<p>តាសំ និងតាសុខ បានអង្គុយផឹកស្រា នៅក្រោមដើមស្វាយមុខផ្ទះ ។ ពេលស្រវឹងរៀងៗខ្លួន ហើយតាសំ ក៏និយាយទៅកាន់តាសុខ <br /><strong>តាសំ៖</strong> បើថ្ងៃណាមួយតាឯង ចាក់កន្ទុយលេខ ត្រូវរង្វាន់ធំបង្អស់ តើតាឯងយកលុយទៅធ្វើអ្វី ៕ <br /><strong>តាសុខ៖</strong> ខ្ញុំនឹងយកលុយទៅ ទិញដី១០ហិកតាទុក! ចុះបើតាឯងវិញ តើយកលុយទៅធ្វើអ្វីដែរ? <br /><strong>តាសំ៖</strong> ខ្ញុំនឹងយកលុយទិញគោ ១០០ក្បាល ចិញ្ចឹម ។</p>
<p><a class="thickbox" title="" href="/FileManager/Commons/2014/1/10/1-10-01-2014--10-47-40.jpg"><img src="/FileManager/Articles/mce/2014/1/10/1-10-01-2014--10-47-40.jpg" alt="" /></a><br /><strong>តាសុខ៖</strong> អូហ៍! គោដល់ទៅ ១០០ក្បាល យកទៅចិញ្ចឹមទុកកន្លែងណាអស់ទៅ បើច្រើនម្លឹងៗនោះ? <br /><strong>តាសំ៖</strong> យកពួកវា ទៅចិញ្ចឹមលើដី ១០ហិកតារបស់តាឯងហ្នឹង ។ <br /><strong>តាសុខ៖</strong> អត់បានទេ បើគោវាអាចម៍ច្រើន នាំអោយប្រៃដីខ្ញុំអស់ ...។ <br /><strong>តាសំ៖</strong> អើ! ប្រៃអី ប្រៃទៅ មិនមែនដីម៉ែឳខ្ញុំឯណា ។ <br />តាសុខ ,,, យើស! តាឯងនេះ ចំជាអត់ដឹងអីមែន ខ្ញុំនឹងប្រដៅតាឯងអោយដឹងដៃម្តង ! <br />ក្រោយពីតាចាស់ទាំង២កើត ជម្លោះវាយតប់គ្នា អស់មួយសន្ទះ តាសំ ក៏ស្រែកឡើង <br /><strong>តាសំ៖</strong> អូយ! បែកមុខខ្ញុំ អស់ហើយ ! មិនទាន់ទិញផង ត្រូវចាស់ដៃទៅហើយ ។ <br /><strong>តាសុខ៖</strong> អូយ! ខ្ញុំក៏ពកក្បាលអស់ដែរ !!</p>
<p style="text-align: right;">ដោយ៖ វណ្ណៈ<br />ប្រភព៖ khmerjoke</p>