<p><span style="color: #000000;"><strong>(អាមេរិក)៖</strong> មន្រ្តីសុខាភិបាលអាមេរិក បាននិយាយថា នៅក្នុងឆ្នាំ២០១៦ ម្តាយជនជាតិអាមេរិក ស្ទើរពាក់កណ្តាលបានបំប៉ៅកូន របស់ពួកគេ ដោយទឹកដោះក្នុងរយៈពេល៦ខែដំបូង ដោយមានការកើនឡើង ជាងឆ្នាំ ២០០០ដល់ទៅ ៣៥ភាគរយ។ នេះបើយោងតាម ប្រភពព័ត៌មានវិទ្យាសាស្រ្ត Science Daily ចេញផ្សាយនៅថ្ងៃអង្គារ ទី ២៩ ខែវិច្ឆកា ឆ្នាំ២០១៦។</span></p>
<p><span style="color: #000000;">លោកវេជ្ជបណ្ឌិត Tom Frieden ដែលជានាយករបស់មជ្ឈមណ្ឌលគាំពារជំងឺ នៅរដ្ឋអាត្លង់តា បាននិយាយថា ការបំប៉ៅកូនដោយទឹកដោះ ក្នុងរយៈពេល១២ខែ ក៏បានកើនឡើង ជាងឆ្នាំមុនៗចាប់ពី១៦ ទៅ ២៧ភាគរយ។ លទ្ធផលក៏ត្រូវបានបង្ហាញថា ទារកដែលបានចាប់ផ្តើម ប៉ៅទឹកដោះម្តាយ បានកើនឡើងចាប់ពី ៧១ភាយរយ ទៅ ៧៧ភាគរយ នៅក្នុងឆ្នាំ ២០១៦នេះ។</span></p>
<p><span style="color: #000000;">លោកវេជ្ជបណ្ឌិត បាននិយាយថា «នេះគឺជាដំណឹងដ៏ល្អមួយ សម្រាប់សុខភាពរបស់ជាតិយើង ពីព្រោះទារកទាំងអស់ ដែលត្រូវបានបំប៉ៅដោយទឹកដោះម្តាយ មានអត្រាគ្រោះថ្នាក់ នៃការឆ្លងជំងឺ ត្រចៀក និង ក្រពះ និងពោះវៀន ជំងឺទឹកនោមផ្អែម និងជំងឺធាត់ ទាប ខណៈម្តាយដែលបានបំប៉ៅកូន ដោយទឹកដោះមានអាត្រាគ្រោះថ្នាក់ នៃការកើតជំងឺមហារីកសុដន់ ទាប»។</span></p>
<p><br /><span style="color: #000000;">ជាមួយគ្នានេះដែរ លោកវេជ្ជបណ្ឌិត ក៏បាននិយាយទៀត «ការបំប៉ៅកូនដោយទឹកដោះ អាចកាត់បន្ថយថវិកាសម្រាប់ ថែរក្សាសុខភាព។ ម្យ៉ាងវិញទៀត ក្រុមអ្នកស្រាវជ្រាវ បានធ្វើការគណនាថា ថវិកា ២,២ កោដដុល្លារសហរដ្ឋអាមេរិក ជាប្រចាំឆ្នាំ អាចសល់ប្រសិនបើម្តាយគ្រប់រូប បំប៉ៅកូនដោយទឹកដោះ!»៕</span></p>
<p><span style="color: #000000;"><img src="http://i.dailymail.co.uk/i/pix/2012/07/10/article-2171409-0A22FAF9000005DC-150_468x427.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/06/21/14/35841A1C00000578-3652340-image-a-59_1466517083672.jpg" alt="" width="730" /></span></p>
<p><span style="color: #000000;"><img src="https://assets.babycenter.com/ims/2014/12/US_517-177512251_wide.jpg?width=600" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>