<p><span style="color: #000000;"><strong>(អ៊ុយហ្គាន់ដា)៖</strong> ប្រធានាធិបតី នៃប្រទេសអ៊ុយហ្គាន់ដា បានចេញច្បាប់ថ្មីមួយ បញ្ជាដល់តុលាការ ត្រូវតែចាប់ខ្លួនឪពុកម្តាយក្មេងដាក់គុក ក្នុងករណីបើពួកគេ មិនព្រមយកកូនតូចៗរបស់ខ្លួន ទៅចាក់ថ្នាំបង្ការរោគ។</span></p>
<p><span style="color: #000000;">លោកប្រធានាធិបតី Yoweri Museveni និយាយថា ករណីឪពុកម្តាយណា មិនយកកូនទៅចាក់ថ្នាំបង្ការរោគទេនោះ នឹងប្រឈមការជាប់គុករយៈពេល៦ខែ ហើយច្បាប់ថ្មីដ៏កម្រនេះ នឹងតម្រូវឲ្យសាលារៀនទាំងអស់ កុំទទួលយកកូនសិស្ស ដែលមិនមានកាតចាក់ថ្នាំបង្ការរោគទៀតផង។</span></p>
<p><span style="color: #000000;">រដ្ឋមន្ត្រីសុខាភិបាល ប្រទេសនេះនិយាយថា ច្បាប់ដែលដាក់ចេញនេះ នឹងធានាបានថាឪពុកម្តាយគ្រប់រូប នឹងនាំយកកូនតូចៗ ទៅចាក់ថ្នាំបង្ការរោគផ្សេងៗ ដោយមិនកន្តើយឡើយ ប៉ុន្តែសមាជិកអ្នកកាន់សាសនាខ្លះ ដែលបដិសេធមិនយកកូន ទៅចាក់ថ្នាំបង្ការ កំពុងតែប្រឈមនឹងការកាត់ទោស ដាក់ពន្ធនាគារផងដែរ។ រដ្ឋាភិបាលចេញច្បាប់ថ្មីនេះ ក្រោយពីផ្ទុះជំងឺជាច្រើនករណី ដែលគំរាមដល់ជីវិតមនុស្សយ៉ាងខ្លាំង ដូចជារោគឆ្អឹងខ្នង ឬរលាកស្រោមខួរ ហើយភាគច្រើនសុទ្ធតែជាអ្នកកាន់សាសនា ដែលមិនសូវយកកូនទៅចាក់ថ្នាំបង្ការរោគ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/30/18-30-03-2016--10-48-48.jpg"><img src="/FileManager/Articles/mce/2016/3/30/18-30-03-2016--10-48-48.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>