<p><span style="color: #000000;"><strong>(ភ្នំពេញ)៖</strong> ស្របពេលដែលពិធីបុណ្យ ខួបគំរប់៧ ថ្ងៃនិង១០០ ថ្ងៃរបស់សពអតីតតារាចម្រៀង និងសម្តែងប្រុស-ស្រីខ្មែរចំនួនពីររូប គឺលោក រាជ បូរី និងអ្នកស្រី ហួត សារ៉ាវឌី កៀកចូលមកដល់នាថ្ងៃទី២១ ខែមេសា ខាងមុខនេះ តារាសម្តែងប្រុសលោក អ៉ឹម ជីវ៉ា បានសរសេរបង្ហោះសារ អំពាវនាវ និងបានរិះគន់សម្តែង ការមិនពេញខ្លះៗចំពោះអវត្តមាន ពីសំណាក់សិល្បករខ្មែរមួយចំនួន ដែលគ្មានឆន្ទៈ ក្នុងការចូលរួមពិធីបុណ្យសព របស់អតីតមិត្តរួមអាជីពទាំងនោះ។</span></p>
<p><span style="color: #000000;">លោក អ៉ឹម ជីវ៉ា បានលើកឡើងបែបនេះថា «សូមសិល្បករទាំងអស់ គួរសម្តែងការសោកស្តាយ និងចូលរួមពិធីបុណ្យ៧ថ្ងៃ របស់សិល្បករ ដែលមរណភាព បើគ្មានលុយចូលបុណ្យ ក៏ត្រូវទៅអុជធូបដែរ …។ កុំចាំទាល់តែកម្មវិធីជប់លៀង ខួបកំណើត ឡើងផ្ទះ បានទៅចូលរួម រាល់ថ្ងៃសិល្បករខ្មែរ ពិតជាមានការខ្វះសាមគ្គីគ្នាណាស់..!»។</span></p>
<p><span style="color: #000000;">ជាមួយគ្នានេះ តារាសម្តែងលេចធ្លោ លើសកម្មភាពមនុស្សធម៌ លោក អ៉ឹម ជីវ៉ា ក៏បានសរសេររិះគន់ផងដែរថា «សិល្បករដែលថ្មីល្បីបានបន្តិច មានឡានជិះ ចាប់ផ្តើមកើតជំងឺបូសក្លៀក(តម្លើងឫក)។ អ្នកសិល្បៈខ្លះវិញ គិតតែពីនិយាយដើមគ្នាឯង ឃើញគេមានជាង ឬល្អជាង គឺចាំតែកាច់បំបាក់ អ្នកខ្លះទៀត ទាល់តែល្បីហើយមានទើបរាប់អាន។ ឲ្យតែឮសូរថា មានបុណ្យសព គឺតែងតែនិយាយថា ខ្ញុំឆុងឆ្នាំ តែពេលយប់ឃើញនៅតាមក្លិបរាត្រី ព្រោងព្រាត ដូចស្រមោចទៅរកស្ករ ខ្ញុំពិតជាហួសចិត្ត និងសិល្បករមួយចំនួនខ្លាំងណាស់...!» ។</span></p>
<p><span style="color: #000000;">លោក អ៉ឹម ជីវ៉ា បានបន្ថែមថា «កាលថ្ងៃបូជាចំថ្ងៃចូលឆ្នាំសិល្បករខ្លះ នៅតាមបណ្តាខេត្តឆ្ងាយ មកមិនទាន់ ក៏មិនអីដែរ តែនេះហើយចូលឆ្នាំខ្មែរហើយ បុណ្យ៧ថ្ងៃរបស់លោក រាជ បុរី និង អ្នកនាង ហួត សារ៉ាវឌី គឺចំថ្ងៃព្រហស្បតិ៍ដូចគ្នា ផ្លូវតែមួយគ្រាន់តែមួយធ្វើនៅ ចាក់អង្រែលើ និងចាក់អង្រែក្រោម តែប៉ុណ្ណោះ។ អាស្រ័យដូចបានជំរាបជូន ខាងលើសូមសិល្បករទាំងអស់ ទៅចូលរួមទាំងអស់គ្នា ទោះធ្លាប់ស្គាល់ ឬមិនធ្លាប់ស្គាល់ក្តី សូមទៅចូលរួមក្នុងនាម ជាអ្នកសិល្បៈដូចគ្នា!»៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/13055355_1029406737128260_6893764942559646103_n.jpg?oh=af25e437a0859fe91e7f4077285b18b7&oe=57C088EF" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/13000142_1029406743794926_5214568027218247043_n.jpg?oh=3cb7e44c17fbd9f126e6c0bd230513da&oe=57BF5470" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/13012749_1025839504151650_4749416453223319184_n.jpg?oh=f4a549b788f1e6380beffc73720b8b34&oe=57AE036A" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>