<p><strong>ភ្នំពេញៈ</strong> ថ្មីៗនេះ បានលេចឮព័ត៌មានថា ស្រីស្រស់ វ៉ាឌី ភាលីង ផ្អាកពីការងារសិល្បៈមួយ រយៈ<br />ពេលធំ ដោយសារតែនាង មានបញ្ហា ផ្នែកសុខភាពធ្ងន់ធ្ងរ មិនអាចចូលប្រឡូក ក្នុងវិស័យសិល្បៈ<br />បាន ទើបធ្វើឲ្យនាងឃ្លាតឆ្ងាយ ពីសិល្បៈ តែព័ត៌មាននេះ ត្រូវបានក្រុមគ្រួសាររបស់នាង ប្រាប់ថា<br /> មូលហេតុដែលនាងផ្អាក ពីការងារ មិនមែនដោយសារតែ ជំងឺមួយមុខទេ តែមានហេតុផល ផ្សេង<br />ទៀត។</p>
<p>តារាចម្រៀង និងជាតារាសម្តែងម្នាក់ ដែលមានឈ្មោះបោះសំឡេង វ៉ាឌី ភាលីង ក្នុងមួយរយៈ <br />ពេលចុងក្រោយនេះ នាងហាក់ដូចជា មានភាពស្ងប់ស្ងាត់ ខណៈដែលតារាស្រី ស្រករនាងជា<br />ច្រើន កំពុងតែមមាញឹកក្នុងការ ប្រមូលប្រជាប្រិយភាព និងការងារបានយ៉ាងច្រើន។ ផ្ទុយស្រ<br />ឡះតារាស្រីរូបនេះ បោះបង់ឱកាសទៅសម្ងំនៅក្នុងផ្ទះ មិនខ្វល់ពីការធ្លាក់ ប្រជាប្រិយភាព។</p>
<p>ជាមួយការលើកឡើង បែបនេះដែរ ក៏មានប្រភពបង្ហើបប្រាប់ឲ្យដឹងថា មូលហេតុដែលស្រីស្អាត<br /> សម្បុរស្រអែម កញ្ញា ភាលីង សុខៗបាត់វត្តមាន ពីសិល្បៈនោះ ដោយសារតែនាងមានបញ្ហា <br />សុខភាពឈឺក្រពះធ្ងន់ធ្ងរ មិនអាចច្រៀង ឬក៏ធ្វើការហត់បានទេ។ <span style="line-height: 1.8;">ពាក់ព័ន្ធនឹងព័ត៌មាននេះ ត្រូវ<br />បានតារាចម្រៀង ជាប្អូនស្រីបង្កើត របស់កញ្ញា វ៉ាឌី ភាលីង គឺ កញ្ញា វ៉ាឌី ភាលី បានប្រាប់ជំនួស <br />បងស្រីឲ្យដឹងថា តាមពិតក្នុងមួយរយៈពេលនេះ សុខភាពក្រពះបងស្រី នាងមានភាពធូរស្រាល<br /> ខ្លះហើយ គ្រាន់តែពេលនេះ បងស្រីនាង នៅមិនទាន់ចង់ចូលប្រឡូក សិល្បៈវិញភ្លាមៗ។</span></p>
<p>កញ្ញា វ៉ាឌី ភាលី បានប្រាប់ឲ្យដឹងទៀតថា "ទោះបីជាពេលនេះ បងស្រីខ្ញុំគាត់ (វ៉ាឌី ភាលីង)ផ្អាក<br />ការងារសិល្បៈមែន តែគាត់មិនសូវ មានពេលនៅផ្ទះ មើលថែសុខភាពប៉ុន្មានទេ គ្រាន់តែជំងឺធូរ<br />ស្រាលភ្លាម គាត់ទៅមើលការខុសត្រូវ ហាងភ្លាម គឺរវល់ច្រើន មិនសូវមានពេលទំនេរទេ ព្រោះ<br />ថាពេលនេះបងខ្ញុំ បើកហាងលក់ដូរផលិតផល ថែរក្សាសម្ផស្ស ដូច្នេះហើយបាន ជាពេលនេះ <br />គាត់មិនចង់ចូលសិល្បៈ វិញភ្លាមៗទេ ខ្លាចរវល់ខ្លាំង ហើយហត់ពេក នាំឲ្យជំងឺរើឡើងវិញ"។</p>
<p>ទោះបីជាយ៉ាងណា ក៏ដោយ ក៏កញ្ញា វ៉ាឌី ភាលីង មិនបានអះអាងឲ្យ ច្បាស់ពីកាលបរិច្ឆេទ ច្បាស់<br />លាស់ទេថា បងស្រីរបស់នាងវិល មកចាប់អាជីពសិល្បៈវិញ នៅពេលណានោះទេ ដោយសារតែ<br />ពេលនេះ កញ្ញា ភាលីង កំពុងតែរវល់ជាមួយ នឹងការរកស៊ី។ប្រសិនបើការងាររកស៊ី របស់ភាលីង<br /> កាក់កបខ្លាំង នាងក៏ប្រហែលជា អាចមិនវិលមកចាប់ អាជីពចាស់ក៏ថាបាន៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2692.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>