័ន្ធកីឡានានារបស់អាមេរិក បានសំដែងនូវការព្រួយបារម្ភជាខ្លាំងចំពោះបញ្ហានេះ ដែលជាជះឥទ្ធិពលមិនល្អដល់ម្ចាស់ឧបត្ថម្ភនានាថែមទៀតផង។</span></p>
<p><span style="color: #000000;">សូមរំលឹកដែរថា កាលពីដើមខែធ្នូ ឆ្នាំ២០១៦ នេះ កីឡាករបាល់ទាត់អាជីពនៅប្រទេសរាប់ពាន់បានចេញមកអះអាងថា ពួកគេបានត្រូវបានរំលោភផ្លូវភេទជាខ្លាំង នៅអំឡុងពួកគេនៅកុមារភាពដោយគ្រូបង្វឹករបស់ខ្លួន ដោយគ្មានហ៊ាននិយាយអ្វីនោះទេ ព្រោះខ្លាចត្រូវបណ្តេញពីក្រុម៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/17/10a-17-12-2016--09-17-06.jpg"><img src="/FileManager/Articles/mce/2016/12/17/10a-17-12-2016--09-17-06.jpg" alt="" /></a><br /><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>